YUSAK 3:7 - BALA LUK DO'

⁷ Idi kebala Tuhan ni Yusak, “Aco sini Ui pian ngimun ngerayeh namu pa kiung amung lun Israil, pelé ideh kali', mepad kudeng Ui nengedengan ni Musa atun, kudeng ineh teh Ui ngedengan namu.

YUSAK 3:7 Iomraidhean Croise

INUL LUK PUN-PUN 29:25

Idi Tuhan nengerayeh ni Selimun pa kiung amung lun Israil. Idi Ieh nengedita' imetneh meluun ratnan imet amung raca' Israil luk atun rat neneh.

INUL LUK KEDUEH 1:1

Selimun anak Raca' Daud metueh ngimet imet Israil, pad Tuhan Allahneh nengeperuan neneh, idi nemaré lalud neneh.

AYUB 7:17

Ngudehké Iko ngerawé lemulun, idi nier amung luk ruenneh?

NANI UBUR 18:35

Iko maré utap ulun kuanku, idi laludMu matar negku. Ratnan pedenganMu ui mangun ku lun rayeh.

YAHYA 17:1

Pangeh Yésus nepebala, idi Ieh netengook déi' langit, kebalaNeh, “O Ama' karebneh pangeh macing. Ngegala' rayeh AnakMu, pad AnakMu pana' miak ngegala' rayehMu.

PILIPI 1:20

Ui geregan idi merapet dengan matu-matu, pad ui na melaya' bang kekamenku. Iamo' do' ui megéi' mekuu', meluun teh bang kareb ini, pad ui pelaba kél ngerayeh Keristus bang bururku, do' dengan ulun kian até lek.

YUSAK 1:17

Mepad kudeng kai pangeh nemaya' bala Musa kudeng ineh teh kai maya' balamu, kudeng Tuhan Allahmu miak ngedengan namu, mepad kudeng Ieh nengedengan ni Musa.

YUSAK 1:5

Seburur pana' nateh luk miak ngelaya' namu, ruked ulunmu. Mepad kudeng Ui idi dengan Musa, kudeng ineh teh Ui miak ngedengan namu. Na ui miak necan namu.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 3:6

Idi kebala Yusak nelun imam, “Kedingen muyuh Pati' Pejani' ineh, idi nalan pa atun lun mula'.” Idi ideh nenganau' maya' kudeng luk bilaneh.

YUSAK 3:8

Idi do' iko ngecuk nelun imam luk mirir Pati' Pejani' ineh, kebalamu, ‘Kareb muyuh macing Abpa' Yarden, do' muyuh tuped bang Abpa' Yarden ineh muneng ku tangeb.’ ”

YUSAK 4:14

Idi kareb aco sineh teh Tuhan nengerayeh ni Yusak pa kiung amung lun Israil. Idi ideh matot neneh, mepad kudeng ideh matot ni Musa atun.