YUSAK 23:2 - BALA LUK DO'

² Idi Yusak nenawar amung lun Israil, dengan amung lun mengered, idi lun rayeh, idi luk mutut ukum idi luk ngimet nedeh ineh. Idi kebalaneh nedeh, “Ui pangeh mengered.

YUSAK 23:2 Iomraidhean Croise

RACA'-RACA' LUK PUN-PUN 1:1

Kareb Raca' Daud pebala ngered, idi ideh nenarub neneh ku tuda'-tuda' pekatu kibung. Nateh ieh melau'.

RACA'-RACA' LUK PUN-PUN 8:1

Raca' Selimun nengamung lun ngimet idi lun rayeh pupu Israil, macing amé' matun neneh déi' Yerusalim, pad ideh nguit Pati' Pejani' Tuhan rat Sion bawang Daud amé' bang Ruma' Allah.

INUL LUK PUN-PUN 23:2

Daud nengamung amung lun rayeh Israil, dengan amung imam idi lun Liwi teh.

INUL LUK PUN-PUN 28:1

Daud nengecuk amung-amung lun rayeh Israil mepamung déi' Yerusalim. Idi amung lun rayeh pupu, lun rayeh luk ngakem kuan raca', lun rayeh pupu-pupu idi lun rayeh luk ngasa' binaweh idi aya' raca' idi anak-anakneh, ieh ineh amung lun rayeh ruma' raca', lun rayeh baweh, idi lun luk mebala nepamung déi' Yerusalim.

BADA' RATNAN UKUM 31:28

Darin muyuh amung lun rayeh pupu ini idi amung lun luk ngimet ukum, pelé amung bala ini badénku pedingerendeh. Idi ui nawar langit idi tana' miak mangun ku luk maré kali' rat nedeh.

YUSAK 13:1

Idi Yusak pana' mengered peh. Idi kebala Tuhan neneh, “Iko pangeh mengered, idi mula' teh tana' ketecan luk miak lapen.

YUSAK 23:3

Idi muyuh pangeh nenier amung-amung luk pangeh inau' Tuhan Allah muyuh kuan amung pupu ni ngaceku muyuh. Idi Tuhan Allah muyuh teh luk pangeh nepebunu' ngaceku muyuh.

YUSAK 24:1

Muci ratnan ineh idi Yusak nengamung amung inul pupu lun Israil déi' Sikem. Idi ieh nenawar amung lun Israil luk mengered, idi amung lun rayeh, idi lun luk mutut ukum, idi luk ngimet nedeh ineh. Idi ideh nacing tuped pa kiung Tuhan.

SEMUIL LUK PUN-PUN 12:2

Idi nekini miak muyuh kiuten raca'. Nekini ui mengered, idi mebuda' abpuk. Idi anak deléiku luk dueh idi arang muyuh. Idi ui luk nenguyut memuyuh rat ui isuut macing aco sini.