YUSAK 23:10 - BALA LUK DO'

¹⁰ Idi seburur muyuh miak ngerada' meribu bururdeh, ngaceku Tuhan Allah muyuh luk pebunu' kuan muyuh, maya' kudeng luk pangeh pijani'Neh kuan muyuh.

YUSAK 23:10 Iomraidhean Croise

SEMUIL LUK KEDUEH 23:8

Idi ini ngadan lun pebunu' Daud luk mebala: Yoseb Basebet lun Takemon luk lun rayeh “Teluh Burur.” Ieh teh mebala mayung ku busu, ngaceku ieh nemayung 800 burur bang sekua' lawé' iné' pebunu'.

INUL LUK PUN-PUN 5:20

Ideh merapet inan Allah idi nesembayang mutuh pedengan, idi Allah neninger sembayangdeh pad ideh metueh rat nelun Hagri idi nelun rurumdeh.

INUL LUK PUN-PUN 5:22

Iamo' mula' bunu'deh pinaté, ngaceku bunu' ini ratnan Allah. Idi inul Rubin, inul Gad, idi sebuang inul Manasé ineh tudo su inandeh ineh pad ideh tiban.

NANI UBUR 35:1

O Tuhan, do' metueh ratnan lemulun luk metueh rat negku, idi munu' lemulun luk munu' negku!

NANI UBUR 46:7

Tuhan luk Melalud idi dengan tau' Allah Yakub ineh libung tau!

PURA' 14:14

Tuhan luk pebunu' libal muyuh, idi muyuh ungeng mo'!”

YESAYA 30:17

Meribu muyuh miak buro kareb muyuh nier sebuleng lun luk munu', idi kudeng limeh burur lun luk munu' macing, amung muyuh miak buro. Sebuleng pana' nateh muyuh ketecan ratnan baweh muyuh, iamo' sebuleng diri bedéra mo' luk ketecan luun surud!

UKUM 26:7

Idi muyuh miak metueh ratnan bunu' muyuh.

UKUM 26:8

Idi limeh burur rat arang muyuh miak ngelaya' meratu. Idi meratu muyuh miak ngelaya' pulu' ngeribu.

SEKARIA 12:8

Kareb ineh Tuhan luk miak matar lemulun luk tudo déi' Yersualim, idi lemulun luk meluun laya' pana' miak mangun metueh mepad kudeng Daud. Inul Daud miak nguyut nedeh mepad kudeng Allah, ieh ineh mepad kudeng aceh melaikat Tuhan.

SURAT LUK BIRE PAULUS KUAN LUN RUM 8:31

Ngaceku ineh anunké luk belén tau nekini? Kudeng Allah ngedengan netau, idéké luk miak metueh rat netau?

BADA' RATNAN UKUM 20:3

kudeng ini balaneh, ‘Do' muyuh ninger, O lun Israil! Aco sini muyuh temina' amé' pebunu'.Aleg muyuh metalang niat. Aleg muyuh matot. Aleg megegker. Idi aleg muyuh merapang.

BADA' RATNAN UKUM 20:4

Ngaceku Tuhan Allah muyuh idi dengan muyuh, idi Ieh maré nemuyuh metueh.’

BADA' RATNAN UKUM 28:7

“Idi Tuhan Allah muyuh miak ngelaya' amung bunu' muyuh luk amé' pebunu' nemuyuh. Ideh macing nemuyuh maya' sebuleng dalan, idi dalan luk béndeh buro rat nemuyuh tudu'.

BADA' RATNAN UKUM 3:22

Aleg muyuh matot nedeh, ngaceku Tuhan Allah muyuh luk pebunu' ku libal muyuh.’

BADA' RATNAN UKUM 32:20

KebalaNeh, ‘Ui mapen kiungKu rat nedeh, idi nier kudeng apeh kekipeddeh, ngaceku ideh aceh inul luk naluk idi na lutep.

BADA' RATNAN UKUM 32:30

Ngudehké seburur ngerada' meribu burur, idi dueh burur ngusu pulu' ngeribu burur, kudeng na ideh pinasui Pegkung Batudeh ineh, idi kudeng na ideh tila' Tuhan?

YUSAK 10:42

Idi amung raca' idi amung bawang ineh teh linaya' Yusak bang lawé ineh mo, ngaceku Tuhan Allah lun Israil nepebunu' libal lun Israil.

YUSAK 23:11

Idi ngaceku ineh nginita do'-do', pelé muyuh mawa inan Tuhan Allah muyuh.

YUSAK 23:3

Idi muyuh pangeh nenier amung-amung luk pangeh inau' Tuhan Allah muyuh kuan amung pupu ni ngaceku muyuh. Idi Tuhan Allah muyuh teh luk pangeh nepebunu' ngaceku muyuh.

LUN LUK NGUYUT 15:15

Idi ieh nekali' aceh tulang ada keladai luk mebaruh luun tana' idi ieh nengalap ineh. Idi ieh nengatée 1,000 lemulun ku ineh.

LUN LUK NGUYUT 3:31

Idi lun nguyut luk muci rat ni Ehud, ieh ineh Samgar anak Anat, luk nengatée 600 burur lun Pilistin ku rukud lun ngasa' sapi'. Ieh pana' nemuit nelun Israil.

SEMUIL LUK PUN-PUN 14:6

Idi kebala Yonatan kuan anak adi' ineh, “Amé' kiteh pebunu' inan baweh lun Pilistin luk na manu ineh, pelé tau uen Tuhan ngedengan. Ngaceku Tuhan na susa' ngedengan nelun mula' idi lun pawa' pana'.”