YUSAK 5:1 - BALA LUK DO'

¹ Amung raca' lun Amori luk pa acep aco déi' Abpa' Yarden, idi amung raca' lun Kanaan luk tangeb Abpa' Rayeh nekali' bala Tuhan pangeh nengeket Abpa' Yarden pa kiung amung lun Israil, pad lun Israil neguta. Idi ideh matot idi na mekuu' ngaceku lun Israil.

YUSAK 5:1 Iomraidhean Croise

PUDUT 12:6

idi Abram nelemaba bawang ineh pad ieh nacing lawa kayuh luk meraben déi' Moré, ieh ineh su luk inan sembayang déi' Sikem. Idi kareb ineh lun Kanaani tudo bang bawang ineh.

PUDUT 48:22

Idi ui maré setanggal tana' kuanmu meluun ratnan babpat amung-amung kinanakmu, ieh ineh tana' luk mebaleng luk pangeh inaroku rat bang palad lun Amori dengan pelapetku idi binorku.”

SEMUIL LUK KEDUEH 21:2

(Idi Lun Gibion ineh baken ratnan inul lun Israil, iamo' ratnan teceh lun Amori. Idi lun Israil pangeh nepejani' ngulun nedeh. Iamo' Saul nakap dalan sikal ngaté nedeh ineh, ngaceku meluun ngerawé nelun Israil idi lun Yahuda.)

RACA'-RACA' LUK PUN-PUN 10:5

akan luk luun téngneh, amung lun tarehneh, amung lun dukenneh idi ayungdeh ineh, idi demulun luk maré luk rupenneh, idi baré luk sabpen bang Ruma' Allah, idi ieh pelaba awa.

ESRA 9:1

Muci ratnan ineh idi sebuang lun rayeh Israil iné' matun negku, kebaladeh, “Pupu Israil dengan imam idi lun Liwi pana' na ngado bururdeh ratnan pupu luk pekelibut, ieh ineh lun Kanaani, lun Hiti, lun Prisi, lun Yebusi, lun Amon, lun Moab, lun Masir, idi lun Amori. Idi lun Israil nenganau' kekamen pupu ineh luk inan Tuhan megateh.

NANI UBUR 135:11

Sihon, raca' lun Amori, Og, raca' bawang Basan, idi amung raca' déi' bawang Kanaan.

PURA' 23:28

Idi teh Ui ngagau bunu'mu, idi ngusu amung lun Hiwi, lun Kanaani, idi lun Hiti rat pa atunmu.

YESAYA 41:5

“Pupu rat bawang mado pangeh nenier luk inau'Ku; ideh matot idi megegker. Ngaceku ineh ideh mepamung.

YEHISKIEL 16:3

Mada' Yerusalim ratnan bala Tuhan Allah nedeh: “Iko tinganak déi' bawang Kanaan. Tamanmu ineh lun Amori, idi tinanmu lun Hiti.

YEHISKIEL 21:7

Kareb ideh ngitun namu anun punmu ngarod, do' mada' nedeh ratnan luk miak mangun. Mada' nedeh ratnan tot luk miak manu' niatdeh. Ticu'deh miak melaya', pad ideh na mekuu' teh. Alebdeh pana' megegker. Tarekneh pangeh macing.” Tuhan Allah pangeh nepebala.

DANIEL 5:6

Idi kiungneh nisu' mebudi idi ieh megegker niat.

AMOS 2:9

sagan pana' ngaceku ideh, Ui nengaté nelun Amori luk medita' mepad kudeng kayuh tumuh idi metueh mepad kudeng kayuh luk meraben. Ui nengaté nedeh amung-amung.

IAP 13:29

Idi lun Amalek tudo déi' tana' Negeb. Idi lun Hiti, lun Yebusi, idi lun Amori tudo luun pegkung. Idi lun Kanaani tudo tangeb Abpa' Rayeh idi tangeb Abpa' Yarden teh.”

YUSAK 17:12

Iamo' lun Manasé na miak ngusu lemulun rat bang bawang-bawang ineh. Ngaceku ineh lun Kanaani tudo déi'.

YUSAK 17:18

Idi pegkung ineh muyuh kuan, sagan tu pana' ineh pulung. Temara' ineh idi ngalap kuan muyuh macing iringneh. Ngaceku muyuh miak ngusu lun Kanaani ineh rat su inandeh sagan tu pana' ideh inan keréta belawan, idi metueh teh.”

YUSAK 24:15

Idi kudeng muyuh na sikal mepicet maya' Tuhan, do' nekini muyuh mili' idé' luk pian bén muyuh, allah luk inubur tepun muyuh dipar Abpa' Pirat, kian allah lun Amori bang tana' luk inan muyuh tudo nekini. Iamo' ui idi lun bang tetek ruma'ku sikal maya' Tuhan.”

YUSAK 3:16

idi abpa' luk manud rat pa dayeh mepamung mado suet bawang Adam luk pa Saretan, idi abpa' luk manud luk amé' luun patar, ieh ineh Abpa' luk Mepaci' itad pad nacing melena' tu-tu. Idi lun mula' ineh guta tutup Yeriko.

YUSAK 3:17

Idi amung imam luk mirir Pati' Pejani' Tuhan ineh tuped su luk nekeket uned Abpa' Yarden, laba' amung lun Israil guta maya' su luk tekering ineh, pad amung lun mula' ineh nabud neguta.

BALA LUK LINIO 18:10

Ideh tuped rat mado ngaceku matot ku derehneh idi pebala, “Mesusa', mesusa', bawang Babil luk rayeh, bawang luk meraben ineh! Bang sejam kinioneh ukum pangeh nacing namu.”

LUN LUK NGUYUT 1:1

Kareb Yusak pangeh natée, idi lun Israil nengitun Tuhan, kebaladeh, “Idéekée rat arang kai miak nalan atun amée' munu' nelun Kanaani?”

LUN LUK NGUYUT 11:23

Ieh ineh Tuhan Allah lun Israil luk nengusu nelun Amori kuan pupuNeh, lun Israil. Piankée iko nutun ngalap tana' ineh lemubed?

LUN LUK NGUYUT 3:3

Idi luk neketecan, ieh ineh limeh burur raca' lun Pilistin, idi amung lun Kanaani, lun Sidon, idi lun Hiwi, luk tudo luun Pegkung Lebanon, rat Pegkung Baal Hermon macing Ruan Hamat.

LUN LUK NGUYUT 4:2

Ngaceku ineh Tuhan nenima' nedeh linaya' Yabin, seburur raca' lun Kanaani, luk ngimet bawang Hasor, idi lun rayeh bawehneh, ieh ineh Sisera, luk tudo déei' Haroset, Bawang Lun Pupu Baken.

SEMUIL LUK PUN-PUN 25:37

Idi pekak kareb abuk abpa' anggur pangeh mato rat ni Nabal ineh, idi Abigail nemada' amung bala ineh neneh. Idi Nabal nelepu, idi telubid mepad kudeng batu.