YUSAK 3:11 - BALA LUK DO'

¹¹ Pati' Pejani' Tuhan luk kuan amung tana' ini miak guta Abpa' Yarden pa atun muyuh.

YUSAK 3:11 Iomraidhean Croise

INUL LUK PUN-PUN 29:11

KuanMu O Tuhan, amung rayeh, amung lalud, amung ubur, idi amung tueh, idi amung dita'. Idi amung-amung luk déi' langit idi luk luun tana' Iko mo' luk kuan, O Tuhan luk kuan amung imet, ngaceku Iko mo' luk rayeh pa luun amung-amung.

AYUB 41:11

Idéké miak amé' matun neneh idi ieh mulun? Seburur pana' luk bang tana' ini na miak.

NANI UBUR 24:1

Tana' idi amung uangneh Tuhan kuan, idi amung luk mulun luun tana' ineh pana' Ieh kuan.

NANI UBUR 97:5

Amung pegkung remuno kudeng ulih pa kiung Tuhan, ieh ineh pa kiung Tuhan luk ngimet amung tana'.

YESAYA 3:12

Lun luk maré usin kebiten ngedereh pupuKu, idi lun luk inandeh pebaleh naluk nedeh. O pupuKu, lun rayeh muyuh ngeraruh nemuyuh, pad muyuh na kali' dalan luk matu.

YESAYA 54:5

Lun luk nemudut namu mangun ku awanmu. Idi ngadanNeh Tuhan luk Melalud! Allah Israil luk Meligan ngulun namu. Ieh ineh raca' amung tana' ini!

YEREMIA 10:7

Petulu amung lemulun matot Namu, O Raca' amung pupu? Petulu Iko inan matot. Na lun luk kudeng Iko rat arang amung-amung lun luk mileh bang anid-anid bawang idi bang amung-amung imetdeh.

MIKA 4:13

Kebala Tuhan, “O pupu Yerusalim, do' amé' ngukum bunu' muyuh! Ui miak ngetueh nemuyuh mepad kudeng sapi' luk unga belawan, idi dapar tekaling. Muyuh miak ngerenik mula' pupu, pad binawehdeh lapenKu, pelé amung ineh mangun ku binaweh Tuhan luk kuan aput tana'.”

SEPANIA 2:11

Tuhan miak ngatot nedeh. Ieh miak nala' amung kang tana' ini, pad na luk ketecan, idi anid-anid pupu miak sembayang Neneh bang bawangdeh sebuleng.

SEKARIA 14:9

Idi Tuhan miak mangun ku raca' aput-aput tana'. Idi kareb ineh Tuhan sebuleng mo', idi ngadanNeh sebuleng mo'.

SEKARIA 4:14

Idi kebala melaikat ineh, “Ieh ineh dueh burur lemulun luk pinili' idi inumau Allah luk tuped pa kiung Tuhan luk ngimet aput tana'.”

SEKARIA 6:5

Idi kebalaneh, “Ieh ineh apat bui, luk pangeh nacing rat pa kiung Tuhan amung tana' ini.”

BADA' RATNAN UKUM 9:3

Iamo' muyuh miak kali' aco sini pana' Tuhan Allah muyuh luk nalan pa atun muyuh mepad kudeng apui. Idi Ieh miak ngelaya' nedeh pa kiung muyuh, pad muyuh ngusu nedeh, idi ngaté nedeh dengan mesaget, maya' kudeng luk bilaNeh nemuyuh.

YUSAK 3:13

Idi kareb lengayen kukud amung imam luk mirir Pati' Pejani' Allah Tuhan luk kuan amung tana' ini ucu' bang Abpa' Yarden, idi abpa' Yarden ined mepatad, idi abpa' luk manud rat pa dayeh ineh miak ugka' mangun ku aceh leleng.”