YUSAK 22:5 - BALA LUK DO'

⁵ Iamo' nginita muyuh do'-do' bala idi ukum luk bida' Musa demulun Tuhan ineh kuan muyuh. Do' muyuh mawa inan Tuhan Allah muyuh, idi maya' pianNeh, idi nginita amung balaNeh, idi merapet inan Tuhan, idi ngakem kuanNeh dengan amung niat muyuh idi amung terawé muyuh.”

YUSAK 22:5 Iomraidhean Croise

NANI UBUR 106:3

Samal kuan lemulun luk maya' ukumNeh, idi megéi' nganau' luk matu!

NANI UBUR 78:7

Ratnan luk kudeng ineh ideh miak merapet inan Allah, idi na kelupan luk pangeh inau'Neh, iamo' megéi' maya' ukumNeh.

PURA' 15:26

KebalaNeh nedeh, “Kudeng matu-matu muyuh maya' balaKu idi nganau' luk matu pa kiungKu idi ngimet amung ukumKu, na Ui ngukum nemuyuh ku ét luk icingKu kuan lun Masir ineh. Ui ini Tuhan luk ngedo' ét muyuh.”

PURA' 20:6

Iamo' Ui ngegala' katuKu kuan ribu-ribu inul luk mawa Negku idi luk ngimet balaKu.

PURA' 23:13

“Ui ini Tuhan. Do' ninger amung balaKu. Aleg sembayang nan allah luk baken, idi aleg neten ngadandeh.

PURA' 23:25

Kudeng muyuh sembayang inan Tuhan Allah muyuh, idi Ui miak ngeperuan nemuyuh ku akan idi luk rupen muyuh. Idi Ui ngado amung ét rat arang muyuh.

BALE' 4:23

Matar terawému do'-do'. Ratnan terawému, ulunmu misu'.

YESAYA 55:2

Ngudehké iko makai usin ku luk na miak kenen, idi nala' tabparmu ku luk na ngebor batek? Do' ninger idi maya' balaKu, pad iko mebor ku akan luk meluun do'.

YEREMIA 12:16

Kudeng ideh mepicet maya' sembayang pupuKu, idi pebulung ratnan ngadan Tuhan luk mulun — mepad kudeng luk atun ideh nemada' pupuKu pebulung ratnan ngadan Baal — idi ideh miak mangun ku aceh babpat pupuKu idi ngalap peruan.

MATIUS 22:37

Idi Yésus nepebala neneh, “Do' iko mawa inan Tuhan Allahmu dengan amung niatmu, idi amung ulunmu, idi amung terawému.

MATIUS 4:10

Idi kebala Yésus neneh, “Buro iko, Sétan, ngaceku pangeh inayud bang Surat Allah, ‘Do' iko sembayang inan Tuhan Allahmu, idi maya' Neneh mo'.’ ”

MATIUS 6:24

“Na selemulun luk miak ngakem kuan dueh tuan' ngaceku na miak na seburur inanneh megateh idi luk baken ineh inanneh mawa, idi ieh lutep inan seburur idi megateh inan seburur. Muyuh na miak mangun ku demulun Allah, idi demulun binaweh tana' ini teh.

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 14:15

“Kudeng muyuh mawa Negku, do' maya' ukum-ukumKu.

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 27:23

Ngaceku malem ina aceh melaikat Allah luk inanku sembayang iné' negku,

SURAT LUK BIRE PAULUS KUAN LUN RUM 1:9

Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 12:9

Do' muyuh mawa dengan na siayu. Do' muyuh megateh inan luk dat, idi ngimet luk do'.

SURAT LUK BIRE PAULUS KUAN LUN RUM 8:28

Tau kali', idi amung-amung kekamen perurum ngacing luk do' kuan lemulun luk mawa inan Allah, ieh ineh kuan lemulun luk tinawar maya' pianNeh.

BADA' RATNAN UKUM 10:20

Do' muyuh matot inan Tuhan Allah muyuh idi sembayang Neneh idi lutep Neneh, idi pejani' ku ngadanNeh sebuleng mo'.

