YUSAK 22:15 - BALA LUK DO'

¹⁵ Idi ideh nacing nan inul Rubin, inul Gad, idi sebuang inul Manasé déi' tana' Giliad. Idi kebaladeh nedeh,

YUSAK 22:15 Iomraidhean Croise

INUL LUK PUN-PUN 21:3

Idi kebala Yoab, “Do' Tuhan ngula' amung pupuNeh meratu kua', O raca', naké amungdeh ineh lun dukenmu? Iamo' ngudehké iko pian ku dalan luk kudeng ini? Anun punmu nguit nelun Israil mesala'?”

INUL LUK KEDUEH 10:19

Rat kareb ineh amung pupu rat pa tinueh busat aco imet Israil na maya' inul Daud.

INUL LUK KEDUEH 25:27

Rat kareb Amasia nelemubed ratnan Tuhan, idi lun Yerusalim neperurum sikal ngaté neneh. Idi ieh neburo iné' déi' Lakis, idi ideh nengecuk nelun ngerada' neneh macing déi' Lakis. Idi ideh nengaté neneh déi'.

INUL LUK KEDUEH 26:18

Idi ideh nemebpeng Raca' Usia, kebaladeh neneh, “O Usia na iko miak ngeseb umau luk do' buen kuan Tuhan, iamo' amung imam, luk inul Arun mo' luk pangeh linigan miak ngeseb umau ineh. Remuat iko rat bang su luk meligan ini, ngaceku iko pangeh nenganau' sala pa kiung Tuhan Allah pad na Ieh ngerayeh namu teh.”

INUL LUK KEDUEH 28:13

Idi kebaladeh nedeh, “Aleg muyuh nguit amé' tungé' lun luk tiban ineh, ngaceku ineh mangun ku sala' tau pa kung Tuhan, pad sala' idi dat tau pelaba ula'. Idi nekini pana' Tuhan museh nelun Israil ngaceku sala' tau.”

ESRA 9:15

O Tuhan Allah lun Israil, Iko meluun mesiri. Iamo' Iko pangeh nemuit nekai. Kai ngamo sala' kai pa kiungMu. Kai na mayu amé' pa kiungMu.”

ESRA 9:2

Lun Yahudi pangeh nengalap decur pupu ineh ku awandeh, pad pupu Allah na meligan. Idi lun rayeh-rayeh pana' meluun sala'.”

NANI UBUR 78:8

Pad ideh na kudeng tepundeh, idi kudeng lemulun luk ngilang idi luk na maya', idi rapetdeh inan Allah na meraben, idi na lutep maya' Neneh.

PURA' 32:8

Nekini ideh pangeh lemubed ratnan luk pangeh bilaKu nedeh. Ideh pangeh nenganau' aceh anak sapi' luk inurai idi ideh sembayang neneh, idi ideh maré luk sabpen kuanneh, kebaladeh, ‘O lun Israil, ini allah muyuh luk pangeh nenguit nemuyuh remuat rat bang bawang Masir!’ ”

YESAYA 63:10

iamo' ideh sikal metueh rat Neneh, pad RohNeh luk meligan pelaba susa' niat; pad Tuhan mangun ku bunu'deh idi nemunu' nedeh.

UKUM 26:40

“Idi kudeng ideh ngamo amung sala'deh idi sala' tepundeh pana', ngaceku ideh na maya' Negku idi sikal metueh rat Negku,

UKUM 5:19

Ieh ineh baré luk pingetap ngaceku sala' luk inau'neh pa kiung Tuhan.”

IAP 14:43

Ngaceku lun Amalek idi lun Kanaani idi pa atun muyuh. Idi muyuh miak pitayendeh, ngaceku Tuhan na idi dengan muyuh. Ngaceku muyuh pangeh neteketed ratnan Tuhan.”

IAP 32:15

Kudeng muyuh lemubed ratnan Tuhan, kali' rungen Ieh nima' pupu ini mio déi' su luk ali-ali. Idi muyuh luk ngacing susa' kuan pupu ini.”

IAP 5:6

“Do' mada' kuan lun Israil, kudeng idé-idé luk nganau' sala' pa kiung lun denganneh, pad ieh na lutep maya' Tuhan,

MATIUS 18:17

Kudeng ieh ara' ninger nedeh, do' iko mada' kuan lun sidang; idi kudeng ieh ara' ninger lun sidang teh, nima' neneh mangun mepad kudeng lun pupu baken idi mepad kudeng lemulun luk ngamung usin pupuk.

1 KORINTUS 1:10

O kinanak-kinanakku, ui mutuh nemuyuh dengan ngadan Tuhan tau Yésus Keristus, pad muyuh amung-amung sebuleng niat ratnan luk belén muyuh, pad na patad. Iamo' do' muyuh mangun ku aceh rurum, dengan sebuleng terawé idi sebuleng niat.

1 KORINTUS 5:4

Kareb tau mepamung bang roh, ieh ineh muyuh pad-pad denganku dengan lalud Yésus Tuhan tau,

BADA' RATNAN UKUM 30:17

Iamo' kudeng iko lemubed, idi na ninger, iamo' iko buken, pad iko tekeradung sembayang inan allah baken,

BADA' RATNAN UKUM 7:4

Ngaceku ideh miak ngeraruh anak muyuh rat Negku, pad ideh maya' allah baken, idi pad Tuhan museh nemuyuh, idi ngaté nemuyuh denak-denak.

IBERANI 12:25

Matar do'-do', aleg muyuh ngarung Neneh luk pebala ineh. Lemulun luk nengarung Neneh luk nepebala bang tana' ini, na nepuit. Meluun teh tau ini na mepuit kudeng tau lumi rat Neneh luk pebala rat surga.

YUSAK 22:12

Kareb lun Israil neninger bala ineh, idi amungdeh nepamung déi' Silo, pian amé' munu' nedeh.

YUSAK 22:14

Idi teh pulu' lun rayeh maya' neneh, seburur rat anid-anid pupu lun Israil. Amungdeh ineh lun rayeh ruma' pupudeh.

YUSAK 22:16

“Kudeng ini bala amung pupu Tuhan, ‘Ngudehké muyuh nenganau' kekamen luk dat ini idi nengedat Allah lun Israil. Idi nekini muyuh pangeh nelemubed ratnan Tuhan, idi nemudut aceh bubpun kuan muyuh, pad aco sini pana' muyuh pangeh mangun, ku bunu' Tuhan?

YUSAK 22:18

Pianké muyuh lemubed ratnan Tuhan? Kudeng muyuh nekini mangun ku bunu' Tuhan, kali' rungen pekak nebpa usehNeh mebura' kuan amung lun Israil.

SEMUIL LUK PUN-PUN 15:23

Ngaceku tueh na maya' bada'Neh mepad kudeng sala' mangun, idi dita' niat mepad kudeng sembayang inan akang. Idi ngaceku iko pangeh nengarung bala Tuhan, Tuhan pangeh nengarung namu pelé na iko ku raca' peh.”