YUSAK 24:6 - BALA LUK DO'

⁶ Kareb Ui pangeh nenated tepun muyuh neremuat rat bang bawang Masir, idi ideh nacing Abpa' Pisui. Idi lun Masir nengerada' tepun muyuh rat pa puet, maya' keréta idi maya' kuda macing abpa' ineh.

YUSAK 24:6 Iomraidhean Croise

NEHEMIA 9:11

Iko nenganau' aceh dalan maya' uned abpa' rayeh kuan pupuMu, idi nenguyut nedeh maya' tana' luk tekering. Idi lemulun luk nengerada' nedeh pinatéMu bang abpa' rayeh, mepad kudeng batu luk tirem bang abpa' luk meparu'.

NANI UBUR 78:13

Ieh nemabpat abpa' rayeh idi nenaped neneh mepad kudeng alad; idi Ieh nenguyut nedeh guta.

PURA' 12:37

Idi lun Israil nenalan rat Ramsis macing déi' Sukot, ieh ineh 600,000 lun deléi, baken ratnan decur idi anak.

PURA' 12:51

Kareb aco sineh teh Tuhan nenated amung lun Israil remuat rat bang bawang Masir, maya' bawehdeh.

MIKA 6:4

Ui nenguit nemuyuh remuat rat bawang Masir. Idi teh Ui nemuit nemuyuh ratnan taban. Idi Ui nengecuk ni Musa, Arun, idi Miriam mangun ku lun nguyut nemuyuh.

KEKAMEN RASUL-RASUL 7:36

Idi ieh teh luk nenguit nedeh remuat rat bang bawang Masir dengan nenganau' kekamen luk nan mawa idi tanu'-tanu' bang bawang Masir, idi déi' Abpa' Pisui, idi muci déi' su luk ali-ali apat ngepulu lak kinioneh.

IBERANI 11:29

Ratnan anu teh lun Israil neguta Abpa' Pisui mepad kudeng maya' tana' luk tekering; idi lun Masir luk nenutun nganau' kudeng ineh pangeh nened.