YUSAK 22:34 - BALA LUK DO'

³⁴ Idi lun Rubin idi lun Gad neneten bubpun ineh “Luk Maré Kali'”, ngaceku kebaladeh, “Ieh ineh aceh luk maré kali' arang tau ratnan Tuhan ineh, Allah.

YUSAK 22:34 Iomraidhean Croise

PUDUT 31:47

Idi Laban nenganau' ngadan bubpun batu ineh Yagar Saduta. Iamo' Yakub nenganau' ngadanneh Galid.

PUDUT 31:48

Idi kebala Laban ni Yakub, “Bubpun batu ini mangun ku aceh terawé arang kiteh.” Idi ngaceku ineh ngadan natad ineh Galid.

RACA'-RACA' LUK PUN-PUN 18:39

Kareb lun mula' ineh nenier luk kudeng ineh, idi ideh netekeradung luun tana', kebaladeh, “Tuhan Ieh ineh Allah! Tuhan Ieh ineh Allah!”

YESAYA 19:19

Kareb ineh teh, inan bubpun kuan Tuhan bang bawang Masir, idi aceh diri batu mangun ku terawé ratnan Tuhan déi' lakan tana' Masir.

YESAYA 43:10

“O lun Israil, muyuh ineh lun nekali' Negku, idi pupu luk pinili'Ku ku demulunKu, pelé muyuh ngiti Negku idi manu Negku, na luk idi atun, idi teh na luk idi muci.

MATIUS 4:10

Idi kebala Yésus neneh, “Buro iko, Sétan, ngaceku pangeh inayud bang Surat Allah, ‘Do' iko sembayang inan Tuhan Allahmu, idi maya' Neneh mo'.’ ”

YUSAK 22:27

iamo' pelé bubpun ineh ku aceh luk maré kali' arang kai nemuyuh idi arang anak mupun tau luk muci rat netau luk dueh babpat, idi kai teh miak sembayang nan Tuhan pa kiungNeh dengan baré luk sabpen kai, idi baré luk kereten kai, idi baré luk nguit pedo' kuan kai, pad anak muyuh na pebala kuan anak kai muci, “Muyuh na inan babpat dengan Tuhan.” ’

YUSAK 24:27

Idi kebala Yusak nelun mula' ineh, “Siruh! Batu ini mangun ku luk maré kali' kuan tau. Ngaceku batu ini pangeh neninger amung bala Tuhan luk bilaNeh netau. Ieh ini pana' miak mangun ku luk maré kali' kuan muyuh, pad muyuh na teketed ratnan Allah muyuh.”