YUSAK 23:15 - BALA LUK DO'

¹⁵ Iamo' miak mangun muci mepad kudeng luk pangeh nangun kuan muyuh amung-amung luk do' luk bida' Tuhan Allah muyuh ratnan lawé muyuh. Kudeng ineh teh miak Tuhan ngukum nemuyuh, pad Ieh ngaté nemuyuh idi pad seburur pana' nateh luk ketecan bang bawang luk do' luk pangeh biré Tuhan Allah kuan muyuh.

YUSAK 23:15 Iomraidhean Croise

RACA'-RACA' LUK PUN-PUN 14:15

Idi Tuhan miak necat nelun Israil teh mepad kudeng uduh luk gué-gué bang abpa', idi Ieh miak ngusu nelun Israil rat bang bawang luk do' luk pangeh biréNeh kuan tepundeh, idi Ieh miak ngatad nedeh ineh pad macing bal selipa Abpa' Pirat, ngaceku amung ulung luk pangeh inau'deh, pad ngeruat useh Tuhan.

RACA'-RACA' LUK PUN-PUN 8:56

“Amung ubur kuan Tuhan luk pangeh nemaré do' udeng kuan pupuNeh lun Israil, maya' kudeng amung luk pangeh pijani'Neh. Sebila' bala pana' nateh netutu' ratnan amung jani'Neh luk do' luk pangeh bida'Neh dengan tang demulunNeh Musa.

YESAYA 24:6

Ngaceku ineh Allah pangeh nengediman tana' ini, pad ieh uen ngusag. Uang tana' ini uen ngua' maya' kudeng luk inau'deh. Kinula' lemulun luk mulun iuk amé' pawa'.

YEREMIA 32:24

“Lun Babil pangeh nenganau' tuda'-tuda' dalan tana' luk medita' libut-libut bawang Yerusalim, pad ideh miak semuet idi ngelaya' bawang ineh. Ngaceku bunu', lau, idi ét, bawang ineh malé ruendeh ngelaya'. O Tuhan, Iko miak nier idi amung-amung luk bida'Mu pangeh nangun.

YEREMIA 32:42

“Mepad kudeng Ui pangeh nengacing susa' kuan pupu ini, kudeng ineh teh Ui miak maré kuandeh amung-amung peruan luk pijani'Ku.

YEREMIA 35:17

Ngaceku ineh, Ui ini, Tuhan luk Melalud, Allah lun Israil miak ngacing kuan muyuh lun Yahuda idi lun Yerusalim amung dereh luk pijani'Ku. Ui miak nganau' kudeng ini, ngaceku kareb Ui nepebala nemuyuh, muyuh na neninger balaKu, idi kareb Ui nenawar nemuyuh, muyuh na nengor balaKu.”

UKUM 26:3

“Kudeng muyuh nginita ukumKu idi maya' balaKu,

1 TESALONIKA 2:16

Ideh mebpeng nekai na mada' bala luk ngacing ulun kuan lun pupu baken. Lun Yahudi na ugka' nganau' sala'-sala' luk pangeh kikemdeh ineh. Iamo' nekini useh Allah nacing pa luundeh.

LUN LUK NGUYUT 13:1

Idi lun Israil nenganau' sala' pa kiung Tuhan teh. Ngaceku ineh Tuhan nenima' nelun Pilistin ngimet nedeh apat ngepulu' lak kinioneh.

LUN LUK NGUYUT 3:12

Idi sekua' teh lun Israil nenganau' sala' pa kiung Tuhan. Ngaceku ineh Tuhan nenganau' Eglon, raca' lun Moab, metueh rat nelun Israil.

LUN LUK NGUYUT 3:8

Idi Tuhan museh nelun Israil. Idi Ieh nenima' Kusan Risataim, luk raca' Mesopotamia ngelaya' nedeh. Idi lun Israil bang imet raca' ineh ualuh lak kinioneh.

LUN LUK NGUYUT 6:1

Idi lun Israil nenganau' sala' pa kiung Tuhan. Idi Tuhan nemarée nedeh bang imet lun Midian tudu' lak kinioneh.