YUSAK 24:1 - BALA LUK DO'

¹ Muci ratnan ineh idi Yusak nengamung amung inul pupu lun Israil déi' Sikem. Idi ieh nenawar amung lun Israil luk mengered, idi amung lun rayeh, idi lun luk mutut ukum, idi luk ngimet nedeh ineh. Idi ideh nacing tuped pa kiung Tuhan.

YUSAK 24:1 Iomraidhean Croise

PUDUT 12:6

idi Abram nelemaba bawang ineh pad ieh nacing lawa kayuh luk meraben déi' Moré, ieh ineh su luk inan sembayang déi' Sikem. Idi kareb ineh lun Kanaani tudo bang bawang ineh.

PUDUT 35:4

Idi ideh nemaré kuan Yakub amung-amung akang lun pupu baken luk pangeh ilapdeh ineh, idi amung-amung abédeh. Idi Yakub nenanem amung ineh pa liang lawa kayuh luk meraben luk muneng ku bawang Sikem ineh.

RACA'-RACA' LUK PUN-PUN 12:1

Idi Rehebom iné' déi' Sikem, ngaceku amung lun Israil nepamung sikal ngikit neneh ku raca'.

RACA'-RACA' LUK KEDUEH 23:1

Raca' Yosia nenawar amung lun rayeh Yahuda idi Yerusalim.

KEKAMEN RASUL-RASUL 10:33

Idi ui petacu nengecuk lemulun amé' nawar namu, idi mawang niat iko pangeh nacing. Ngaceku ineh nekini amung kai pangeh netebubpun tungé' pa kiung Allah, pad ninger amung bala luk bila Tuhan kuanmu.”

BADA' RATNAN UKUM 29:9

Idi ngaceku ineh do' muyuh nginita amung bala pejani' ini, pad muyuh ngalap peruan bang amung-amung luk ruen muyuh.

YUSAK 20:7

Idi ideh nengatad bawang Kedes déi' Galilia luun pegkung-pegkung Naptali, Sikem luk luun pegkung-pegkung Epraim, idi Kiriat Arba (ieh ineh Hebron) luk luun pegkung-pegkung Yahuda.

YUSAK 23:2

Idi Yusak nenawar amung lun Israil, dengan amung lun mengered, idi lun rayeh, idi luk mutut ukum idi luk ngimet nedeh ineh. Idi kebalaneh nedeh, “Ui pangeh mengered.

LUN LUK NGUYUT 20:26

Pangeh ineh idi amung lun Israil inée' Baitel idi nenangi'. Idi ideh netudo ieneh pa kiung Tuhan idi na nekuman pad macing malem. Idi ideh nemarée barée luk sabpen idi barée luk nguit pedo pa kiung Tuhan.

SEMUIL LUK PUN-PUN 10:19

Iamo' aco sini muyuh pangeh nenecan Allah muyuh luk pangeh nemuit nemuyuh ratnan amung dereh idi susa' muyuh. Idi muyuh pangeh nemutuh Neneh kudeng ini, “Ngikit aceh raca' pa luun kai.” Idi ngaceku ineh amé' muyuh pa kiung Tuhan maya' kinula' inul idi pupu muyuh.”