YUSAK 24:25 - BALA LUK DO'

²⁵ Idi aco sineh teh Yusak nenganau' aceh pejani' kuan lun mula' ineh déi' Sikem. Idi ieh nemaré kuandeh tuda'-tuda' ukum idi bada'.

YUSAK 24:25 Iomraidhean Croise

PUDUT 35:4

Idi ideh nemaré kuan Yakub amung-amung akang lun pupu baken luk pangeh ilapdeh ineh, idi amung-amung abédeh. Idi Yakub nenanem amung ineh pa liang lawa kayuh luk meraben luk muneng ku bawang Sikem ineh.

RACA'-RACA' LUK KEDUEH 11:17

Yoyada nenganau' aceh pejani' arang Tuhan dengan raca' idi lun mula' ineh, pelé' ideh mangun ku pupu Tuhan, idi teh ieh nenganau' aceh jani' arang raca' dengan lun mula' ineh.

INUL LUK KEDUEH 15:12

Idi ideh nepejani' sikal nakap Tuhan Allah tepundeh, dengan amung niatdeh, idi dengan amung terawédeh.

INUL LUK KEDUEH 15:15

Amung lun Yahuda pana' mawang niat ku bulung ineh, ngaceku ideh nepebulung dengan amung niatdeh, idi dengan ran niatdeh. Ideh nenakap Neneh tu-tu, idi Ieh nekali'deh. Idi Tuhan nemaré nedeh do' udeng idi na inan bunu'.

INUL LUK KEDUEH 23:16

Idi Yoyada nenganau' aceh pejani' arangneh dengan lun mula' ineh idi dengan raca', pelé amungdeh ineh mangun ku pupu Tuhan.

INUL LUK KEDUEH 29:10

“Idi nekini inan terawéku sikal nganau' aceh pejani' dengan Tuhan Allah lun Israil, pelé Ieh na museh netau.

NEHEMIA 9:38

Ngaceku amung luk pangeh nangun, kai lun Yahudi nengayud aceh jani' luk matu, idi lun rayeh kai, lun Liwi kai, idi imam kai nén surat jani' ini.

PURA' 15:25

Idi Musa nesembayang inan Tuhan. Idi Tuhan nemada' su sirenneh aceh kayuh. Idi ieh nenganau' ineh bang abpa'. Petacu abpa' ineh metalang. Idi su ineh Tuhan nemaré ukum nedeh, idi su ineh teh Ieh nenutun nedeh.

PURA' 24:3

Musa iné' mada' nelun mula' amung bala Tuhan. Idi amungdeh peranga' nengor bala ineh, kebaladeh, “Amung ukum ini luk bila Tuhan, kai miak maya'!”

BADA' RATNAN UKUM 29:1

Idi ini bala pejani' luk icuk Tuhan ni Musa ruen kuan lun Israil déi' tana' Moab, baken ratnan pejani' luk pangeh inau'Neh kuandeh déi' Pegkung Sinai.

YUSAK 24:1

Muci ratnan ineh idi Yusak nengamung amung inul pupu lun Israil déi' Sikem. Idi ieh nenawar amung lun Israil luk mengered, idi amung lun rayeh, idi lun luk mutut ukum, idi luk ngimet nedeh ineh. Idi ideh nacing tuped pa kiung Tuhan.

YUSAK 24:26

Idi amung bala ineh inayud Yusak bang surat Ukum Allah. Idi ieh nengalap aceh batu luk rayeh. Idi tipedneh déi' liang lawa kayuh luk meraben luk muneng ku Su luk Meligan kuan Tuhan.