YUSAK 23:1 - BALA LUK DO'

¹ Mio pangeh ineh, kareb Tuhan Allah pangeh nemaré kuan lun Israil pedo' ratnan amung bunu'deh pekelibut, idi Yusak pana' mengered.

YUSAK 23:1 Iomraidhean Croise

RACA'-RACA' LUK PUN-PUN 1:1

Kareb Raca' Daud pebala ngered, idi ideh nenarub neneh ku tuda'-tuda' pekatu kibung. Nateh ieh melau'.

INUL LUK PUN-PUN 23:25

Kebala Daud, “Tuhan Allah lun Israil pangeh nemaré do' udeng kuan pupuNeh. Idi Ieh teh miak tudo déi' Yerusalim macing ruked-ruked.

INUL LUK PUN-PUN 27:1

Ini ngadan lun rayeh-rayeh tetek ruma' lun rayeh inuldeh, idi lun rayeh-rayeh luk ngimet bawang. Idi tuda'-tuda' babpat pa liang imet lun rayeh bawehdeh pelibal-pelibal anid-anid bulan ruked lak. Idi anid-anid babpat ineh 24,000 burur.

INUL LUK KEDUEH 14:1

Idi Abia naté. Idi ieh tinanem bang tanem raca' déi' bang Bawang Daud, ieh ineh Yerusalim luk mon. Idi Asa anakneh mangun ku raca' libalneh. Idi kareb imet Raca' Asa, bawang Yahuda na inan bunu' pulu' lak kinioneh.

INUL LUK KEDUEH 14:5

Idi teh ieh nenala' rat bang bawang Yahuda amung su luk inan sembayang inan akang, idi bubpun su luk inan ngeseb umau luk do' buen. Ngaceku ineh bang imetneh bawang ineh na inan susa'.

INUL LUK KEDUEH 20:30

Idi imet Yosapat na inan susa' ngaceku Allah nemaré neneh pedo' dengan bunu'neh pekelibut bawangneh.

NANI UBUR 46:9

Ieh ngagka' bunu' aput-aput tana'; idi Ieh mutul amung gaman idi pelapet, idi ngeseb amung-amung utap!

YESAYA 63:14

Mepad kudeng sapi' kiuten amé' bang laman luk mebaleng, kudeng ineh teh Tuhan nengato erur pupuNeh. Idi Roh Tuhan nenguyut pupuNeh, pad Ieh nengacing ubur kuan ngadanNeh sebuleng.

BADA' RATNAN UKUM 31:2

Kebalaneh nedeh, “Nekini ulunku meratu dueh ngepulu' lak. Na ui miak ngimet nemuyuh, ngaceku bala Tuhan negku, ‘Na iko miak guta Abpa' Yarden ini.’

YUSAK 11:23

Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.

YUSAK 13:1

Idi Yusak pana' mengered peh. Idi kebala Tuhan neneh, “Iko pangeh mengered, idi mula' teh tana' ketecan luk miak lapen.

YUSAK 21:44

Idi Tuhan nemaré pedo' kuandeh aput bawang ineh, maya' kudeng luk pijani'Neh kuan tepundeh ineh. Idi ratnan amung bunu'deh seburur pana' nateh miak metueh rat nedeh. Amung bunu' ineh pangeh biré Tuhan bang paladdeh.

YUSAK 22:4

Idi nekini Tuhan Allah muyuh pangeh nemaré pedo' kuan amung kinanak muyuh, maya' kudeng amung bala Tuhan nedeh. Ngaceku ineh do' muyuh muli' nekini amé' lepo muyuh idi babpat muyuh luk pangeh biré Musa lun duken Tuhan ineh kuan muyuh dipar Abpa' Yarden.

SEMUIL LUK PUN-PUN 12:2

Idi nekini miak muyuh kiuten raca'. Nekini ui mengered, idi mebuda' abpuk. Idi anak deléiku luk dueh idi arang muyuh. Idi ui luk nenguyut memuyuh rat ui isuut macing aco sini.