YUSAK 24:20 - BALA LUK DO'

²⁰ Kudeng muyuh necan Tuhan idi maya' allah luk baken, idi Ieh pana' miak teketed idi ngukum nemuyuh, nekini Ieh miak ngaté nemuyuh sagan tu pana' Ieh do' nemuyuh atun.”

YUSAK 24:20 Iomraidhean Croise

INUL LUK PUN-PUN 28:8

“Idi nekini pana', O kinanak-kinanakku, pa kiung amung lun Israil, ieh ineh pupu Tuhan, idi pedingeren Allah tau, ui periteteng nemuyuh, do' muyuh nginita idi ngimet amung ukum Tuhan Allah tau, pelé muyuh lutep tudo luun tana' luk do' ini, idi pad muyuh miak necan ineh kuan anak muyuh luk muci rat nemuyuh ku babpatdeh macing ruked-ruked.

INUL LUK PUN-PUN 28:9

“Idi iko, O anakku Selimun, do' iko ngiti Allah tamanmu, idi ngakem kuanNeh dengan niat luk mepicet, idi dengan terawé luk petulu. Ngaceku Tuhan ngelio idi kali' amung terawé niat. Kudeng iko nakap Neneh kali' rungen Ieh kali'mu. Iamo' kudeng iko necan Neneh, kali' rungen Ieh nala' namu macing ruked-ruked.

INUL LUK KEDUEH 15:2

pad ieh iné' matun Asa, idi nepebala neneh, “Ninger iko O Asa, idi amung lun Yahuda idi Beniamin: Tuhan pangeh nengedengan nemuyuh, ngaceku muyuh lumi inan Tuhan. Idi kudeng muyuh nakap Neneh, kali' rungen Ieh pana' kali' muyuh. Iamo' kudeng muyuh necan Neneh, kali' rungen muyuh pana' tacinNeh.

ESRA 8:22

Ngaceku ui migu' mutuh inan raca' aceh baweh idi lun luk maya' kuda, pad ideh miak matar nekai ratnan amung bunu' arang dalan, ngaceku kebala kai inan raca', “Idi Allah kai, ngeperuan amung lemulun luk merapet Neneh, iamo' Ieh pelaba useh nelun luk teketed rat Neneh.”

NANI UBUR 89:31

kudeng ideh ngelaba balaKu, idi na maya' ecukKu,

YESAYA 1:28

Iamo' Ieh miak ngukum amung lemulun luk nganau' sala' idi luk sikal metueh rat Neneh. Idi teh Ieh ngaté amung lemulun luk necan Neneh.

YESAYA 63:10

iamo' ideh sikal metueh rat Neneh, pad RohNeh luk meligan pelaba susa' niat; pad Tuhan mangun ku bunu'deh idi nemunu' nedeh.

YEREMIA 17:13

Tuhan, Ieh ineh rapet lun Israil; idi amung lemulun luk necan Neneh miak uen ngigu'. Ideh miak metutu' mepad kudeng ngadan luk inayud luun tana', ngaceku ideh pangeh nenecan Tuhan, ieh ineh, bued abpa' luk do'.

YEHISKIEL 18:24

“Iamo' kudeng lemulun luk matu ugka' nganau' luk do' idi ngimun nganau' kekamen luk dat mepad kudeng lemulun luk dat, miakké ieh mulun? Na tu! Kekamenneh luk do' pana' na miak uen ngerawé. Ieh miak maté ngaceku na lutep idi ngaceku sala'neh.

KEKAMEN RASUL-RASUL 7:42

Iamo' Allah neteketed rat nedeh idi nenima' nedeh sembayang nan gituen, maya' kudeng luk inayud bang surat nabi-nabi: ‘O lun Israil! Baken muyuh nemaré pung-pung luk kirat ineh kuanKu ruked apat ngepulu' lak déi' su luk ali-ali

BADA' RATNAN UKUM 4:25

“Idi kareb muyuh inan anak idi ngimupun, idi muyuh pangeh mio bang bawang ineh, idi aleg muyuh mesala' pad muyuh nganau' aceh akang luk inarit mepad kudeng ayu anun-anun pana'. Lawé luk kudeng ineh pelaba dat pa kiung Tuhan Allah muyuh, idi ngacing usehNeh.

BADA' RATNAN UKUM 4:26

Kudeng muyuh nganau' kudeng ineh, idi aco sini teh ui nawar langit idi tana' maré kali' rat nemuyuh, idi denga segageh muyuh miak metutu' rat bang bawang ineh. Idi na muyuh mio tebawang bang bawang luk i dipar Abpa' Yarden luk ulek muyuh. Iamo' muyuh mabud maté.

IBERANI 10:38

PupuKu luk matu ineh miak mulun ngaceku anu; iamo' kudeng ieh lemubed, na Ui mawang niat neneh.”

YUSAK 24:21

Idi kebala lun mula' ineh ni Yusak, “Baken! Iamo' kai sikal maya' Tuhan teh.”

SEMUIL LUK PUN-PUN 12:15

Iamo' kudeng muyuh na ninger bada' Tuhan, idi ngelaba ukumNeh, Tuhan miak ngukum nemuyuh idi raca' muyuh pana'.

SEMUIL LUK PUN-PUN 12:25

Iamo' kudeng muyuh lutep nganau' sala', kali rungen muyuh miak kumin, dengan raca' muyuh pana'.”