YUSAK 3:10 - BALA LUK DO'

¹⁰ Aco sini muyuh miak kali' Allah mulun arang muyuh. Idi Ieh miak ngusu amung lun Kanaani, lun Hiti, lun Hiwi, lun Prisi, lun Girgasi, lun Amori, idi lun Yebusi rat pa kiung muyuh.

YUSAK 3:10 Iomraidhean Croise

PUDUT 15:21

lun Amori, lun Kanaani, lun Girgasi, idi lun Yebusi.

RACA'-RACA' LUK PUN-PUN 22:28

Idi kebala Mikaya, “Kudeng iko muli' dengan do', kali rungen na Tuhan nepebala negku.” Idi teh kebalaneh, “Ninger O amung muyuh!”

RACA'-RACA' LUK KEDUEH 19:4

Raca' Asur pangeh nengecuk lun rayehneh amé' ngedat Allah luk mulun. Do' Tuhan Allahmu ninger bala luk dat ini, idi ngukum lemulun luk nepebala kudeng ineh. Do' iko sembayang nan Allah mutuh kuan pupu tau luk ketecan.”

INUL LUK PUN-PUN 1:14

Idi Kanaan ineh tepun lun Yebusi, lun Amori, lun Girgasi,

NANI UBUR 42:2

Ui meparing u Allah luk mulun; idanké ui miak amé' sembayang pa kiungNeh?

NANI UBUR 9:16

Tuhan nengegala' bururNeh, ratnan Ieh mutut besara' dengan ukum luk matu, idi lun luk dat mekaneh abpungdeh ngaceku kekamendeh sebuleng.

PURA' 17:7

Idi su ineh titen “Tutun” idi “Kedaluh,” ngaceku lun Israil pangeh nepekedaluh idi nenutun Tuhan, kebaladeh, “Inanké Tuhan arang tau, kian na?”

PURA' 3:8

Idi Ui pangeh netemurun pad muit nedeh ratnan imet lun Masir, pelé Ui nguit nedeh remuat rat bang bawang ineh amé' nan aceh bawang luk rayeh, ieh ineh aceh tana' luk mebaleng, su luk inan lun Kanaani, lun Hiti, lun Amori, lun Prisi, lun Hiwi, idi lun Yebusi.

PURA' 33:2

Ui ngecuk aceh melaikat nalan pa atun muyuh, idi Ui ngusu lun Kanaani, lun Amori, lun Hiti, lun Prisi, lun Hiwi, idi lun Yebusi.

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

YEREMIA 10:10

Iamo' Tuhan ineh Allah luk matu, Allah luk mulun idi Raca' luk meruked. Kareb Ieh museh tana' meruyuh; idi amung pupu na tuman ku usehNeh. (

HOSIA 1:10

Lun Israil miak mepad kudeng bada déi' tangeb abpa' rayeh, ieh ineh na mekiap. Pangeh bila nedeh, “Muyuh ini baken pupuKu,” iamo' muci bala ini miak belén nedeh, “Muyuh ini anak-anak Allah lun mulun!”

IAP 13:29

Idi lun Amalek tudo déi' tana' Negeb. Idi lun Hiti, lun Yebusi, idi lun Amori tudo luun pegkung. Idi lun Kanaani tudo tangeb Abpa' Rayeh idi tangeb Abpa' Yarden teh.”

MATIUS 16:16

Idi kebala Simun Pétrus, “Iko Keristus, Anak Allah luk mulun.”

YAHYA 6:69

Kai ini pangeh manu idi kali', idi Iko ineh Luk Meluun Ligan luk macing ratnan Allah.”

BADA' RATNAN UKUM 31:17

Kareb ineh Ui pelaba gateh nedeh. Ui miak necan nedeh, idi mapen kiungKu rat nedeh, pad ideh pederen ku tuda'-tuda' ét idi susa', pelé ideh pebala, ‘Bakenké dereh ini macing netau ngaceku Allah tau na idi arang tau?’

BADA' RATNAN UKUM 5:26

Idéké rat arang amung lemulun pangeh neninger arod Allah luk mulun ineh, luk nepebala rat bang apui, mepad kudeng luk pindenger kai ini, idi ieh muluh teh?

