YUSAK 3:5 - BALA LUK DO'

⁵ Kebala Yusak nelun mula' ineh, “Ngeligan burur muyuh, ngaceku pekak nebpa Tuhan pian nganau' kekamen luk rayeh arang muyuh.”

YUSAK 3:5 Iomraidhean Croise

AYUB 1:5

Kareb anid irau ineh pangeh, Ayub megéi' kulat muka pekak idi maré baré ku ngeligan anakneh. Ieh megéi' nganau' kudeng ineh. Ngaceku ieh ngerawé kian seburur rat arangdeh lek pangeh nenganau' sala' idi nenguyo Allah dengan na kali'.

NANI UBUR 77:15

Dengan laludMu Iko nengulun pupuMu, ieh ineh inul Yakub idi Yusup.

NANI UBUR 86:10

ngaceku Iko luk melalud, idi luk nganau' kekamen luk inan mawa; Iko sebuleng mo' luk Allah.

YOEL 2:16

Do' ngamung amung lun mula' ineh, pad ideh temina' amé' ku tebubpun luk meligan. Do' nguit lun luk mengered idi anak-anak, idi teh anak luk niti'. Meluun teh kuan lun luk aweh baruh, do' necan takepdeh idi amé' tebubpun.

UKUM 10:3

Idi kebala Musa ni Arun, “Ini luk pangeh bida' Tuhan, kebalaNeh, ‘Ui pian mada' liganKu siren lemulun luk muneng Negku, idi Ui pian uen ngerayeh pa kiung amung-amung lemulun.’ ” Idi Arun pirud.

UKUM 20:7

Ngaceku ineh do' muyuh ngeligan burur muyuh, ngaceku Ui ni Tuhan Allah muyuh.

IAP 11:8

Idi lun Israil iné' ngalap ineh. Idi ideh nenganau' ineh ku banak idi nenanek ineh ku tinapé. Idi énneh mepad kudeng én ruti luk didang dengan umau saitun.

YAHYA 17:19

Ui ngeligan bururKu ngaceku ideh, pad ideh pana' uen ngeligan bang luk matu.

YUSAK 3:13

Idi kareb lengayen kukud amung imam luk mirir Pati' Pejani' Allah Tuhan luk kuan amung tana' ini ucu' bang Abpa' Yarden, idi abpa' Yarden ined mepatad, idi abpa' luk manud rat pa dayeh ineh miak ugka' mangun ku aceh leleng.”

YUSAK 3:15

Kareb ideh macing tangeb abpa' ineh, idi kukuddeh pun rureb bang abpa' ineh,

YUSAK 3:4

pad muyuh miak kali' dalan luk miak bén muyuh, ngaceku muyuh na maya' dalan ini atun. Aleg muyuh muneng ku Pati' ineh, iamo' nima' setangal batu arang muyuh rat ku Pati' ineh.”

YUSAK 3:6

Idi kebala Yusak nelun imam, “Kedingen muyuh Pati' Pejani' ineh, idi nalan pa atun lun mula'.” Idi ideh nenganau' maya' kudeng luk bilaneh.

YUSAK 7:13

Mudur iko! Ngeligan pupu ini, pad ideh temina' papu' Negku. Ngecuk nedeh temina' papu' Negku nebpa. Ngaceku Ui ini Allah lun Israil pebala, ‘Inan aceh luk bibpeng na lapen arang muyuh, O Israil. Idi na muyuh miak tuman tuped pa kiung bunu' muyuh kudeng muyuh na nala' luk bibpeng na lapen ineh rat arang muyuh!’

SEMUIL LUK PUN-PUN 16:5

Idi kebalaneh, “Do'. Lawéku ini pian maré baré kuan Tuhan. Ngeligan burur muyuh idi maya' negku.” Idi ieh nengeligan ni Isai idi amung anak deléineh. Idi ieh nenawar nedeh amé' su luk inan maré ineh.