YUSAK 23:12 - BALA LUK DO'

¹² Kudeng muyuh lemubed idi maya' pupu-pupu luk na tabpen ini, luk mudeng arang muyuh, idi muyuh paweh nedeh,

YUSAK 23:12 Iomraidhean Croise

PUDUT 2:24

Ngaceku ineh lemulun na miak na necan taman-tinanneh idi pamung dengan awanneh, idi didueh ineh mangun ku sebuleng burur.

PUDUT 34:3

Idi ieh mawa ku anak decur ineh pad ieh nengubuk neneh.

RACA'-RACA' LUK PUN-PUN 11:2

Ieh nengaweh decur ineh sagan tu pana' Tuhan nemebpeng nelun Israil na ngaweh decur pupu baken, pad ideh na nguit nedeh maya' allah baken.

RACA'-RACA' LUK PUN-PUN 11:4

Idi kareb ieh pangeh mengered, ieh inuitdeh sembayang inan allah pupu baken, pad niatneh na lutep inan Tuhan Allahneh mepad kudeng tamanneh Raca' Daud.

NANI UBUR 125:5

Iamo' ngukum lemulun luk teketed rat Namu, dengan lemulun luk nganau' luk dat! Awang kuan Israil!

NANI UBUR 36:3

Balaneh dat idi mepanu' ku balih. Na ieh mileh nganau' luk do' peh.

YESAYA 1:4

O pupu luk mesala'. O muyuh luk dat idi tekilu', muyuh miak kumin! Sala' muyuh ngeraruh nemuyuh! Muyuh pangeh nenecan Tuhan Allah lun Israil luk meligan, idi muyuh neteketed rat Neneh.

YEHISKIEL 18:24

“Iamo' kudeng lemulun luk matu ugka' nganau' luk do' idi ngimun nganau' kekamen luk dat mepad kudeng lemulun luk dat, miakké ieh mulun? Na tu! Kekamenneh luk do' pana' na miak uen ngerawé. Ieh miak maté ngaceku na lutep idi ngaceku sala'neh.

SEPANIA 1:6

Ui miak ngaté lemulun luk teketed rat Negku idi na maya' Negku teh, ieh ineh lemulun luk na amé' Negku, idi luk na mutuh pedengan.”

MATIUS 12:45

Idi ieh amé' ngalap tudu' ada' luk baken teh denganneh, ieh ineh luk meluun dat ratnan ieh, idi ideh semuet idi tudo déi' idi ratnan lemulun luk sinuet ineh, kekipedneh mangun meluun dat ratnan luk pun-pun. Kudeng ineh teh luk mangun muci kuan inul luk dat ini.”

YAHYA 6:66

Ngaceku ineh mula' anak sekola'Neh nelemubed, idi na nemaya' Neneh teh.

SURAT LUK BIRE PAULUS KUAN LUN RUM 12:9

Do' muyuh mawa dengan na siayu. Do' muyuh megateh inan luk dat, idi ngimet luk do'.

BADA' RATNAN UKUM 6:15

pele' useh Tuhan na macing nemuyuh mepad kudeng apui idi ngaté nemuyuh. Ngaceku Tuhan Allah muyuh luk idi dengan muyuh kali' rungen temaruh peh.

BADA' RATNAN UKUM 7:3

Aleg muyuh ngaweh nedeh. Idi teh aleg nima' anak muyuh ngaweh nedeh.

BADA' RATNAN UKUM 7:4

Ngaceku ideh miak ngeraruh anak muyuh rat Negku, pad ideh maya' allah baken, idi pad Tuhan museh nemuyuh, idi ngaté nemuyuh denak-denak.

YUSAK 23:11

Idi ngaceku ineh nginita do'-do', pelé muyuh mawa inan Tuhan Allah muyuh.

1 YAHYA 2:9

Idé-idé luk mala bururneh bang acang, iamo' ieh megateh inan kinanakneh, ieh ineh bang dacem pad macing nekini.

LUN LUK NGUYUT 14:3

Iamo' kebala taman-tinanneh neneh, “Ngudeh iko pian ngalap awan rat nelun Pilistin luk na sinunat? Na metakapmu decur arang inulmu luk arang pupu tau?” Idi keburi' Samson inan tamanneh, “Ieh luk pianku lapenmu kuanku. Ieh luk inanku mawa.”

LUN LUK NGUYUT 3:6

Idi ideh nengaweh nedeh idi nesembayang inan allahdeh.