YUSAK 3:16 - BALA LUK DO'

¹⁶ idi abpa' luk manud rat pa dayeh mepamung mado suet bawang Adam luk pa Saretan, idi abpa' luk manud luk amé' luun patar, ieh ineh Abpa' luk Mepaci' itad pad nacing melena' tu-tu. Idi lun mula' ineh guta tutup Yeriko.

YUSAK 3:16 Iomraidhean Croise

PUDUT 14:3

Idi limeh raca' ineh neperurum idi nepamung luun raked déi' Sidim, ieh ineh Abpa' luk Mepaci'.

RACA'-RACA' LUK PUN-PUN 7:46

Idi raca' nengecuk nganau' amung ineh bang tana' salit luk arang Sukot idi Saretan luun Raked Yarden.

NANI UBUR 114:3

Abpa' Pisui nenier ineh idi ieh neburo, idi Abpa' Yarden nekeket.

NANI UBUR 114:5

Anun punneh iko neburo, O Abpa'? O Abpa' Yarden, ngudeh iko nekeket?

NANI UBUR 29:10

Tuhan ngimet ribaruh abpa'; idi Ieh raca' ruked-ruked.

NANI UBUR 33:7

Ieh nengamung amung abpa' rayeh mangun ku sebuleng luk inan; idi Ieh nenganau' tuda'-tuda' ribaruh bang abpa rayeh ineh.

NANI UBUR 66:6

Ieh nengisu' abpa' rayeh mangun ku tana' luk tekering, pad tepun tau miak guta. Idi ieneh tau mawang niat ngaceku luk inau'Neh.

NANI UBUR 74:15

Iko nenganau' abpa uput rat bang buedneh, idi nengeket abpa' luk rayeh.

NANI UBUR 77:19

Iko nenalan idi neguta abpa' rayeh idi ribaruh pana', iamo' lengayanMu na melagan.

NANI UBUR 78:13

Ieh nemabpat abpa' rayeh idi nenaped neneh mepad kudeng alad; idi Ieh nenguyut nedeh guta.

PURA' 14:21

Musa nengegenang ticu'neh pa luun abpa'. Idi Tuhan nengelubed abpa' ineh ku aceh bui luk metueh rat pa busat aco kedangen-kedangen ineh. Idi abpa' pana' nepatad.

PURA' 14:22

Idi lun Israil nemaya' su luk netekering ineh. Idi abpa' ineh pa tinueh idi pa kabingdeh mepad kudeng alad.

PURA' 14:29

Iamo' amung lun Israil nenalan su luk netekering uned abpa'. Idi abpa' ineh mangun ku aceh aladdeh pa tinueh idi pa kabingdeh.

PURA' 15:8

Iko nengiup luun abpa' rayeh, pad abpa' kemubul. Idi abpa' ineh tuped mepad kudeng alad; amung lipak nugkeng uned abpa' ineh.

YESAYA 50:2

“Ngudehké pupuKu na nengor balaKu, kareb Ui iné' ngulun nedeh idi nenawar nedeh? Matuké Ui melaya' pad na miak ngulun nedeh? Dengan sebuleng ecuk Ui miak ngekeket abpa' rayeh, idi ngisu' abpa' mangun ku su luk ali-ali; pad lawid maté ngaceku na abpa';

YEHISKIEL 47:8

Kebalaneh negku, “Abpa' ini manud lemaba tana' luk pa busat aco macing nan Raked Yarden idi Abpa' luk Mepaci'. Kareb ieh semuet bang Abpa' luk Mepaci' ieh nganau' abpa' ineh meligan.

NAHUM 1:4

Ieh mebpeng abpa' rayeh, pad ieh mekeket, idi arur-arur pana' ruenNeh mekeket. Laman luk déi' Basan melayuh, idi Pegkung Karmel tekering, idi busak luun Pegkung Lebanon mekarang.

HABAKUK 3:8

O Tuhan, inanké amung abpa' luk nganau' Namu museh? Inanké abpa' rayeh luk nenganau' Namu megateh niat? Iko nenalan maya' laput; laput luk mitem mangun ku kerétaMu kareb Iko nenguit pupuMu pad ideh metueh.

IAP 34:3

Idi lakan muyuh luk pa kabing busat aco, ieh ineh rat su luk ali-ali déi' Sin, iring tana' Edom. Idi lakanneh pa busat aco, ieh ineh rat paped Abpa' Paci' luk pa busat aco.

BADA' RATNAN UKUM 1:1

Idi ini amung bala luk bida' Musa nelun Israil dipar Abpa' Yarden, déi' su luk ali-ali, ieh ineh déi' luun Raked Yarden luk petutup ku Sup, arang Paran dengan Topel, Laban, Haserot, idi Disahab.

BADA' RATNAN UKUM 3:17

Idi teh pa acep aco Abpa' Yarden mangun ku lakandeh, rat Takung Galilia pa tinueh busat aco macing i tangeb Abpa' Luk Mepaci' pa kabing busat aco, idi macing iang Pegkung Pisga pa busat aco.

YUSAK 12:3

pa busat aco Raked Yarden, rat Takung Galilia macing Bait Yesimot, ieh ineh pa busat aco Abpa' luk Mepaci', idi macing pa kabing busat aco, ieh ineh iang Pegkung Pisga.

YUSAK 15:2

Idi lakan tana'deh ineh pa kabing busat aco pelengit Abpa' luk Mepaci'.

YUSAK 16:7

idi musul rat Yanua macing Atarot idi Nara, pad macing Yeriko, idi kekiped lakan ineh Abpa' Yarden.

YUSAK 3:13

Idi kareb lengayen kukud amung imam luk mirir Pati' Pejani' Allah Tuhan luk kuan amung tana' ini ucu' bang Abpa' Yarden, idi abpa' Yarden ined mepatad, idi abpa' luk manud rat pa dayeh ineh miak ugka' mangun ku aceh leleng.”

YUSAK 4:22

do' muyuh mada' nedeh ratnan kudeng apeh lun Israil pangeh neguta Abpa' Yarden nenalan maya' luun.

YUSAK 5:1

Amung raca' lun Amori luk pa acep aco déi' Abpa' Yarden, idi amung raca' lun Kanaan luk tangeb Abpa' Rayeh nekali' bala Tuhan pangeh nengeket Abpa' Yarden pa kiung amung lun Israil, pad lun Israil neguta. Idi ideh matot idi na mekuu' ngaceku lun Israil.

LUN LUK NGUYUT 7:22

Kareb ideh luk 300 ineh nengiup ungadeh, idi Tuhan nenganau' nelun Midian pepatée nedeh sebuleng, pad baweh ineh neburo inée' Bait Sita suet déei' Serera, macing Abel Mehola, luk muneng ku Tabat.