YUSAK 24:33 - BALA LUK DO'

³³ Idi teh Eliasar Arun naté. Idi ideh nenanem neneh luun surud luk pangeh biré kuan anakneh Pinihas déi' luun pegkung-pegkung Epraim.

YUSAK 24:33 Iomraidhean Croise

SEMUIL LUK KEDUEH 20:21

Na ineh terawé kai. Iamo' seburur rat Pegkung Epraim, ngadanneh Siba Bikri ineh pangeh nengedat Raca' Daud. Ieh mo' barénmu. Idi ui lemubed rat bawang ini.” Idi kebala decur ni Yoab, “Idi uluhneh miak peten namu rat bal libung ini.”

RACA'-RACA' LUK PUN-PUN 4:8

Idi ini ngadandeh: Ben Hur: Pegkung Epraim Ben Dekar: Bawang-bawang Makas, Salbum, Bait Simes, Elon, idi Bait Hanan Ben Hesed: Bawang-bawang Arubot, Suko, idi aput tana' Hiper Ben Adinadab luk awan Tapat, anak Selimun: aput bawang Dor Bana Ahilud: Bawang-bawang Tanak, Megido, idi aput Bait Sian luk pelengit Saretan luk pa kabing busat aco Yesril macing bawang Abel Mehola idi bawang Jukmiam Ben Giber: Ramot Giliad, amung bawang Yair (luk anak Manasé) luk déi' Giliad, aput bawang Argob luk déi' Basan dengan anem ngepulu' bawang luk meraben libung luk inan palin tekaling Ahinadab Ido: Mahanaim Ahimas luk awan Basimat, anak Selimun luk baken: Naptali Bana Usai: Aser idi Bialot Yosapat Parua: Iskar Simi Ela: Beniamin Geber Uri: Giliad dengan amung bawang Sinon, raca' lun Amon, idi Og, raca' Basan Idi inan teh sebuleng lun luk ngimet déi' bawang Yahuda.

RACA'-RACA' LUK KEDUEH 5:22

Kebalaneh, “Na susa'. Iamo' lun rayehku ngecuk negku mada': ‘Idi nacing ina dueh burur anak adi' rat arang anak sekola' nabi, ieh ineh rat pegkung-pegkung Epraim. Idi do' iko maré 3,000 balad pirak nedidueh ineh idi dueh kuyu' buyor luk do'.’ ”

ESRA 7:5

luk anak Abisua, luk anak Pinihas, luk anak Eliasar, luk anak Arun Imam Rayeh ineh.

AYUB 30:23

Ui kali' Iko naban negku amé' bang até, luk tinina' kuan amung-amung lemulun.

NANI UBUR 49:10

Iamo' ngerawé: lun luk mileh pana' maté, mepad kudeng lemulun luk mebacé, idi necan binawehdeh kuan inuldeh.

PURA' 6:23

Arun nengaweh ni Elisiba Aminadab, kinanak Nason. Idi anakneh neneh Nadab, Abihu, Eliasar, idi Itamar.

PURA' 6:25

Eliasar, anak Arun ineh nengaweh aceh anak decur Putil. Idi anakneh neneh Pinihas. Idi amung ini lun rayeh tetek ruma' idi inul pupu Liwi.

SEKARIA 1:5

Iapehké tepun muyuh nekini? Mulun teh ideh luk nabi ineh?

IAP 3:32

Idi lun rayeh lun Liwi, ieh ineh Eliasar anak Arun luk imam ineh, idi ieh lun rayeh amung imam luk ngakem bang Su luk Meligan ineh.

KEKAMEN RASUL-RASUL 13:36

Daud nenganau' luk pian Allah bang karebneh. Idi ieh naté idi tinanem iring tepunneh, idi ieh melu peh.

IBERANI 7:24

Iamo' Yésus mulun ruked-ruked, mangun ku Imam luk ngakem dengan na libal-libal.

YUSAK 14:1

Idi ini luk ilap lun Israil ku babpat déi' bawang Kanaan luk bibpat-bibpat Eliasar luk imam, idi Yusak Nun, idi amung lun rayeh pupu ku babpat lun Israil,

YUSAK 22:13

Idi lun Israil nengecuk Pinihas anak Eliasar luk imam, amé' matun inul Rubin, inul Gad, idi sebuang inul Manasé.

LUN LUK NGUYUT 17:8

Idi ieh nenalan rat Baitlahim, pian nakap bawang baken inanneh tebawang. Idi kareb ieh nalan ieh nacing ruma' déei' luun pegkung-pegkung Epraim.

LUN LUK NGUYUT 18:13

Idi ideh nenalan rat ieneh inée' ruma' Mika luk luun pegkung-pegkung Epraim.

LUN LUK NGUYUT 20:28

idi Pinihas anak Eliasar luk mupun Arun nematar ineh.) Kebaladeh, “Miak kai amée' pebunu' inan kinanak kai lun Beniamin baruh teh, ku na?” Idi kebala Tuhan, “Amée' mo'. Nebpa Ui marée nemuyuh metueh rat nedeh.”

SEMUIL LUK PUN-PUN 1:1

Inan aceh deléi rat pupu Epraim, ngadanneh Elkana luk tudo déi' Rama luun pegkung-pegkung Epraim. Ieh ineh Yeroham Elihu, ratnan tetek ruma' Tohu idi inul Sup.

SEMUIL LUK PUN-PUN 9:4

Idi didueh nenalan lemaba pegkung-pegkung Epraim, idi nelemaba bawang Salisa, iamo' na tieh nekali' didueh. Pangeh ineh didueh nenalan lemaba bawang Salim. Iamo' keladaideh na idi. Idi didueh nelemaba tana' Beniamin. Nateh ideh nekali' didueh.