YUSAK 24:31 - BALA LUK DO'

³¹ Idi lun Israil pana' nemaya' Tuhan seruked ulun Yusak, idi seruked ulun amung lun mengered muci rat ni Yusak, luk pangeh nekali' amung kekamen Tuhan luk inau'Neh kuan lun Israil ineh.

YUSAK 24:31 Iomraidhean Croise

PUDUT 14:10

Idi Raked Sidim ineh panu' ku lubang tir Idi kareb raca' Sodom idi raca' Gemora neburo, idi ideh nekab bang lubang ineh. Idi teluh raca' luk ketecan ineh neburo iné' déi' luun pegkung.

INUL LUK KEDUEH 24:2

Idi Raca' Yuas nenganau' luk matu pa kiung Tuhan ruked ulun Imam Yoyada.

INUL LUK KEDUEH 34:33

Idi Yosia nenala' amung binaweh luk inan megateh ratnan amung bawang lun Israil, pad amung lun bang bawang Israil miak sembayang inan Tuhan Allahdeh. Idi ruked ulun Raca' Yosia na ideh lemubed ratnan maya' Tuhan Allah tepundeh ineh.

KEKAMEN RASUL-RASUL 20:29

Idi ui kali' muci ratnan ui necan nemuyuh, idi inan teh tuda'-tuda' bungalé luk mesangit sikal semuet arang muyuh, idi luk na méi' inan sengeriudan ineh.

BADA' RATNAN UKUM 11:2

Do' muyuh ngerawé nekini ratnan amung luk kali' muyuh ratnan Tuhan. Baken anak-anak muyuh, iamo' muyuh sebuleng luk pangeh nekali' amung ineh. Muyuh nenier rayeh Tuhan dengan lalud idi tuehNeh,

BADA' RATNAN UKUM 11:7

Matu muyuh luk pangeh nenier amung kekamen luk rayeh luk inau' Tuhan.

BADA' RATNAN UKUM 31:13

Kudeng ineh teh anak-anak muyuh luk nateh nekali' anun-anun miak ninger idi matot inan Tuhan Allah muyuh, seruked muyuh tudo bang bawang luk ulek muyuh déi' dipar Abpa' Yarden.”

BADA' RATNAN UKUM 31:29

Ui kali' kareb ui maté na miak na muyuh ngedat lawé muyuh. Idi muyuh miak umai ratnan dalan luk icukku bén muyuh, idi luk dat miak macing kuan muyuh muci ngaceku muyuh miak nganau' luk dat pa kiung Tuhan, pad Ieh megateh nemuyuh ngaceku amung-amung luk ruen muyuh.”

PILIPI 2:12

Ngaceku ineh, O lun rurumku, mepad kudeng muyuh megéi' maya' balaku kareb ui idi dengan muyuh, do' muyuh maya' balaku nekini kareb ui mado rat nemuyuh. Do' muyuh ngakem dengan matot idi megegker pad ngeriput ulun muyuh bang Keristus.

LUN LUK NGUYUT 2:10

Idi amung pupu ineh pana' natée. Idi inul luk muci rat nedeh, na nengerawée Tuhan idi kekamen luk pangeh inau'Neh kuan lun Israil.

LUN LUK NGUYUT 2:6

Yusak nengecuk nelun Israil ineh muli', idi anid-anid bururdeh inée' ngalap babpat tana'deh sebuleng.

LUN LUK NGUYUT 2:7

Idi lun Israil mepicet maya' Tuhan ruked ulun Yusak idi teh ruked ulun lun rayeh luk muci rat ni Yusak, luk pangeh nekali' amung luk pangeh inau' Tuhan kuan lun Israil.