YUSAK 24:18 - BALA LUK DO'

¹⁸ Idi Tuhan teh pangeh nengusu amung pupu ineh rat pa atun kai. Kudeng ineh teh kuan amung lun Amori, ieh ineh lun bang bawang ini. Idi kai ini pana' sikal maya' Tuhan teh, ngaceku Ieh ineh Allah kai.”

YUSAK 24:18 Iomraidhean Croise

NANI UBUR 116:16

Ui ini demulunMu, Tuhan; ui ngakem kuanMu, mepad kudeng tinanku. Iko pangeh nemuit negku.

PURA' 10:2

pad ini miak belénmu macing inan anak inulmu ratnan luk inau'Ku kuan lun Masir, kareb Ui nengigu' nedeh dengan tanu' luk inau'Ku arangdeh. Idi amung muyuh miak kali' Ui ini Tuhan.”

PURA' 15:2

Tuhan ineh tuehku; idi Ieh luk nengulun negku. Ieh ineh Allahku, idi ui sikal ngubur Neneh. Ieh Allah tamanku, idi ui sikal ngerayeh Neneh.

PURA' 23:31

Ui nganau' lakan bawangmu rat Abpa' Pisui macing Abpa' Pirat, idi rat Abpa' Rayeh macing su luk ali-ali. Ui maré lun bang bawang ineh bang imetmu, pad iko ngusu nedeh rat pa kiungmu.

MIKA 4:2

kebaladeh, “Do' tau mudik pegkung Tuhan idi amé' Ruma' Allah lun Israil. Tau miak sibada' ratnan luk pian ruen tau; idi tau miak maya' dalan luk pinili'Neh.” Bada' Tuhan macing rat Yerusalim; rat Sion Ieh pebala inan pupuNeh.”

SEKARIA 8:23

Kareb ineh, pulu' burur lun pupu baken miak amé' papu' seburur lun Yahudi idi pebala, ‘Kai pian maya' namu, ngaceku kai pangeh neninger bala ratnan Allah idi dengan muyuh.’ ”

KEKAMEN RASUL-RASUL 7:45

Pangeh ineh tepun tau luk nengalap lepo ineh ratnan tamandeh nenguit ineh semuet dengan Yusak kareb ideh nengaro bawang rat nelun pupu baken, luk inusu Allah pa kiungdeh. Lepo ineh idi déi' macing kareb Daud.

BADA' RATNAN UKUM 10:21

Ngubur Neneh! Ieh ineh Allah muyuh. Idi amung kekamen luk rayeh idi luk nan mawa luk inau'Neh kuan muyuh pangeh sinier muyuh.

BADA' RATNAN UKUM 33:27

Rat mon Allah megéi' ngelibung namu, idi iang bururmu inan ticu' Tuhan luk meruked. Ieh nengusu bunu' rat pa kiung muyuh, kebalaNeh nemuyuh, ‘Ngaté nedeh.’

YUSAK 23:9

Tuhan pangeh nengusu tuda'-tuda' pupu luk rayeh idi luk metueh ratnan babpatdeh rat pa kiung muyuh.

YUSAK 24:17

Ngaceku Tuhan Allah kai, Ieh ineh luk pangeh nemuit nekai idi tepun kai ratnan kekamen demulun déi' bawang Masir, idi luk pangeh nenganau' tanu' luk do' luk meluun rayeh su siren kai, idi luk pangeh nengasa' nekai seruked dalan luk bén kai, idi arang amung pupu luk pangeh linaba kai.

YUSAK 24:19

Idi kebala Yusak nelun mula' ineh, “Muyuh na miak maya' Tuhan, ngaceku Ieh ineh Allah luk meligan, idi Allah luk temaruh. Idi na Ieh miak maré do' ku sala' muyuh idi kekamen muyuh luk dat.