YUSAK 22:22 - BALA LUK DO'

²² “Idi Allah luk Melalud. Ieh ineh Tuhan! Idi Allah luk Melalud. Ieh ineh Tuhan! Ieh meluun kali'. Idi do' Israil pana' kali' teh. Kudeng kai ini bunu' Tuhan idi ngelaba ukumNeh, do' muyuh na méi' nekai.

YUSAK 22:22 Iomraidhean Croise

RACA'-RACA' LUK PUN-PUN 8:39

do' Iko ninger sembayangdeh. Ninger putuhdeh rat déi' surga su luk inanMu tudo ineh, idi maré do' ratnan sala'deh, idi nganau' luk petulu. Iko sebuleng kali' terawé amung lemulun. Do' Iko ngua' kuan anid-anid lemulun maya' kekamendeh,

AYUB 10:7

Iko kali' negku na mesala', idi seburur pana' nateh miak muit negku rat Namu.

AYUB 23:10

Iamo' Allah kali' anid su luk ulekku; kudeng Ieh nutun negku, Ieh kali' negku meligan.

AYUB 31:22

nima' ticu'ku uen mutul, idi nima' langenku uen mubput ratnan tudungku.

NANI UBUR 136:2

Maré ubur kuan Allah luk meluun rayeh ratnan amung-amung allah; idi awaNeh meruked.

NANI UBUR 37:6

Ieh nganau' sirimu merasat, mepad kudeng acang muned aco.

NANI UBUR 40:9

Ui nemada' bala luk do' ratnan Iko luk nengulun, O Tuhan, kuan pupuMu bang tebubpun luk rayeh, Iko kali' negku na ugka' mada' ineh.

NANI UBUR 44:21

Iko miak kali' ineh, ngaceku Iko kali' terawé lemulun.

NANI UBUR 44:22

Iamo' ngaceku Iko Allah, kai pitayen kidi-kidi; kai mepad kudeng dumba luk kereten.

NANI UBUR 50:1

Tuhan Allah luk Melalud pebala; Ieh nawar amung lemulun luk bang tana', rat pa busat aco macing pa acep aco.

NANI UBUR 82:1

Allah luk ngimet amung ukum bang surga. Ieh maré ukum arang lun rayeh-rayeh, kebalaNeh:

NANI UBUR 95:3

Ngaceku Tuhan ineh Allah Luk Melalud, idi raca' luk melalud pa luun amung-amung allah.

NANI UBUR 97:7

Amung lemulun luk sembayang inan akang miak migu'; amung allah baken tekeradung pa kiung Tuhan.

PURA' 18:11

Nekini ui kali' Tuhan meluun rayeh ratnan amung allah baken, ngaceku Ieh pangeh nemuit nelun Israil rat bang imet lun Masir, kareb lun Masir ineh megateh niat nedeh.”

YEREMIA 12:3

Iamo' Tuhan, Iko kali' negku, Iko nier kekamenku idi kali' ui mawa Namu. Do' nguit lemulun luk dat ini, mepad kudeng dumba luk kereten; matad nedeh pad macing aco luk inandeh kereten.

YEREMIA 17:10

Ui ini Tuhan nutun terawé idi niat lemulun. Ui ngukum anid burur lemulun maya' lawéneh idi luk ruenneh.”

DANIEL 11:36

“Raca' Siria miak nganau' anun-anun luk pianneh. Ieh miak pebala dengan medita' niat, kebalaneh, ieh meluun melalud ratnan amung-amung akang idi meluun rayeh ratnan Allah luk Meluun Rayeh. Ieh nganau' kudeng ineh pad ieh kumin Allah. Allah miak nganau' amung-amung luk pianNeh.

DANIEL 2:47

Idi kebala raca', “Allahmu ineh meluun rayeh ratnan amung-amung allah, idi Ieh luk Tuhan amung-amung raca', idi luk ngelio luk inalum, ngaceku iko luk miak ngelio luk inalum ineh.”

MIKA 7:9

Ui pangeh nenganau' sala' pa kiung Tuhan idi segageh mo' Ieh miak museh negku. Iamo' kekipedneh Ieh miak ngelibung negku, idi muit negku ratnan sala' luk inau' lun kuanku.

