YUSAK 23:16 - BALA LUK DO'

¹⁶ Kudeng muyuh ngelaba pejani' Tuhan Allah muyuh luk pangeh inau'Neh kuan muyuh, idi muyuh teh amé' nganau' kekamen kuan allah baken, idi tekeradung sembayang nedeh, kali' rungen useh Tuhan miak mebura' kuan muyuh.”

YUSAK 23:16 Iomraidhean Croise

RACA'-RACA' LUK PUN-PUN 14:15

Idi Tuhan miak necat nelun Israil teh mepad kudeng uduh luk gué-gué bang abpa', idi Ieh miak ngusu nelun Israil rat bang bawang luk do' luk pangeh biréNeh kuan tepundeh, idi Ieh miak ngatad nedeh ineh pad macing bal selipa Abpa' Pirat, ngaceku amung ulung luk pangeh inau'deh, pad ngeruat useh Tuhan.

RACA'-RACA' LUK PUN-PUN 9:6

Iamo' kudeng iko idi inulmu lemubed rat Negku, pad muyuh na nginita ukum idi balaKu luk pangeh biréKu nemuyuh ineh, iamo' muyuh maya' allah baken, idi sembayang nedeh,

RACA'-RACA' LUK PUN-PUN 9:7

kali' rungen Ui nala' nelun Israil rat bang bawang luk pangeh biréKu kuandeh, idi Ruma' ini luk pangeh liniganKu mangun ku luk inan sembayang Negku, pad lun pupu baken miak situnga nan Israil aput-aput tana'.

RACA'-RACA' LUK KEDUEH 17:7

Samaria netabpa ngaceku lun Israil pangeh nenganau' sala' inan Tuhan Allahdeh, luk pangeh nemuit nedeh rat bang palad raca' Masir, idi luk pangeh nenguit nedeh remuat rat bang bawang Masir ineh. Idi ideh pangeh nesembayang inan allah baken.

RACA'-RACA' LUK KEDUEH 24:20

Idi Tuhan pelaba useh nelun Yerusalim idi Yahuda, pad Ieh nengusu nedeh rat pa kiungNeh.

YESAYA 24:5

Lemulun pangeh nengelutak tana' ini, ngaceku ideh ngelaba ukum Allah idi na ngerawé jani' Allah luk meruked ineh.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

YEREMIA 32:24

“Lun Babil pangeh nenganau' tuda'-tuda' dalan tana' luk medita' libut-libut bawang Yerusalim, pad ideh miak semuet idi ngelaya' bawang ineh. Ngaceku bunu', lau, idi ét, bawang ineh malé ruendeh ngelaya'. O Tuhan, Iko miak nier idi amung-amung luk bida'Mu pangeh nangun.

IAP 33:56

Idi kudeng muyuh na ngusu nedeh, Ui miak ngukum nemuyuh, mepad kudeng Ui nengerawé ngukum nedeh.”

BADA' RATNAN UKUM 17:3

pad ieh sembayang inan allah baken idi tekeradung nedeh, kian inan aco, kian inan bulan, kian inan amung baweh luk déi' langit, luk pangeh bibpengKu,

BADA' RATNAN UKUM 28:15

“Iamo' kudeng iko na maya' bala Tuhan Allahmu, idi na nginita amung ukumNeh idi dalanNeh luk bida'ku namu aco sini, idi amung kediman ini miak macing namu:

BADA' RATNAN UKUM 6:15

pele' useh Tuhan na macing nemuyuh mepad kudeng apui idi ngaté nemuyuh. Ngaceku Tuhan Allah muyuh luk idi dengan muyuh kali' rungen temaruh peh.

LUN LUK NGUYUT 2:14

Idi Tuhan pelaba useh nelun Israil, pad Ieh nenima' nelun luk dat ngaro bawang idi ngalap binawehdeh. Ieh nenima' amung bunu' luk libut-libutdeh ngelaya' nedeh, pad ideh na tuman matar bururdeh sebuleng.

LUN LUK NGUYUT 2:20

Ngaceku ineh Tuhan pelaba useh nelun Israil, kebalaNeh, “Pupu ini pangeh nengelaba jani'Ku, luk pangeh bida'Ku kuan tepundeh. Idi na ideh neninger arodKu.

SEMUIL LUK PUN-PUN 12:25

Iamo' kudeng muyuh lutep nganau' sala', kali rungen muyuh miak kumin, dengan raca' muyuh pana'.”