YUSAK 3:14 - BALA LUK DO'

¹⁴ Idi kareb ngeranih, amung tangeb Abpa' Yarden mereb. Idi lun mula' ineh nengusag lepo-lepodeh pian guta Abpa' Yarden. Idi imam-imam nemirir Pati' Pejani' pa atun lun mula' ineh.

YUSAK 3:14 Iomraidhean Croise

NANI UBUR 132:8

Amé' bang ruma'Mu, Tuhan dengan Pati' Pejani'Mu ineh, ieh ineh tanu' laludMu, idi mudeng su ineh macing ruked-ruked.

YEREMIA 3:16

Kareb muyuh amé' mula' bang bawang ineh, na lun pian pebala ratnan Pati' Pejani' Tuhan, idi na ngerawé ineh, idi na pian nganau' sebuleng baruh teh.

BADA' RATNAN UKUM 31:26

“Lapen muyuh surat Ukum Allah ini, ngerareng ineh luun iring Pati' Pejani' Tuhan Allah muyuh, pelé rat su ineh, ieh ineh mangun ku aceh bada' kuan pupuNeh.

IBERANI 9:4

Bang ineh inan aceh luk inan ngeseb umau luk do' buen ratnan amas, Pati' Pejani' luk ibpu ku amas libut-libutneh, bigan amas luk panu' ku manna, rukud Arun luk nginulih, idi dueh balad batu pejani'.

YUSAK 24:11

Pangeh ineh idi muyuh neguta Abpa' Yarden. Kareb pangeh macing déi' Yeriko idi lun bang bawang Yeriko nepebunu' nemuyuh, ieh ineh lun Amori, lun Prisi, lun Kanaani, lun Hiti, lun Gergasi, lun Hiwi, idi lun Yebusi. Idi amungdeh ineh biréKu bang palad muyuh.

YUSAK 3:3

idi nemada' nelun mula' ineh, kebaladeh, “Kareb muyuh nier Pati' Pejani' Tuhan Allah muyuh idi amung imam lun Liwi mirir ineh, do' muyuh nalan rat su inan muyuh idi pebaya' Pati' ineh,

YUSAK 3:6

Idi kebala Yusak nelun imam, “Kedingen muyuh Pati' Pejani' ineh, idi nalan pa atun lun mula'.” Idi ideh nenganau' maya' kudeng luk bilaneh.

YUSAK 6:6

Idi Yusak nenawar amung imam, kebalaneh nedeh, “Kedingen muyuh Pati' Pejani' ineh. Idi do' tudu' burur imam ngiup tudu' serupit luk ratnan unga dumba deléi, idi nalan pa atun Pati' Pejani' Tuhan.”