YUSAK 24:14 - BALA LUK DO'

¹⁴ Idi teh kebala Yusak, “Idi ngaceku ineh do' muyuh sembayang inan Tuhan idi nganau' kekamen kuanNeh dengan niat luk lutep idi matu. Idi necan amung allah luk inubur tepun-tepun muyuh luk dipar Abpa' Pirat idi déi' Masir pana'. Iamo' do' muyuh mepicet maya' Tuhan.

YUSAK 24:14 Iomraidhean Croise

PUDUT 17:1

Kareb ulun Abram iwa' ngepulu' iwa' lak idi Tuhan nesilagan neneh, idi kebalaNeh, “Ui ini Allah luk Melalud. Idi do' iko maya' balaKu, idi nganau' luk matu.

PUDUT 35:2

Idi kebala Yakub kuan amung uang tetek ruma'neh idi kuan amung-amung lun luk denganneh, “Do' nala' amung-amung akang lun pupu baken luk arang muyuh, idi ngeligan burur muyuh idi ngelibal amung-amung ayung muyuh.

RACA'-RACA' LUK KEDUEH 20:3

“O Tuhan, do' Iko ngerawé ratnan ui pangeh nenalan pa kiungMu dengan amung do' idi letep niatku. Idi pangeh ui nenganau' luk matu pa kiungMu.” Idi ieh pelaba tangi'.

ESRA 9:11

luk pangeh bida'Mu dengan tang lun dukenMu, ieh ineh amung nabi, kebaladeh, ‘Idi bawang luk ulek muyuh ineh, idi luk lapen muyuh ku babpat muyuh, ieh ineh tana' luk melutak ngaceku lutak amung pupu bang bawang ineh ngaceku ratnan amung kekamendeh luk inan Tuhan megateh idi lutakdeh maput bawang.

AYUB 1:1

Inan aceh lemulun luk ngadan Ayub, luk tudo bang bawang Us. Ieh sembayang inan Allah idi lutep maya' Neneh. Ieh ineh aceh lemulun luk pelaba do', idi luk na pian nganau' anun-anun luk dat.

AYUB 28:28

Kebala Allah kuan lemulun, “Do' muyuh matot inan Tuhan pad muyuh mileh, idi teketed ratnan luk dat, pad muyuh do' kali'.”

NANI UBUR 111:10

Dalan ngalap ileh, ieh ineh ngerayeh Tuhan; Ieh maré ileh luk do' kuan amung lemulun luk maya' ukumNeh. Do' Ieh buren ruked-ruked!

NANI UBUR 119:1

Samal kuan lemulun luk na mesala', idi luk mulun maya' Surat Tuhan.

NANI UBUR 119:80

Nima' negku maya' ukumMu dengan niat luk mesiri, pad ui na miak uen ngigu'.

NANI UBUR 130:4

Iamo' Iko maré do' nekai, pad kai matot Namu.

NANI UBUR 81:10

Ui ini Tuhan Allah muyuh, luk nenguit nemuyuh remuat rat bawang Masir. Tanganga' tang muyuh, idi Ui maman nemuyuh.

YEHISKIEL 20:18

Ui nengecuk anakdeh su ineh, kebalaKu, ‘Aleg maya' ukum luk inau' tepun muyuh; idi aleg maya' adatdeh, idi aleg ngelutak burur muyuh ku akangdeh.

YEHISKIEL 23:3

Kareb didueh anak adi' déi' bawang Masir, didueh pasét idi mangun ku decur luk mesawa'.

HOSIA 3:5

Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.

UKUM 17:7

Aleg ideh maré luk keretendeh ineh inan sétan luk binaya'deh dengan sétdeh. Idi ini mangun ku aceh dalan luk meruked kuandeh.

MIKA 6:8

O lun muyuh, Tuhan pangeh nemada' nemuyuh ratnan luk do'. Kudeng ini luk dukenNeh nemuyuh: nganau' luk mesiri, idi do' lutep bang awa. Maya' Allah muyuh dengan mebeneh niat.

LUKAS 8:15

Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

KEKAMEN RASUL-RASUL 9:31

Idi sidang luk aput-aput tana' Yudia, Galilia, idi Samaria nengalap awang idi anu luk meraben. Idi sidang ineh iuk metueh dengan matot inan Tuhan, idi dengan lalud Roh Meligan ideh iuk amé' mula'.

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

EPESUS 6:24

Idi do' katu Allah ngedengan amung-amung lemulun luk mawa inan Tuhan tau Yésus Keristus dengan awa luk na miak maté.

BADA' RATNAN UKUM 10:12

“Idi nekini pana', ninger O Israil, anunké luk pian Tuhan Allah muyuh ruen muyuh? Do' muyuh matot inan Tuhan idi maya' amung balaNeh. Idi mawa Neneh. Idi maya' Neneh dengan amung niat muyuh idi amung terawé muyuh.

BADA' RATNAN UKUM 18:13

Idi do' muyuh lutep inan Tuhan Allah muyuh dengan na perapid terawé.

BADA' RATNAN UKUM 6:13

Do' muyuh matot inan Tuhan Allah muyuh, idi sembayang Neneh sebuleng mo', idi pebulung ku ngadanNeh teh.

PILIPI 1:10

pad muyuh miak mili' luk meluun do', pelé muyuh miak mangun meligan idi na mesala' kareb Aco Yésus Keristus.

YUSAK 24:2

Idi kebala Yusak nelun mula' ineh, “Kudeng ini bala Tuhan Allah lun Israil, ‘Rat mon tepun muyuh mudeng i dipar Abpa' Pirat, ieh ineh Tira, taman Ibrahim idi taman Nahor. Idi ideh teh pangeh nesembayang nan allah baken.

YUSAK 24:23

Idi kebala Yusak nedeh, “Nekini teh talan muyuh amung akang lun pupu baken luk arang muyuh. Idi do' muyuh merapet inan Tuhan Allah lun Israil.”

SEMUIL LUK PUN-PUN 12:14

Kudeng muyuh matot inan Tuhan idi sembayang Neneh, idi ninger bada'Neh, idi kudeng muyuh idi raca' luk ngimet nemuyuh maya' Neneh, kali' rungen muyuh do' udeng.

SEMUIL LUK PUN-PUN 12:24

Do' muyuh matot inan Tuhan idi sembayang Neneh dengan amung niat muyuh. Do' muyuh ngerawé kudeng apeh rayeh kekamen luk pangeh inau'Neh kuan muyuh.

SEMUIL LUK PUN-PUN 7:3

Idi kebala Semuil nelun Israil, “Kudeng muyuh lumi inan Tuhan dengan maung niat muyuh, do' muyuh nala' amung akang pupu baken idi Asterot rat arang muyuh. Ngeligan burur muyuh kuan Tuhan, idi sembayang Neneh mo', pelé Ieh muit nemuyuh rat bang palad lun Pilistin.”