YUSAK 22:28 - BALA LUK DO'

²⁸ Idi kudeng ini terawé kai, kudeng ayuneh bala ineh kuan kai muci, idi kuan anak mupun kai, idi kai miak ngor, ‘Nier muyuh ayu bubpun Tuhan ini, luk pangeh inau’ tepun kai. Baken ieh ku baré sabpen. Baken ieh ku baré kereten, iamo' ku aceh tanu' arang kai nemuyuh.’

YUSAK 22:28 Iomraidhean Croise

PUDUT 31:48

Idi kebala Laban ni Yakub, “Bubpun batu ini mangun ku aceh terawé arang kiteh.” Idi ngaceku ineh ngadan natad ineh Galid.

RACA'-RACA' LUK KEDUEH 16:10

Kareb Raca' Akas iné' Damsik papu' Raca' Tiglat Piliser, idi ieh nenier aceh bubpun. Idi ieh nemaré aceh pudut luk mepad ayu kudeng bubpun ineh dengan ayu repapehneh, kuan Imam Uria.

PURA' 25:40

Ngerawé do'-do', pad iko nganau' amung ineh maya' ayu luk pangeh bida' namu déi' luun pegkung ineh.

YESAYA 19:19

Kareb ineh teh, inan bubpun kuan Tuhan bang bawang Masir, idi aceh diri batu mangun ku terawé ratnan Tuhan déi' lakan tana' Masir.

IBERANI 8:5

Kekamendeh ineh pinginud idi lungung amung-amung luk déi' surga, mepad kudeng luk icuk allah ni Musa, kareb ieh netemina' nganau' Lepo ineh, kebalaNeh, “Ngerawé do'-do' pad iko nganau' amung-amung ineh maya' ayu luk pangeh bida' namu déi' luun pegkung ineh.

YUSAK 22:27

iamo' pelé bubpun ineh ku aceh luk maré kali' arang kai nemuyuh idi arang anak mupun tau luk muci rat netau luk dueh babpat, idi kai teh miak sembayang nan Tuhan pa kiungNeh dengan baré luk sabpen kai, idi baré luk kereten kai, idi baré luk nguit pedo' kuan kai, pad anak muyuh na pebala kuan anak kai muci, “Muyuh na inan babpat dengan Tuhan.” ’

YUSAK 22:29

Na tu-tu kai ngedat Tuhan, idi na kai lemubed ratnan Tuhan dengan nenganau' aceh bubpun ku baré sabpen, baré akan, idi baré kereten baken ratnan bubpun Tuhan Allah kai luk pa atun LepoNeh!”

YUSAK 24:27

Idi kebala Yusak nelun mula' ineh, “Siruh! Batu ini mangun ku luk maré kali' kuan tau. Ngaceku batu ini pangeh neninger amung bala Tuhan luk bilaNeh netau. Ieh ini pana' miak mangun ku luk maré kali' kuan muyuh, pad muyuh na teketed ratnan Allah muyuh.”