YUSAK 4:7 - BALA LUK DO'

⁷ do' muyuh mada' nedeh ratnan kudeng apeh Abpa' Yarden ineh pangeh nepatad pa atun Pati' Pejani' Tuhan kareb Pati' ineh nepegata Abpa' Yarden idi abpa' ineh nepatad, idi batu-batu ini mangun ku aceh terawé ratnan dalan ineh kuan amung lun Israil macing idan-idan pana'.”

YUSAK 4:7 Iomraidhean Croise

NANI UBUR 111:4

Tuhan na nima' netau mekelupan kekamenNeh luk do'; Ieh mekatu idi méi'.

PURA' 12:14

Idi aco sini mangun ku aceh terawé kuan muyuh. Do' muyuh ngerayeh aco sineh kuan Tuhan macing ruked-ruked.

PURA' 28:12

Do' iko nganau' dueh bau ineh mop lalid kuyu' imam ku terawé ratnan pulu' dueh pupu Israil. Idi do' Arun nguit ngadandeh luk pekop lalid kuyu' ineh, pad Ui ini Tuhan megéi' ngerawé pupuKu.

PURA' 30:16

Do' ngalap usin ini kuan kekamen Tuhan ineh rat nelun Israil, idi maré ineh ngaceku kekamen bang Lepo su luk inan papu' Tuhan ineh. Ieh ineh usin uli' ulundeh, pad Ui ngerawé idi matar nedeh.”

YESAYA 66:3

“Lun mula' nganau' luk piandeh. Ideh ngaté sapi' ku baré, idi lemulun pana' keretendeh ku baré teh; ideh ngeret anak dumba, idi mutul dier uko'; ideh maré baré akan idi teh dara' barek; ideh maré umau luk do' buen, idi sembayang inan akang. Ideh mawang niat ku sembayang luk pelaba dat.

IAP 16:40

Idi ineh mangun ku terawé kuan lun Israil, pad lemulun luk na titen ku imam, idi lun luk na inul Arun na amé' muneng idi ngeseb umau luk do' buen pa kiung Tuhan, pad ieh na kudeng Kora idi amung lun luk nemaya' neneh, maya' kudeng luk bila Tuhan ni Eliasar dengan tang Musa.

IAP 17:5

Idi rukud lun luk pinili'Ku ineh miak nginulih. Ratnan luk kudeng ineh Ui miak ngagka' dureng amung lun Israil ngaceku medueh.”

1 KORINTUS 11:24

idi pangeh Ieh nemaré ubur, idi Ieh nemuri' ruti, kebalaNeh, “Ini bururKu luk biré ngaceku muyuh. Nganau' kudeng ini mangun ku aceh terawé ratnan Ui.”

BADA' RATNAN UKUM 16:3

Idi aleg iko kuman ruti luk linamud dengan ineh. Tudu' aco kinioneh, do' iko kuman ruti luk na linamud, ngaceku dengan tepapeh-tepapeh iko pangeh neremuat rat bang bawang Masir. Kuman ruti ineh pad iko ngerawé derehmu ineh, pelé iko na mekelupan acomu neremuat rat bawang Masir ineh ruked ulunmu.

YUSAK 4:6

Idi batu ineh mangun ku aceh terawé arang muyuh, kareb anak muyuh ngitun, kebaladeh, ‘Anunké ilung amung batu ini kuan muyuh?’