BADA' RATNAN UKUM 11:1

“Do' muyuh mawa inan Tuhan Allah muyuh, idi megéi' maya' amung ukumNeh.

BADA' RATNAN UKUM 11:13

“Do' muyuh maya' amung ukum luk bida'ku nemuyuh aco sini, pad muyuh mawa inan Tuhan Allah muyuh idi maya' Neneh dengan amung niat muyuh idi amung terawé muyuh teh,

BADA' RATNAN UKUM 11:22

“Matar do'-do' idi maya' amung ukum luk bida'ku kuan muyuh. Mawa inan Tuhan Allah muyuh, idi maya' amung dalanNeh, idi do' muyuh lutep Neneh.

BADA' RATNAN UKUM 13:4

Do' maya' Tuhan Allah muyuh, matot Neneh, nginita balaNeh, ninger uni tangNeh, idi lutep sembayang Neneh.

BADA' RATNAN UKUM 4:29

Idi bang bawang ineh muyuh miak nakap Tuhan Allah muyuh. Idi muyuh miak kali' Neneh, kudeng muyuh nakap Neneh dengan amung niat muyuh idi amung burur muyuh.

BADA' RATNAN UKUM 4:4

Iamo' amung muyuh luk lutep inan Tuhan Allah muyuh, mulun macing nekini.

BADA' RATNAN UKUM 4:6

Idi do' muyuh lutep maya' ukum ineh, ngaceku ieh ineh mangun ku ileh muyuh, pa kiung amung pupu. Kareb ideh ninger amung ukum ini, idi ideh miak pebala, ‘Pupu luk rayeh ini, ieh ineh aceh pupu luk mileh idi luk do' kali.’

BADA' RATNAN UKUM 4:9

Matar do'-do', idi aleg kelupan amung-amung luk pangeh sinier muyuh, pad amung ineh na mekelupan ruked ulun muyuh. Idi do' muyuh maré kali' kuan anak-anak muyuh idi kuan mupun-mupun muyuh,

BADA' RATNAN UKUM 5:10

Iamo' Ui ngegala' katuKu kuan ribu-ribu inul luk mawa Negku idi luk ngimet balaKu.

BADA' RATNAN UKUM 6:17

Do' muyuh megéi' maya' amung ukum luk biréNeh nemuyuh.

IBERANI 12:15

Matar do'-do' pad seburur pana' na teketed ratnan katu Allah. Matar do'-do', pad aceh “uat luk mepét” na mulun idi nganau' susa' kuan muyuh pad amung-amung lemulun uenneh ngelutak.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

YUSAK 23:8

Iamo' do' muyuh merapet inan Tuhan Allah muyuh, mepad kudeng luk pangeh inau' muyuh macing aco sini.

BALA LUK LINIO 15:3

Ideh menani ku nani Musa, demulun Allah ineh, idi nani Allah Dumba ineh teh, kenanideh, “Tuhan, Allah luk Melalud, kekamenMu rayeh idi inan mawa! O Raca' amung-amung pupu, amung dalanMu mesiri idi matu!

SEMUIL LUK PUN-PUN 12:20

Idi kebala Semuil, “Aleg muyuh matot. Sagan tu pana' muyuh pangeh nenganau' amung kekamen luk dat ini, aleg muyuh lemubed ratnan Tuhan. Iamo' do' muyuh sembayang nan Tuhan dengan amung niat muyuh.

SEMUIL LUK PUN-PUN 12:24

Do' muyuh matot inan Tuhan idi sembayang Neneh dengan amung niat muyuh. Do' muyuh ngerawé kudeng apeh rayeh kekamen luk pangeh inau'Neh kuan muyuh.

SEMUIL LUK PUN-PUN 7:3

Idi kebala Semuil nelun Israil, “Kudeng muyuh lumi inan Tuhan dengan maung niat muyuh, do' muyuh nala' amung akang pupu baken idi Asterot rat arang muyuh. Ngeligan burur muyuh kuan Tuhan, idi sembayang Neneh mo', pelé Ieh muit nemuyuh rat bang palad lun Pilistin.”