YUSAK 4:14 - BALA LUK DO'

¹⁴ Idi kareb aco sineh teh Tuhan nengerayeh ni Yusak pa kiung amung lun Israil. Idi ideh matot neneh, mepad kudeng ideh matot ni Musa atun.

YUSAK 4:14 Iomraidhean Croise

RACA'-RACA' LUK PUN-PUN 3:28

Idi kekiped ukum luk pingeh raca' ini nekali' amung lun Israil. Idi ideh matot pa kiung raca' ngaceku ideh kali' ileh Allah luk biré neneh, pad ieh nganau' luk mepiteb.

RACA'-RACA' LUK KEDUEH 2:15

Kareb anak sekola' nabi luk déi' Yeriko nenier i dipar ineh, idi kebaladeh, “Roh Elia ineh idi ni Elisa peh.” Idi ideh iné' papu neneh. Idi ideh netekunal pa kiungneh.

INUL LUK PUN-PUN 29:25

Idi Tuhan nengerayeh ni Selimun pa kiung amung lun Israil. Idi Ieh nengedita' imetneh meluun ratnan imet amung raca' Israil luk atun rat neneh.

INUL LUK KEDUEH 30:12

Idi Allah nengegio niat lun Yahuda pad ideh sebuleng niat nganau' anun-anun luk icuk raca' idi amung lun rayeh, maya' kudeng luk bila Tuhan.

PURA' 11:3

Idi Tuhan nemaré nedeh ineh inan lun Masir méi'. Meluun teh Musa ineh selemulun luk mebala bang bawang Masir, ieh ineh pa kiung amung tareh raca' idi anak itin raca' pana'.

PURA' 14:31

Idi kareb ideh nenier tanu' luk melalud luk inau' Tuhan kuan lun Masir ineh, idi ideh matot inan Tuhan. Idi ideh manu inan Tuhan idi ni Musa, demulunNeh ineh.

BALE' 24:21

O Asi, do' matot inan Tuhan, idi matot inan raca' pana'. Idi aleg perurum nan lemulun luk inan terawé luk baken.

SURAT LUK BIRE PAULUS KUAN LUN RUM 13:4

Ngaceku ieh demulun Allah luk ngacing luk do' kuanmu. Iamo' kudeng iko nganau' luk dat, do' iko matot neneh, ngaceku baken ieh ngimet lalud ineh mo'-mo', ngaceku ieh demulun Allah, luk ngacing useh kuan idé-idé luk nganau' luk dat.

1 KORINTUS 10:2

Amung-amungdeh pangeh rireb bang laput idi bang abpa' rayeh, pad mangun ku anak itin Musa.

YUSAK 3:7

Idi kebala Tuhan ni Yusak, “Aco sini Ui pian ngimun ngerayeh namu pa kiung amung lun Israil, pelé ideh kali', mepad kudeng Ui nengedengan ni Musa atun, kudeng ineh teh Ui ngedengan namu.

YUSAK 4:13

Idi 40,000 lun luk temina' pebunu' neguta abpa' pa kiung Tuhan amé' nan patar muneng ku Yeriko.

YUSAK 4:15

Idi kebala Tuhan ni Yusak,

SEMUIL LUK PUN-PUN 12:18

Idi Semuil nenawar Tuhan. Idi Tuhan nenganau' lalam idi udan bang aco sineh teh. Idi lun mula' ineh pelaba tot inan Tuhan idi ni Semuil pana',