YUSAK 21:44 - BALA LUK DO'

⁴⁴ Idi Tuhan nemaré pedo' kuandeh aput bawang ineh, maya' kudeng luk pijani'Neh kuan tepundeh ineh. Idi ratnan amung bunu'deh seburur pana' nateh miak metueh rat nedeh. Amung bunu' ineh pangeh biré Tuhan bang paladdeh.

YUSAK 21:44 Iomraidhean Croise

INUL LUK KEDUEH 13:16

pad lun Israil neburo rat pa kiung lun Yahuda. Idi Allah nemaré nedeh bang paladdeh.

PURA' 23:31

Ui nganau' lakan bawangmu rat Abpa' Pisui macing Abpa' Pirat, idi rat Abpa' Rayeh macing su luk ali-ali. Ui maré lun bang bawang ineh bang imetmu, pad iko ngusu nedeh rat pa kiungmu.

PURA' 33:14

Idi kebala Tuhan, “Ui sebuleng ngedengan namu pad maré namu metueh.”

YESAYA 63:14

Mepad kudeng sapi' kiuten amé' bang laman luk mebaleng, kudeng ineh teh Tuhan nengato erur pupuNeh. Idi Roh Tuhan nenguyut pupuNeh, pad Ieh nengacing ubur kuan ngadanNeh sebuleng.

BADA' RATNAN UKUM 2:36

Rat Arur luk i tangeb Arur Arnon, idi rat bawang luk i tangeb arur ineh suet déi' Giliad, sebuleng bawang pana' nateh luk na linaya' tau, ngaceku Tuhan Allah tau nemaré amung ineh kuan tau.

BADA' RATNAN UKUM 21:10

“Kareb muyuh amé' pebunu', idi Tuhan maré bunu' muyuh bang palad muyuh, idi muyuh nguit rat nedeh tuda'-tuda' lun tebanen,

IBERANI 4:9

Kudeng pieh kudeng ineh, kali' rungen pangeh litep aceh kareb luk inan ucu' kuan pupu Allah.

YUSAK 1:13

“Ngerawé muyuh bala luk biré Musa lun duken Tuhan ineh kuan muyuh, kebalaneh, ‘Tuhan Allah muyuh maré tana' ini inan muyuh ucu'.’

YUSAK 1:15

pelé Tuhan maré tana' inan kinanak muyuh ucu' mepad kudeng muyuh. Pangeh ineh do' muyuh lemubed amé' nan babpat tana' muyuh luk biré Musa lun duken Tuhan ineh nemuyuh, tungé' pa busat aco Abpa' Yarden.”

YUSAK 1:5

Seburur pana' nateh luk miak ngelaya' namu, ruked ulunmu. Mepad kudeng Ui idi dengan Musa, kudeng ineh teh Ui miak ngedengan namu. Na ui miak necan namu.

YUSAK 11:12

Idi amung bawang raca'-raca' ineh ilap Yusak. Idi amung raca'deh pana' tibanneh. Idi ieh nengaté nedeh maya' kudeng luk bila Musa demulun Tuhan ineh.

YUSAK 11:23

Idi amung bawang ineh linaya' Yusak, maya' kudeng luk icuk Tuhan ni Musa. Idi Yusak nemaré tana' ineh kuan lun Israil mangun ku babpatdeh maya' inul pupudeh. Idi ideh nugka pebunu' peh.

YUSAK 11:8

Idi Tuhan nemaré nedeh bang palad lun Israil. Idi ideh nengelaya' idi nengerada' nedeh macing déi' Sidon, idi Misrepot Maim pa busat aco, idi déi' Mispa pana'. Idi ideh nepebunu' nedeh, pad seburur pana' nateh luk mulun.

YUSAK 2:24

Kebala didueh ni Yusak, “Kali' rungen Tuhan pangeh nemaré amung tana' ini bang palad tau. Ngaceku niat amung lun bang bawang ineh megagau, ngaceku matot netau.”

YUSAK 22:4

Idi nekini Tuhan Allah muyuh pangeh nemaré pedo' kuan amung kinanak muyuh, maya' kudeng amung bala Tuhan nedeh. Ngaceku ineh do' muyuh muli' nekini amé' lepo muyuh idi babpat muyuh luk pangeh biré Musa lun duken Tuhan ineh kuan muyuh dipar Abpa' Yarden.

YUSAK 22:9

Idi amung inul Rubin nuli' idi inul Gad idi sebuang inul Manasé. Idi ideh nenecan nelun Israil déi' Silo luk tana' Kanaan idi nuli' tana' Giliad, ieh ineh tana' luk pangeh biré nedeh, maya' kudeng bala Tuhan ni Musa.

YUSAK 23:1

Mio pangeh ineh, kareb Tuhan Allah pangeh nemaré kuan lun Israil pedo' ratnan amung bunu'deh pekelibut, idi Yusak pana' mengered.