YUSAK 22:16 - BALA LUK DO'

¹⁶ “Kudeng ini bala amung pupu Tuhan, ‘Ngudehké muyuh nenganau' kekamen luk dat ini idi nengedat Allah lun Israil. Idi nekini muyuh pangeh nelemubed ratnan Tuhan, idi nemudut aceh bubpun kuan muyuh, pad aco sini pana' muyuh pangeh mangun, ku bunu' Tuhan?

YUSAK 22:16 Iomraidhean Croise

ESRA 8:22

Ngaceku ui migu' mutuh inan raca' aceh baweh idi lun luk maya' kuda, pad ideh miak matar nekai ratnan amung bunu' arang dalan, ngaceku kebala kai inan raca', “Idi Allah kai, ngeperuan amung lemulun luk merapet Neneh, iamo' Ieh pelaba useh nelun luk teketed rat Neneh.”

UKUM 17:8

“Idé-idé rat arang lun Israil idi rat arang amung lun sakai luk mudeng arang muyuh, kareb ideh maré aceh baré sabpen kian baré kereten lek,

IAP 32:15

Kudeng muyuh lemubed ratnan Tuhan, kali' rungen Ieh nima' pupu ini mio déi' su luk ali-ali. Idi muyuh luk ngacing susa' kuan pupu ini.”

BADA' RATNAN UKUM 12:11

Idi do' muyuh nguit amung luk pangeh bida'ku nemuyuh amé' su luk pilin Tuhan Allah muyuh, pad Ieh miak ngeletep ngadanNeh su ineh, do' baré muyuh luk sabpen, baré muyuh luk kereten, babpat pulu', baré luk iten muyuh, idi amung binaweh luk do', idi baré luk pijani' muyuh inan Tuhan.

YUSAK 22:11

Idi lun Israil luk baken neninger bala, “Siruh! Lun inul Rubin, inul Gad, idi sebuang inul Manasé pangeh nemudut aceh bubpun déi' Gelilot muneng ku lakan tana Kanaan tangeb Abpa' Yarden, bang babpat tau.”

YUSAK 22:15

Idi ideh nacing nan inul Rubin, inul Gad, idi sebuang inul Manasé déi' tana' Giliad. Idi kebaladeh nedeh,

SEMUIL LUK PUN-PUN 15:11

“Ui nginuud ngaceku i Saul pangeh kinikitKu ku raca'. Ngaceku ieh nelemubed rat Negku, idi na maya' balaKu.” Idi Semuil pelaba susa' niat. Idi ieh nengitang nawar Tuhan kedangan-kedangan ineh.