YUSAK 5:13 - BALA LUK DO'

¹³ Idi kareb Yusak muneng ku Yeriko, idi ieh nenier aceh Burur luk ngimet aceh pelapet pa atunNeh. Idi Yusak iné' matun Neneh, kebalaneh, “Iko lun dengan kaiké, kian lun munu' lek?”

YUSAK 5:13 Iomraidhean Croise

PUDUT 18:1

Idi teh Tuhan nesilagan ni Ibrahim muneng ku lawa kayuh luk meraben déi' Mamré, kareb ieh tudo munung tanga' leponeh kareb mét idang.

PUDUT 18:2

Ieh netukag idi nekali' teluh burur lemulun tuped pa kiungneh. Kareb ieh nenier nediteluh, ieh nupun ratnan tanga' ineh iné' papu' nediteluh, idi ieh netekunal.

PUDUT 28:16

Idi Yakub nekulat, idi kebalaneh, “Tuhan idi ieni, idi na ui nekali' Neneh.”

PUDUT 33:1

Yakub nekali' Esau nacing dengan apat ngeratu anak itinneh. Idi ieh nemabpat anak-anakneh ineh kuan i Lia, Rakel, idi dueh apidneh.

PUDUT 33:5

Idi Esau nenier amung-amung decur idi anak-anak ineh, idi kebalaneh, “Idé lemulun luk denganmu ineh?” Idi kebala Yakub, “Ini anak-anak luk pangeh biré Allah kuanku.”

INUL LUK PUN-PUN 12:22

Lélé anid aco lun macing matun ni Daud pian ngedengan neneh, pad ideh mangun ku aceh baweh rayeh mepad kudeng aceh baweh luk ratnan Allah.

INUL LUK PUN-PUN 21:27

Idi Tuhan nengecuk melaikat ngusong pelapetneh ineh.

INUL LUK PUN-PUN 21:30

Iamo' Daud na miak amé' déi' sembayang inan Allah, ngaceku ieh matot ku pelapet melaikat Tuhan ineh.

PURA' 23:23

MelaikatKu ineh miak nalan pa atunmu, pad nguit namu semuet bang bawang lun Amori, lun Hiti, lun Prisi, lun Kanaani, lun Hiwi, idi lun Yebusi. Idi Ui miak ngaté nedeh.

DANIEL 10:5

Ui netengook idi nekali' Seburur Lemulun luk ngayung ku kibung luk do', idi abet awa' luk ratnan amas.

DANIEL 8:3

Idi ui nekali' aceh dumba deléi luk tuped tangeb abpa' ineh. Ieh inan dueh unga, idi luk netemubu' muci meluun rayeh ratnan luk pun-pun.

SEKARIA 1:8

Ui nenier aceh melaikat Tuhan luk maya' kuda luk mesia'. Ieh pangeh nucu' liang kayuh hadas luun raked, idi pa puetneh inan kuda baken—mesia', mebuda' idi meburit.

IAP 22:23

Idi keladai ineh nenier Melaikat Tuhan luk ngimet pelapet luk metadem tuped uned dalan. Idi keladai ineh numai ratnan dalan idi maya' nan pulung. Idi Bilam nenecat keladai ineh nganau' neneh lemubed amé' nan dalan rayeh teh.

IAP 22:31

Idi kareb ineh Tuhan nengukab mateh Bilam. Idi ieh nenier Melaikat Tuhan luk tuped uned dalan idi ngimet pelapet luk metadem. Idi ieh netemurun, idi netekeradung.

KEKAMEN RASUL-RASUL 1:10

Idi laba' ideh netengook déi' langit kareb Ieh numak, denak-denak dueh burur lemulun dengan ayung luk mebuda', tuped muneng iringdeh.

YUSAK 6:2

Idi kebala Tuhan ni Yusak, “Kali' rungen Ui maré bawang Yeriko ini perapu ku raca'neh idi amung lun luk mesangit kuanmu.

BALA LUK LINIO 1:13

Luun uneddeh inan Seburur Lemulun luk kudeng Anak-Lemulun, luk kuyu' boyor macing ku kukudNeh, idi ruukNeh inabet ku abet amas.

LUN LUK NGUYUT 13:11

Manua inée' maya' awanneh. Idi kareb Manua nepapu' Neneh, idi ieh nengitun, “Iko nepegayam inan awan kidi?” Kebala Melaikat ineh, “Mo, Ui idi.”

LUN LUK NGUYUT 13:22

Idi kebala Manua inan awanneh, “Kali' rungen kiteh matée ngaceku kiteh pangeh nenier Allah!”