YUSAK 24:7 - BALA LUK DO'

⁷ Idi kareb ideh nenawar Negku, idi Ui nenganau' aceh dacem arangdeh idi arang amung lun Masir ineh. Idi Ui nengelubed abpa' ineh pa luundeh, idi nengakeb nedeh amung. Mateh muyuh pana' nenier anun luk pangeh inau'Ku kuan Masir. “ ‘Pangeh ineh muyuh netudo déi' su luk ali-ali tuda'-tuda' lak kinioneh.

YUSAK 24:7 Iomraidhean Croise

PURA' 14:10

Kareb lun Israil nenier raca' Masir idi bawehneh amé' matun nedeh, idi ideh pelaba tot, idi ideh ngitang-ngitang nan Tuhan.

PURA' 14:20

pad diri ineh netuped arang baweh lun Masir idi lun Israil. Laput ineh nengedacem nelun Masir ineh, iamo' ieh nemaré acang nelun Israil, pad baweh dueh pupu ineh na miak mepapu' kedangen-kedangen ineh.

PURA' 14:31

Idi kareb ideh nenier tanu' luk melalud luk inau' Tuhan kuan lun Masir ineh, idi ideh matot inan Tuhan. Idi ideh manu inan Tuhan idi ni Musa, demulunNeh ineh.

BADA' RATNAN UKUM 1:46

Idi ngaceku ineh muyuh mio tudo déi' Kadis ineh.

BADA' RATNAN UKUM 2:14

Idi kinioneh tau nalan rat Kadis macing tau guta Arur Sered ineh, ieh ineh teluh ngepulu' ualuh lak, pad amung lun pebunu' mabud maté, maya' kudeng luk bila Tuhan kuandeh.

BADA' RATNAN UKUM 29:2

Idi Musa nenawar amung lun Israil idi nepebala nedeh, “Muyuh pangeh nenier luk pangeh inau' Tuhan pa kiung muyuh bang bawang Masir, kuan raca' Masir idi kuan amung tarehneh idi amung bawangneh.

BADA' RATNAN UKUM 4:34

Inanké allah baken luk mekuu' ngiding kuan bururneh sebuleng aceh pupu rat arang pupu baken, mepad kudeng luk pangeh inau' Tuhan Allah muyuh kareb muyuh déi' Masir? Pa kiung muyuh Ieh nengegala' lalud idi tuehNeh, pad Ieh nengacing kaca idi bunu'. Ieh nenganau' tanu' idi kekamen luk nan mawa. Idi teh Ieh nengacing luk nan matot.

IBERANI 3:17

Idéké luk inanNeh museh bang apat ngepulu' lak kinioneh ineh? Bakenké amung-amung lemulun luk pangeh nenganau' sala', pad butungdeh petelubid bang su luk ali-ali ineh?

YUSAK 5:6

Ngaceku apat ngepulu' lak kinioneh, amung lun Israil nalan déi' su luk ali-ali, pad lun luk pebunu' luk nenalan rat Masir nabud naté ngaceku ideh na sikal ninger bala Tuhan. Idi Tuhan nemada' nedeh, ratnan kudeng apeh ideh na miak nier tana' luk mebaleng luk pangeh pijani' Tuhan kuan tepundeh.