YUSAK 24:15 - BALA LUK DO'

¹⁵ Idi kudeng muyuh na sikal mepicet maya' Tuhan, do' nekini muyuh mili' idé' luk pian bén muyuh, allah luk inubur tepun muyuh dipar Abpa' Pirat, kian allah lun Amori bang tana' luk inan muyuh tudo nekini. Iamo' ui idi lun bang tetek ruma'ku sikal maya' Tuhan.”

YUSAK 24:15 Iomraidhean Croise

PUDUT 18:19

Ui pangeh nemili' neneh, pad ieh miak ngecuk anak-anakneh idi inulneh luk muci rat neneh ineh maya' ukumKu idi nganau' luk matu idi luk mesiri, pad Ui miak ngacing kuanneh anun-anun luk pangeh pijani'Ku neneh.”

PUDUT 35:2

Idi kebala Yakub kuan amung uang tetek ruma'neh idi kuan amung-amung lun luk denganneh, “Do' nala' amung-amung akang lun pupu baken luk arang muyuh, idi ngeligan burur muyuh idi ngelibal amung-amung ayung muyuh.

RACA'-RACA' LUK PUN-PUN 18:21

Idi Elia iné' nelun mula' ineh, kebalaneh, “Tuda' ioké muyuh perapid terawé? Kudeng Tuhan ineh Allah, do' muyuh maya' Neneh. Iamo' kudeng Baal ineh Allah, do' muyuh maya' neneh. Idi sebila' bala pana' nateh inor lun mula' ineh neneh.

INUL LUK PUN-PUN 1:14

Idi Kanaan ineh tepun lun Yebusi, lun Amori, lun Girgasi,

NANI UBUR 101:2

Ui sikal maya' dalan luk matu, Idanké Iko amé' negku? Ui pian mulun maya' dalan luk mesiri bang ruma'ku.

NANI UBUR 119:106

Ui miak nginita jani'ku, idi maya' bada'Mu luk matu.

PURA' 23:2

Aleg iko maya' bala lun mula' nganau' luk dat. Idi aleg iko mangun ku lun nekali' luk mebaken maya' lun mula' ineh, pad na maya' luk matu.

PURA' 23:24

Aleg iko ngubur idi tekeradung pa kiung allahdeh ineh, idi sembayang nedeh. Aleg iko maya' lawé sembayangdeh ineh. Iamo' do' iko ngusag akangdeh, idi mila' amung ulungdeh.

PURA' 34:15

Idi aleg iko pejani' nelun luk bang bawang ineh. Ngaceku kareb ideh sembayang idi nguit luk barén inan allahdeh, idi kali' rungen ideh nguit namu, idi iko pana' kuman luk baréndeh lek.

YEHISKIEL 20:39

Kebala Tuhan Allah, “O lun Israil, aganeh muyuh sembayang nan akang muyuh! Iamo' Ui periteteng nemuyuh, muci ratnan ineh, na miak na muyuh maya' balaKu, pad muyuh na ngigu' ngadanKu luk meligan teh ratnan baré muyuh kuan akang.”

DANIEL 3:18

Iamo' kudeng Ieh na ngulun nekai, O raca', kali' rungen kai na miak sembayang inan allahmu, idi kai na miak tekeradung pa kiung akang amas luk inau'mu ineh.”

UKUM 14:42

Pangeh ineh, idi do' ngalap batu luk baken ngelibal batu luk tikul ineh. Idi teh ngalap apur luk baken, idi uen nguda luun ruma' ineh.

MIKA 4:5

Anid-anid pupu sembayang idi maya' allahdeh sebuleng, iamo' tau sembayang idi maya' Tuhan Allah tau macing ruked-ruked.

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

BADA' RATNAN UKUM 13:7

ieh ineh allah amung pupu luk libut-lubut muyuh, do' luk muneng, do' luk mado rat iring tana' macing iring selipa,

BADA' RATNAN UKUM 29:18

Matar do'-do' pad na luk idi seburur deléi idi decur, inul idi pupu luk teketed ratnan Tuhan Allah tau aco sini idi luk pian amé' sembayang inan akang pupu ineh, pad aceh uat luk mepét na mulun arang muyuh,

YUSAK 24:16

Idi kebala lun mula', “Na kai sikal necan Tuhan idi maya' allah baken.

LUN LUK NGUYUT 6:10

Ui pangeh nemada' nemuyuh, ‘Ui ini Tuhan Allah muyuh, aleg muyuh sembayang inan allah lun Amori, luk kuan tana' luk inan muyuh tudo nekini. Iamo' na muyuh neninger balaKu.’ ”