YUSAK 23:13 - BALA LUK DO'

¹³ kali rungen Tuhan Allah muyuh na ngusu pupu-pupu ini rat pa kiung muyuh. Iamo' muci ideh miak mangun ku aceh dereh kuan muyuh idi ku abpung idi lubang idi kudeng ét bebpet luun keted muyuh idi kudeng tabpa' bang mateh muyuh, pad muyuh maté bang bawang luk do' luk pangeh biré Tuhan Allah muyuh kuan muyuh ineh.

YUSAK 23:13 Iomraidhean Croise

RACA'-RACA' LUK PUN-PUN 11:4

Idi kareb ieh pangeh mengered, ieh inuitdeh sembayang inan allah pupu baken, pad niatneh na lutep inan Tuhan Allahneh mepad kudeng tamanneh Raca' Daud.

RACA'-RACA' LUK KEDUEH 17:18

Tuhan pelaba gateh nelun Israil, pad Ieh nemubuh nedeh rat pa kiungNeh. Na luk neketecan peh, iamo' inul Yahuda mo' sebuleng.

RACA'-RACA' LUK KEDUEH 17:20

Idi Tuhan nenala' amung inul Israil. Idi Ieh nengedereh nedeh idi nemaré nedeh bang palad lun luk ngaro bawang, pad ideh pangeh tila' rat pa kiungNeh.

RACA'-RACA' LUK KEDUEH 25:21

Idi raca' Babil ineh nengecuk nelun dukenneh mebal nedeh idi ngaté nedeh déi' Ribla luk bang bawang Hamat. Kudeng ineh lawé lun Yahuda tibandeh rat bawangdeh sebuleng.

RACA'-RACA' LUK KEDUEH 25:26

Idi amung lun Israil luk neketecan, lun do' idi lun masi' pana' dengan amung lun rayeh baweh buro iné' Masir, ngaceku ideh matot nelun Babil.

NANI UBUR 69:22

Do' iraudeh mangun ku abpung kuandeh; idi do' awang niatdeh ngebpeh nedeh!

PURA' 10:7

Idi kebala lun tareh raca' neneh, “Tuda' io lun ini ngesusa' netau? Do' iko maré nedeh nalan, pelé ideh sembayang inan Tuhan Allah! Naké iko nekali' bawang Masir ini pangeh nekedat?”

PURA' 23:33

Aleg ideh tudo bang bawangmu, pad ideh na nganau' namu mesala' Negku. Kudeng iko sembayang inan akangdeh, kali' rungen iko mekaneh abpung.”

PURA' 34:12

Aleg perurum nelun luk bang bawang luk ulek muyuh ineh, pad ideh na mangun ku aceh abpung kuanmu.

PURA' 34:16

Idi kudeng anak deléimu ngaweh decur pupu ineh, kali rungen ideh nguit nedeh maya' allahdeh, pad ideh na lutep maya' Negku.

YEHISKIEL 28:24

Kebala Tuhan, “Pupu baken libut-libut bawang Israil luk nesitunga neneh na mangun ku tabpa' luk ngurat Israil sekua' teh, pad ideh kali' Ui ini Tuhan.”

IAP 33:55

Iamo' kudeng muyuh na ngusu lun bang bawang ineh rat pa kiung muyuh, kali' rungen ideh mangun ku aceh usi' bang mateh muyuh idi tabpa' su sigarang muyuh. Idi ideh miak ngesusa' nemuyuh.

LUKAS 21:24

Sebuang lemulun miak pitayen ku pelapet, idi lun baken miak tebanen amé' bang amung bawang luk baken; idi Yerusalim miak riduen-riduen lun luk na manu, pad macing kareb imetdeh mabud.

BADA' RATNAN UKUM 29:28

Idi Tuhan pana' pangeh mubuh nedeh rat bang bawangdeh dengan usehNeh idi rasangNeh, idi gatehNeh luk pelaba bura', idi nenala' nedeh ineh bang bawang luk baken, mepad kudeng aco sini.’

BADA' RATNAN UKUM 30:18

idi ui maré kali' namu aco sini, kali' rungen iko miak maté, idi na ulunmu mekadang bang bawang luk ulekmu nekini déi' dipar Abpa' Yarden.

BADA' RATNAN UKUM 4:26

Kudeng muyuh nganau' kudeng ineh, idi aco sini teh ui nawar langit idi tana' maré kali' rat nemuyuh, idi denga segageh muyuh miak metutu' rat bang bawang ineh. Idi na muyuh mio tebawang bang bawang luk i dipar Abpa' Yarden luk ulek muyuh. Iamo' muyuh mabud maté.

BADA' RATNAN UKUM 7:16

Idi muyuh miak ngabud amung pupu luk barén Tuhan Allah muyuh nemuyuh. Aleg muyuh méi' nedeh. Idi aleg muyuh sembayang nan allahdeh. Ngaceku ieh ineh mangun ku aceh abpung kuan muyuh.

2 TIMOTIUS 2:26

Idi ideh miak mepuit ratnan abpung Iblis, kareb ideh pangeh tiban demulun Tuhan pad nganau' pian Allah.

LUN LUK NGUYUT 2:21

Ngaceku ineh Ui pana' na sikal ngusu sebuleng pupu luk tican Yusak bang tana' ineh kareb ieh natée.