YUSAK 24:27 - BALA LUK DO'

²⁷ Idi kebala Yusak nelun mula' ineh, “Siruh! Batu ini mangun ku luk maré kali' kuan tau. Ngaceku batu ini pangeh neninger amung bala Tuhan luk bilaNeh netau. Ieh ini pana' miak mangun ku luk maré kali' kuan muyuh, pad muyuh na teketed ratnan Allah muyuh.”

YUSAK 24:27 Iomraidhean Croise

AYUB 31:23

Na tu ui miak nganau' luk kudeng ineh ngaceku ui matot ku ukum Allah.

AYUB 31:28

Sala' luk kudeng ineh ngacing ukum maté, ngaceku na manu inan Allah luk Melalud.

BALE' 30:9

Kudeng ui pelaba ula' akan, kian ui meraruh rat Namu lek. Iamo' kudeng ui masi', ui mano lek, pad ui ngigu' Allahku.

YESAYA 1:2

Kebala Tuhan, “O tana' idi langit, ninger balaKu! Kudeng ini bala Tuhan! Anak-anak luk isa'Ku sikal metueh rat Negku.

YESAYA 59:13

Kai sikal metueh rat Namu, kai nengarung Namu, idi ara' maya' Namu. Kai nengedereh nelun baken idi sikal metueh rat namu. Terawé kai na matu, idi bala kai mebalih mo'.

HABAKUK 2:11

Batu ratnan libung luk meraben miak ngitang ngadu' nemuyuh, idi iang apo pana' melinguh.

IAP 11:20

iamo' sebulan, pad macing ieh remuat rat bang icung muyuh idi muyuh mesukol ku ineh, ngaceku muyuh pangeh nengedat Tuhan luk arang muyuh, idi muyuh pangeh nengedureng pa kiungNeh, kebala muyuh, “Anun pun kai remuat rat bang bawang Masir?” ’ ”

MATIUS 10:33

Iamo' anid-anid lemulun luk ngalum Negku pa kiung lemulun, ieh pana' luminKu pa kiung TamanKu luk bang surga.

LUKAS 19:40

Idi kebala Yésus, “Ui pebala nemuyuh, kudeng ideh pirud, kali' rungen batu-batu miak ngitang.”

BADA' RATNAN UKUM 30:19

Idi aco sini teh ui nawar langit idi tana' mangun ku luk nekali' namu. Ui nima' namu mili' arang ulun idi até, peruan idi kediman. Do' iko mili' ulun ineh, pad iko idi amung anakmu miak mulun.

BADA' RATNAN UKUM 31:19

Ngaceku ineh do' ngayud nani ini, idi mada' ineh kuan lun Israil, pad ineh mangun ku aceh bada' luk rat Negku kuandeh.

BADA' RATNAN UKUM 31:21

Idi kareb amung dereh idi susa' ineh pangeh mangun kuandeh, idi nani ini miak mangun ku aceh bada' rat Negku kuandeh, ngaceku mupundeh na miak mekelupan ratnan nani ini. Ngaceku Ui kali' luk pian niatdeh aco sini, kareb nateh Ui nenguit nedeh semuet bang bawang luk pangeh pijani'Ku nedeh.”

BADA' RATNAN UKUM 31:26

“Lapen muyuh surat Ukum Allah ini, ngerareng ineh luun iring Pati' Pejani' Tuhan Allah muyuh, pelé rat su ineh, ieh ineh mangun ku aceh bada' kuan pupuNeh.

BADA' RATNAN UKUM 32:1

“Ninger balaku, O langit, Ninger iko, O tana', amung luk belénku.

BADA' RATNAN UKUM 4:26

Kudeng muyuh nganau' kudeng ineh, idi aco sini teh ui nawar langit idi tana' maré kali' rat nemuyuh, idi denga segageh muyuh miak metutu' rat bang bawang ineh. Idi na muyuh mio tebawang bang bawang luk i dipar Abpa' Yarden luk ulek muyuh. Iamo' muyuh mabud maté.

TITUS 1:16

Ideh ngamo bururdeh ngiti Allah, iamo' dengan kekamendeh ideh ngalum Neneh. Ideh luk inan lun baken megateh; ideh ngelaba bala idi na mayu nganau' kekamen luk do'.

YUSAK 22:34

Idi lun Rubin idi lun Gad neneten bubpun ineh “Luk Maré Kali'”, ngaceku kebaladeh, “Ieh ineh aceh luk maré kali' arang tau ratnan Tuhan ineh, Allah.

YUSAK 24:28

Idi Yusak nengecuk nelun mula' ineh muli' amé' anid-anid su babpatdeh.

BALA LUK LINIO 3:8

Ui kali' kekamenmu. Siruh, Ui nenganau' pa kiungmu aceh tanga' luk mukab, idi seburur pana' na miak ngitek neneh; ngaceku sagan pana' laludmu sesuut, iamo' iko pangeh nemaya' balaKu dengan na ngalum ngadanKu.

SEMUIL LUK PUN-PUN 7:12

Idi Semuil nengalap aceh batu. Idi ieh nenaped ineh arang Mispa dengan Sen. Idi ieh neneten batu ineh “Batu Pedengan”, kebalaneh, “Macing ieni Tuhan pangeh nengedengan netau.”