YUSAK 23:3 - BALA LUK DO'

³ Idi muyuh pangeh nenier amung-amung luk pangeh inau' Tuhan Allah muyuh kuan amung pupu ni ngaceku muyuh. Idi Tuhan Allah muyuh teh luk pangeh nepebunu' ngaceku muyuh.

YUSAK 23:3 Iomraidhean Croise

PURA' 14:14

Tuhan luk pebunu' libal muyuh, idi muyuh ungeng mo'!”

PURA' 19:4

‘Muyuh pangeh nenier luk pangeh inau'Ku kuan lun Masir. Ui pangeh nemabeh nemuyuh mepad kudeng kanui nguit anakneh luun iladneh. Idi Ui pangeh nengacing nemuyuh Negku.

YEHISKIEL 20:28

Ui nenguit nedeh iné' inan tana' luk pijani'Ku kuandeh. Kareb ideh nenier pegkung-pegkung luk medita' idi lawa kayuh luk mebata', ideh nemaré baré luun anid pegkung ineh. Ideh nenganau' Negku museh ku baré luk isebdeh, idi baré luk rupen luk inuitdeh.

MALAKI 1:5

Pupu Israil miak nier ini dengan matehdeh sebuleng, idi ideh miak pebala, “Tuhan ineh melalud, sagan pana' mado rat bawang Israil!”

BADA' RATNAN UKUM 1:30

Tuhan Allah muyuh luk nalan pa atun muyuh miak pebunu' libal muyuh, mepad kudeng luk inau'Neh kuan muyuh déi' bawang Masir,

BADA' RATNAN UKUM 20:4

Ngaceku Tuhan Allah muyuh idi dengan muyuh, idi Ieh maré nemuyuh metueh.’

BADA' RATNAN UKUM 4:9

Matar do'-do', idi aleg kelupan amung-amung luk pangeh sinier muyuh, pad amung ineh na mekelupan ruked ulun muyuh. Idi do' muyuh maré kali' kuan anak-anak muyuh idi kuan mupun-mupun muyuh,

BADA' RATNAN UKUM 7:17

“Aleg pebala bang niat muyuh, ‘Pupu ineh meluun ula' rat netau ini, kudeng apeh tau ngusu nedeh?’

BADA' RATNAN UKUM 7:24

Idi raca'-raca'deh ineh miak barén bang palad muyuh, idi muyuh pana' miak nala' ngadandeh rat pa liang langit. Seburur pana' nateh miak tuman pa kiung muyuh, pad muyuh ngaté amungdeh.

YUSAK 10:14

Idi na luk idi aco kudeng ineh atun idi muci, kareb Tuhan nemaya' bala selemulun kudeng ineh, ngaceku Tuhan pebunu' libal lun Israil.

YUSAK 10:42

Idi amung raca' idi amung bawang ineh teh linaya' Yusak bang lawé ineh mo, ngaceku Tuhan Allah lun Israil nepebunu' libal lun Israil.

YUSAK 23:10

Idi seburur muyuh miak ngerada' meribu bururdeh, ngaceku Tuhan Allah muyuh luk pebunu' kuan muyuh, maya' kudeng luk pangeh pijani'Neh kuan muyuh.