MALAKI 3:18

Kareb ineh muyuh miak nier luk mangun kuan lemulun luk matu idi kuan lemulun luk dat, idi kuan lemulun luk maya' Negku idi lemulun lu na maya'.”

YAHYA 21:17

Idi Ieh nengitun neneh luk keteluh kua', “O Simun, anak Yahya, mawaké iko Negku?” Idi Pétrus pana' mesusa', ngaceku pangeh teluh kua' Ieh nengitun neneh, “Mawaké iko Negku?” Idi keburi' Pétrus Neneh, “O Tuhan, Iko kali' amung-amung, idi Iko kali' idi ui mawa Namu.” Idi kebala Yésus neneh, “Do' iko maman dumba-dumbaKu.

KEKAMEN RASUL-RASUL 1:24

Idi ideh nesembayang, kesembayangdeh, “O Tuhan, Iko luk kali' niat amung-amung lemulun, do' mada' rat arang dueh burur ini, idéké luk pinili'Mu,

KEKAMEN RASUL-RASUL 25:11

Kudeng ui pangeh nengelaba ukum idi pangeh nenganau' anun-anun luk petulu dengan ukum maté, na ui ara' maté. Iamo' kudeng adu'deh na matu, idi seburur pana' nateh luk miak maré negku kuandeh. Ui pian amé' matun besara' raca' Rum.”

2 KORINTUS 11:11

Ngudeh ui pebala kudeng ini? Kian, ngaceku ui na mawa nemuyuh lek? Allah kali' negku mawa nemuyuh.

2 KORINTUS 11:31

Idi Allah, ieh ineh Taman Tuhan Yésus luk buren ruked-ruked, kali' negku na mebalih.

2 KORINTUS 5:11

Kai kali' ilungneh matot nan Tuhan. Ini punneh kai ngubuk lemulun. Allah kali' dengan meriput luk bang niat kai. Kudeng ineh teh ui merapet nemuyuh pana' kali' luk bang niatku.

BADA' RATNAN UKUM 10:17

Tuhan Allah muyuh ineh Allah pa luun amung allah, idi pa luun amung lalud. Ieh ineh luk meluun rayeh, idi melalud. Idi teh Ieh luk buren. Ieh na mili' lemulun, idi na ngalap suap.

1 TIMOTIUS 6:16

Ieh sebuleng mo' na miak maté. Ieh tudo bang acang luk na miak mesier, luk na tu-tu sinier idi luk na miak siren seburur lemulun. Amung-amung ubur idi lalud kuanNeh, ruked-ruked! Amin.

IBERANI 4:13

Na luk idi anun-anun luk uen ngelinged kuan Allah. Iamo' amung-amung pudut megala' idi mukab pa kiungNeh. Idi tau maré or kuanNeh ratnan kekamen tau.

YUSAK 22:21

Idi inul Rubin, inul Gad, idi sebuang inul Manasé nengor bala lun rayeh Israil kudeng ini,

BALA LUK LINIO 19:16

Idi luun kuyuh'Neh idi tipanNeh pangeh inayud aceh ngadan, ieh ineh, “Raca' pa luun amung-amung raca' idi Tuhan pa luun amung-amung tuan.”

BALA LUK LINIO 2:23

Idi Ui miak ngaté anak itinneh ku luk kadan, pad amung-amung sidang kali' ratnan Ui ini kali' terawé idi lili lemulun, idi Ui miak ngua' kuan muyuh maya' kekamen muyuh.

SEMUIL LUK PUN-PUN 15:23

Ngaceku tueh na maya' bada'Neh mepad kudeng sala' mangun, idi dita' niat mepad kudeng sembayang inan akang. Idi ngaceku iko pangeh nengarung bala Tuhan, Tuhan pangeh nengarung namu pelé na iko ku raca' peh.”

SEMUIL LUK PUN-PUN 2:3

Aleg muyuh mesido' niat, pad muyuh pebala dengan medita' niat. Ngaceku Tuhan ineh Allah luk kali', idi Ieh nutun amung kekamen lemulun.