BADA' RATNAN UKUM 7:1

“Tuhan Allah muyuh nguit nemuyuh amé' bang bawang luk ulek muyuh, idi kareb muyuh nalan Ieh miak ngusu pupu-pupu luk meluun rayeh idi melalud rat nemuyuh, ieh ineh amung lun Hiti, Girgasi, Amori, Kanaani, Prisi, Hiwi, idi Yebusi.

BADA' RATNAN UKUM 7:21

Aleg muyuh megegker pa kiungdeh. Ngaceku Tuhan Allah muyuh idi dengan muyuh. Ieh Ineh Allah luk meluun rayeh idi luk inan matot.

1 TESALONIKA 1:9

Amung lemulun ineh mala ratnan kudeng apeh muyuh nenganak nekai kareb kai nengikak nemuyuh, idi kudeng apeh muyuh neteketed ratnan akang idi nelumi inan Allah, pelé muyuh miak mepicet inan Allah luk mulun idi luk matu ineh,

IBERANI 10:31

Idi pelaba dereh kudeng tau mebpeh bang palad Allah luk mulun.

YUSAK 11:3

Idi ieh nengecuk amé' mada' lun Kanaani luk pa busat aco, idi luk pa acep aco, idi lun Amori, lun Hiti, lun Prisi, lun Yebusi, idi lun luk luun pegkung, idi lun luk liang Pegkung Hermon bang bawang Mispa.

YUSAK 12:8

Tana' luk bibpat Yusak, ieh ineh pegkung-pegkung, tana' raked, Raked Yarden, iang pegkung-pegkung, su luk ali-ali, idi Negeb. Tana' ini, ieh ineh bawang lun Hiti, lun Amori, lun Kanaani, lun Prisi, lun Hiwi, idi lun Yebusi.

YUSAK 21:45

Idi sebila' bala pana' na netutu' ratnan amung bala luk do' luk pangeh bida' Tuhan kuan amung lun Israil.

YUSAK 22:31

Idi kebala Pinihas Eliasar luk imam kuan lun Rubin, lun Gad, idi lun Manasé, “Nekini kai kali' ratnan Tuhan idi arang tau, ngaceku na muyuh mesala' idi na mangun ku bunu' Tuhan. Idi nekini pana' muyuh pangeh nemuit nelun Israil ratnan useh Tuhan.”

YUSAK 24:11

Pangeh ineh idi muyuh neguta Abpa' Yarden. Kareb pangeh macing déi' Yeriko idi lun bang bawang Yeriko nepebunu' nemuyuh, ieh ineh lun Amori, lun Prisi, lun Kanaani, lun Hiti, lun Gergasi, lun Hiwi, idi lun Yebusi. Idi amungdeh ineh biréKu bang palad muyuh.

YUSAK 3:9

Idi kebala Yusak nelun Israil, “Amé' amung muyuh ninger bala Tuhan, Allah muyuh.

YUSAK 9:1

Idi bala ini nekali' amung raca' luk tudo pa acep aco Abpa' Yarden, luun pegkung idi luun tana' raked, idi nan amung ducur Abpa' Rayeh suet pa Lebanon, ieh ineh lun Hiti, lun Amori, lun Kanaani, lun Prisi, lun Hiwi, idi lun Yebusi.

SEMUIL LUK PUN-PUN 17:26

Idi kebala Daud nelun luk tuped iringneh ineh, “Anunké luk mangun kuan lun luk ngaté nelun Pilistin ini, idi luk ngiu' igu' ratnan kiung lun Israil. Idéké lun Pilistin ini luk na manu, luk mekuu' situnga ku baweh Allah luk mulun ineh?”

SEMUIL LUK PUN-PUN 26:6

Idi kebala Daud ni Ahimalek lun Hiti ineh, idi ni Abisai anak Seruya kinanak Yoab ineh, “Idé' sikal maya' negku amé' matun ni Saul su luk inandeh nelupo ineh?” Idi kebala Abisai, “Ui sikal amé'.”