YUSAK 23:7 - BALA LUK DO'

⁷ pad muyuh na perurum nan pupu luk tudo arang muyuh. Idi aleg muyuh neten ngadan allahdeh. Idi aleg pebulung ku ngadandeh. Idi aleg ngakem kuandeh idi tekeradung sembayang nedeh.

YUSAK 23:7 Iomraidhean Croise

RACA'-RACA' LUK KEDUEH 17:12

Idi ideh nesembayang inan akang luk bibpeng Tuhan.

RACA'-RACA' LUK KEDUEH 5:18

Idi do' Tuhan maré do' kuanku, kareb raca' ku amé' sembayang bang ruma' Rimun, idi kareb ieh ngimet ticu'ku, idi ui tekeradung bang ruma' Rimun ineh, do' Tuhan maré do' kuanku.”

INUL LUK KEDUEH 7:19

Iamo' kudeng muyuh teketed idi necan bala idi ukum luk pangeh biréKu nemuyuh idi muyuh amé sembayang inan allah baken,

NANI UBUR 16:4

Lemulun luk mili' allah baken, ngacing mula' dereh kuan bururdeh sebuleng. Na ui pian perurum nedeh, kareb ideh maré luk kirat kuan allahdeh. Na ui sikal sembayang inan allahdeh.

PURA' 20:5

Aleg iko ngubur idi tekeradung sembayang ku ineh. Ngaceku Ui Ini Tuhan Allahmu luk temaruh, luk ngua' sala' amung lemulun macing ku anak idi inul luk keteluh idi luk keapat pana' ratnan amung lemulun luk megateh Negku.

PURA' 23:13

“Ui ini Tuhan. Do' ninger amung balaKu. Aleg sembayang nan allah luk baken, idi aleg neten ngadandeh.

PURA' 23:33

Aleg ideh tudo bang bawangmu, pad ideh na nganau' namu mesala' Negku. Kudeng iko sembayang inan akangdeh, kali' rungen iko mekaneh abpung.”

BALE' 4:14

Aleg maya' dalan lemulun luk dat.

YEREMIA 12:16

Kudeng ideh mepicet maya' sembayang pupuKu, idi pebulung ratnan ngadan Tuhan luk mulun — mepad kudeng luk atun ideh nemada' pupuKu pebulung ratnan ngadan Baal — idi ideh miak mangun ku aceh babpat pupuKu idi ngalap peruan.

YEREMIA 5:7

Kebala Tuhan, “Ngudeh Ui maré do' ratnan sala pupuKu? Ngaceku amung anakdeh nenecan Negku, idi nepebulung ku allah luk na matu. Ui nemaman pupuKu pad ideh mebor, iamo' ideh pasét idi nakap decur luk mesawa'.

HOSIA 2:17

Idi na Ui nima' neneh neten ngadan Baal baruh teh.

SEPANIA 1:5

Ui miak ngaté lemulun luk sembayang luun apo ruma' inan aco, bulan, idi gituen. Ui miak ngaté lemulun luk sembayang Negku idi pebulung pa kiungKu, idi luk pebulung dengan ngadan akang Milkom pana'.

IAP 32:38

Nebo, Baal Mion (idi ngadandeh uen ngelibal), idi Sibma. Idi ideh nenganau' ngadan luk mebaruh kuan bawang luk pinudutdeh.

IAP 33:55

Iamo' kudeng muyuh na ngusu lun bang bawang ineh rat pa kiung muyuh, kali' rungen ideh mangun ku aceh usi' bang mateh muyuh idi tabpa' su sigarang muyuh. Idi ideh miak ngesusa' nemuyuh.

1 KORINTUS 15:33

Aleg muyuh uen naluk, ngaceku “Rurum luk dat ngusag kekamen luk do'.”

EPESUS 5:11

Aleg muyuh perurum bang kekamen lemulun luk nganau' luk na petulu, iamo' meluun do' ngesala' kekamen ineh. (

BADA' RATNAN UKUM 10:20

Do' muyuh matot inan Tuhan Allah muyuh idi sembayang Neneh idi lutep Neneh, idi pejani' ku ngadanNeh sebuleng mo'.

BADA' RATNAN UKUM 6:13

Do' muyuh matot inan Tuhan Allah muyuh, idi sembayang Neneh sebuleng mo', idi pebulung ku ngadanNeh teh.

BADA' RATNAN UKUM 6:14

Aleg muyuh maya' allah pupu baken luk tudo libut-libut muyuh,

YUSAK 23:12

Kudeng muyuh lemubed idi maya' pupu-pupu luk na tabpen ini, luk mudeng arang muyuh, idi muyuh paweh nedeh,

YUSAK 23:8

Iamo' do' muyuh merapet inan Tuhan Allah muyuh, mepad kudeng luk pangeh inau' muyuh macing aco sini.