YUSAK 23:14 - BALA LUK DO'

¹⁴ “Idi nekini ui malé maté. Idi muyuh kali' dengan amung niat muyuh idi amung terawé muyuh, idi sebila' bala pana' na metutu' ratnan amung bala luk do' luk pangeh bida' Tuhan Allah muyuh ratnan lawé muyuh. Idi amungneh pangeh nangun kuan muyuh. Idi sebila' bala pana' na netutu' ratnan amung ineh.

YUSAK 23:14 Iomraidhean Croise

PUDUT 47:29

Karebneh lélé maté, idi ieh nenawar anakneh Yusup, kebalaneh neneh, “Do' iko ngerareng ticu'mu pa liang tipanku, idi pejani' negku, pad iko na nanem negku bang bawang Masir.

RACA'-RACA' LUK PUN-PUN 2:2

“Tarekku pangeh nacing. Ngaceku ineh do' iko lutep idi mekuu',

RACA'-RACA' LUK PUN-PUN 8:56

“Amung ubur kuan Tuhan luk pangeh nemaré do' udeng kuan pupuNeh lun Israil, maya' kudeng amung luk pangeh pijani'Neh. Sebila' bala pana' nateh netutu' ratnan amung jani'Neh luk do' luk pangeh bida'Neh dengan tang demulunNeh Musa.

AYUB 30:23

Ui kali' Iko naban negku amé' bang até, luk tinina' kuan amung-amung lemulun.

PURA' 3:8

Idi Ui pangeh netemurun pad muit nedeh ratnan imet lun Masir, pelé Ui nguit nedeh remuat rat bang bawang ineh amé' nan aceh bawang luk rayeh, ieh ineh aceh tana' luk mebaleng, su luk inan lun Kanaani, lun Hiti, lun Amori, lun Prisi, lun Hiwi, idi lun Yebusi.

LUN LUK MADA' 12:5

Iko miak matot ku su luk medita', idi iko mesusa' nalan. Abpukmu amé' mebuda' idi iko na pian pamung dengan awanmu teh. Tau amé' su luk inan tau ngato erur tau luk kekiped, idi lemulun temido maya' dalan.

LUN LUK MADA' 9:10

Do' mekél nganau' amung kekamenmu, ngaceku su luk inan até — su luk ulekmu ineh, na luk idi kekamen, terawé, ileh, idi do' kali'.

YEHISKIEL 20:28

Ui nenguit nedeh iné' inan tana' luk pijani'Ku kuandeh. Kareb ideh nenier pegkung-pegkung luk medita' idi lawa kayuh luk mebata', ideh nemaré baré luun anid pegkung ineh. Ideh nenganau' Negku museh ku baré luk isebdeh, idi baré luk rupen luk inuitdeh.

IAP 23:19

Allah na mebalih mepad kudeng lemulun, Idi na nginuud mepad kudeng anak lemulun; balaNeh matu idi miak uen ngacing.

LUKAS 21:33

Langit idi tana' miak metutu', iamo' balaKu na miak metutu' peh.

IBERANI 9:27

Anid-anid burur lemulun maté sekua' mo', idi pangeh ineh ieh miak kumin Allah.

SEMUIL LUK PUN-PUN 3:19

Idi Semuil iuk amé' rayeh idi Tuhan pana' idi denganneh. Idi sebila' bala pana' ratnan bala Semuil ineh nateh luk na icing Tuhan. Idi amung lun Israil rat Dan macing déi' Birsiba pana' kali' ratnan Semuil pangeh kinikit ku nabi Tuhan.