YUSAK 24:17 - BALA LUK DO'

¹⁷ Ngaceku Tuhan Allah kai, Ieh ineh luk pangeh nemuit nekai idi tepun kai ratnan kekamen demulun déi' bawang Masir, idi luk pangeh nenganau' tanu' luk do' luk meluun rayeh su siren kai, idi luk pangeh nengasa' nekai seruked dalan luk bén kai, idi arang amung pupu luk pangeh linaba kai.

YUSAK 24:17 Iomraidhean Croise

INUL LUK KEDUEH 13:10

“Iamo' Tuhan mo' luk Allah kai, idi na kai necan Neneh, idi amung imam luk ngakem kuan Tuhan, ieh ineh inul Arun. Idi amung lun Liwi pana' idi teh bang kekamendeh.

PURA' 13:14

Idi muci kareb anak muyuh ngitun nemuyuh, ‘Anunké ini?’ do' muyuh mada' nedeh, ‘Tuhan nenated nekai remuat rat bang bawang Masir rat su luk inan kai tiban ineh ku ticu' luk melalud.

PURA' 13:3

Idi kebala Musa nelun mula', “Ngerawé muyuh aco sini, ieh ineh aco luk inan muyuh mepura' rat Masir, rat su luk inan muyuh tiban. Dengan laludNeh Tuhan nguit nemuyuh mepura' rat ieni. Ruti luk pinuar ku lamud ineh na miak kenen.

PURA' 19:4

‘Muyuh pangeh nenier luk pangeh inau'Ku kuan lun Masir. Ui pangeh nemabeh nemuyuh mepad kudeng kanui nguit anakneh luun iladneh. Idi Ui pangeh nengacing nemuyuh Negku.

YESAYA 46:4

Ui ini Allah muyuh luk miak ngasa' nemuyuh, pad macing muyuh mengered, idi abpuk muyuh mebuda'. Ui nemudut nemuyuh idi ngasa' nemuyuh, Ui ngedengan idi teh Ui ngulun nemuyuh.”

BADA' RATNAN UKUM 29:2

Idi Musa nenawar amung lun Israil idi nepebala nedeh, “Muyuh pangeh nenier luk pangeh inau' Tuhan pa kiung muyuh bang bawang Masir, kuan raca' Masir idi kuan amung tarehneh idi amung bawangneh.

BADA' RATNAN UKUM 32:9

ngaceku inul Yakub pinili' ku babpatNeh sebuleng.

BADA' RATNAN UKUM 7:19

Do' ngerawé ratnan tutun luk rayeh luk pangeh sinier muyuh, idi amung tanu', kekamen luk nan mawa, lalud, idi tueh Tuhan Allah muyuh, kareb Ieh nemuit nemuyuh. Idi kudeng ineh teh luk miak ruen Tuhan Allah muyuh kuan amung pupu luk inan muyuh matot.

YUSAK 24:16

Idi kebala lun mula', “Na kai sikal necan Tuhan idi maya' allah baken.

YUSAK 24:18

Idi Tuhan teh pangeh nengusu amung pupu ineh rat pa atun kai. Kudeng ineh teh kuan amung lun Amori, ieh ineh lun bang bawang ini. Idi kai ini pana' sikal maya' Tuhan teh, ngaceku Ieh ineh Allah kai.”