YUSAK 24:19 - BALA LUK DO'

¹⁹ Idi kebala Yusak nelun mula' ineh, “Muyuh na miak maya' Tuhan, ngaceku Ieh ineh Allah luk meligan, idi Allah luk temaruh. Idi na Ieh miak maré do' ku sala' muyuh idi kekamen muyuh luk dat.

YUSAK 24:19 Iomraidhean Croise

INUL LUK KEDUEH 36:16

Iamo' ideh nesitunga nelun luk icuk Allah ineh. Idi ideh nengesala' amung baladeh. Idi ideh meriruh inan amung nabiNeh, pad Tuhan pelaba useh nedeh, idi usehNeh ineh na miak uen ngagka'.

NANI UBUR 99:3

Amung-amung lemulun miak ngubur ngadanNeh luk rayeh idi luk medita'. Ieh luk meligan!

NANI UBUR 99:5

Ngubur Tuhan Allah tau; do' sembayang pa atun kerusiNeh! Ieh luk meligan.

NANI UBUR 99:9

Ngubur Tuhan Allah tau, idi do' tau sembayang luun pegkungNeh luk meligan! Tuhan Allah tau ineh meligan!

PURA' 20:5

Aleg iko ngubur idi tekeradung sembayang ku ineh. Ngaceku Ui Ini Tuhan Allahmu luk temaruh, luk ngua' sala' amung lemulun macing ku anak idi inul luk keteluh idi luk keapat pana' ratnan amung lemulun luk megateh Negku.

PURA' 23:21

Ninger idi maya' balaneh. Idi aleg muyuh metueh rat neneh, ngaceku na ieh maré do' ku sala' muyuh. Ngaceku ngadanKu idi neneh.

PURA' 34:14

“Aleg iko sembayang inan allah baken, ngaceku Ui ini Tuhan luk temaruh.

PURA' 34:7

Ei'Ku ineh lutep kuan lun ribu-ribu idi Ui maré do' ku amung kuyo, dat, idi sala', iamo' na tu-tu Ui muit lemulun ratnan ukum, iamo' ngua' kuyo amung taman inan anak idi mupun, macing ku inul luk keteluh idi luk keapat.”

YESAYA 2:9

Amung-amungdeh miak uen ngigu'. Aleg maré do' nedeh O Tuhan!

YESAYA 27:11

Angat-angat kayuh metekering idi neputul. Idi decur nengalap ineh ku kayuh apui. Ngaceku pupu ineh na kali' anun-anun, idi Allah luk nemudut nedeh na méi' nedeh.

YESAYA 30:11

Buro rat nekai, idi aleg ngesabeng lawé kai. Na kai pian ninger Allah Israil muyuh luk meligan.”

YESAYA 30:15

Kebala Tuhan Allah Israil luk Meligan inan pupuNeh, “Amé' Negku, idi teh merapet Negku, pelé muyuh metueh idi do' udeng.” Iamo' na muyuh pian!

YESAYA 5:16

Iamo' Tuhan luk Melalud nganau' luk matu, pad Ieh ngegala' rayehNeh, idi teh Ieh ngukum pupuNeh pad ngegala' liganNeh.

UKUM 10:3

Idi kebala Musa ni Arun, “Ini luk pangeh bida' Tuhan, kebalaNeh, ‘Ui pian mada' liganKu siren lemulun luk muneng Negku, idi Ui pian uen ngerayeh pa kiung amung-amung lemulun.’ ” Idi Arun pirud.

UKUM 11:44

Ui ini Tuhan Allah muyuh. Do' muyuh meligan, ngaceku Ui ini meligan.

UKUM 11:45

Ui ini Tuhan luk nenated nemuyuh remuat rat bang bawang Masir, pad mangun ku Allah muyuh. Do' muyuh meligan ngaceku Ui ini meligan.

UKUM 19:2

“Do' iko mada' kuan amung lun Israil kudeng ini: Do' muyuh meligan, ngaceku Ui ini Tuhan Allah muyuh luk meligan.

UKUM 20:26

Idi do' muyuh mangun meligan kuanKu. Ngaceku Ui ini Tuhan luk Meluun Ligan. Idi Ui pangeh nengatad nemuyuh rat arang amung pupu luk baken ineh, pad muyuh mangun ku pupuKu.

UKUM 20:7

Ngaceku ineh do' muyuh ngeligan burur muyuh, ngaceku Ui ni Tuhan Allah muyuh.

NAHUM 1:2

Tuhan Allah temaruh; Ieh ngukum nelun luk sikal metueh rat Neneh, idi Ieh ngua' nedeh dengan useh.

HABAKUK 1:13

Iamo' kudeng apehké Iko tuman nier lemulun ineh luk naluk idi dat? MatehMu meluun meligan, pad Iko na miak nier luk dat, idi Iko na tuman nier lemulun luk nganau' sala'. Ngudehké Iko pirud kareb ideh ngaté lemulun luk meluun siri ratnan bururdeh sebuleng?

MATIUS 6:24

“Na selemulun luk miak ngakem kuan dueh tuan' ngaceku na miak na seburur inanneh megateh idi luk baken ineh inanneh mawa, idi ieh lutep inan seburur idi megateh inan seburur. Muyuh na miak mangun ku demulun Allah, idi demulun binaweh tana' ini teh.

YUSAK 24:18

Idi Tuhan teh pangeh nengusu amung pupu ineh rat pa atun kai. Kudeng ineh teh kuan amung lun Amori, ieh ineh lun bang bawang ini. Idi kai ini pana' sikal maya' Tuhan teh, ngaceku Ieh ineh Allah kai.”

YUSAK 24:23

Idi kebala Yusak nedeh, “Nekini teh talan muyuh amung akang lun pupu baken luk arang muyuh. Idi do' muyuh merapet inan Tuhan Allah lun Israil.”

SURAT RUT 1:15

Idi kebala Naomi inan ibanneh Rut, “Siruh, seruaimu pangeh nuli' iné' matun pupuneh idi akangneh. Do' iko pana' muli' maya' seruaimu.”

SEMUIL LUK PUN-PUN 3:14

Idi Ui pangeh nepebulung kuan lun bang tetek Eli na tu-tu datdeh mekiu' ku baré luk sabpen idi ku baré anun-anun pana' macing ruked-ruked.”

SEMUIL LUK PUN-PUN 6:20

Idi kebala lun Bait Semes, “Idé miak tuped pa kiung Tuhan Allah luk Meligan ini? Idi idéké miak inan tau maré Pati' Pejani' ini, pad tau mepuit rat Neneh?”