YUSAK 21:43 - BALA LUK DO'

⁴³ Kudeng ineh ayu Tuhan maré kuan Israil amung tana' luk pangeh pijani'Neh kuan tepundeh ineh, idi ideh pana' nengalap ineh idi tebawang su ineh.

YUSAK 21:43 Iomraidhean Croise

PUDUT 12:7

Idi Tuhan nesilagan ni Abram, kebalaNeh, “Ui maré tana' ini kuan inulmu.” Idi su ineh Abram nemudut aceh bubpun kuan Tuhan luk pangeh nesilagan neneh.

PUDUT 13:15

Ngaceku amung-amung tana' luk sirenmu ineh, Ui maré namu, idi nan inulmu macing ruked-ruked.

PUDUT 28:4

Do' Ieh ngeperuan namu idi inulmu mepad kudeng Ieh nengeperuan ni Ibrahim, pad iko ngimet tana' ini luk inanmu tudo luk pangeh biré Allah kuan Ibrahim!”

INUL LUK KEDUEH 20:8

Idi ideh pangeh netudo bang bawang ini. Idi ideh pangeh nenganau' aceh Ruma' su luk inanMu buren, idi ideh nekali',

NEHEMIA 9:24

Ideh nengalap tana' Kanaan, idi nengelaya' pupu bawang ineh. Iko nemaré lalud kuan pupuMu, pad ideh nenganau' luk piandeh kuan pupu idi raca' bawang Kanaan.

NEHEMIA 9:8

Iko kali' neneh lutep maya' Namu. Iko nenganau' aceh jani' kuanneh. Iko nepejani' maré kuanneh tana' Kanaan, tana' Hiti idi Amori, tana' Prisi, Yebusi, idi Girgasi mangun ku bawang inulneh. Idi Iko lutep maya' jani'Mu.

NANI UBUR 105:8

Ieh miak nginita jani'Neh kuan meribu inul, macing ruked-ruked,

NANI UBUR 44:3

Na ideh nengaro bawang ineh ku pelapetdeh, idi na nengalap neneh dengan tuehdeh sebuleng, iamo' dengan lalud idi tuehMu, idi ngaceku ideh kali' pedengan idi awaMu nedeh.

NANI UBUR 78:55

Ieh nengusu lun luk bang bawang ineh, kareb pupuNeh nacing; Ieh nemabpat tana' ineh kuan amung pupu lun Israil, idi nenima' nedeh tebawang déi'.

PURA' 3:8

Idi Ui pangeh netemurun pad muit nedeh ratnan imet lun Masir, pelé Ui nguit nedeh remuat rat bang bawang ineh amé' nan aceh bawang luk rayeh, ieh ineh aceh tana' luk mebaleng, su luk inan lun Kanaani, lun Hiti, lun Amori, lun Prisi, lun Hiwi, idi lun Yebusi.

YEREMIA 32:23

Iamo' kareb ideh nesemuet bang bawang ini idi nengalap neneh ku babpatdeh, idi na ideh nemaya' amung ukumMu idi bada'Mu. Na ideh nenganau' anun-anun luk icukMu nedeh. Ngaceku ineh Iko nengacing amung dereh ini kuandeh.

IAP 33:53

Idi do' muyuh ngalap tana' ineh idi tudo déi'. Ngaceku tana' ineh pangeh biréKu nemuyuh.

IAP 34:2

“Do' mada' nelun Israil: Kareb muyuh semuet bang bawang Kanaan, do' ngeletep lakan tana' muyuh kudeng ini.

BADA' RATNAN UKUM 11:31

Nekini muyuh miak amé' guta Abpa' Yarden idi tebawang luun tana' luk barén Tuhan Allah nemuyuh. Idi kareb muyuh ngalap tana' ineh idi tudo ieneh,

BADA' RATNAN UKUM 12:29

“Tuhan Allah muyuh miak ngelaya' amung pupu ineh kareb muyuh ngerieng bawangdeh, idi muyuh miak tebawang su ineh.

BADA' RATNAN UKUM 17:14

“Idi kareb muyuh semuet bang bawang luk barén Tuhan Allah nemuyuh, idi tebawang su ineh, idi muyuh sikal ngikit aceh raca' pa luun muyuh, mepad kudeng amung pupu luk tudo libut-libut muyuh;

BADA' RATNAN UKUM 34:4

Idi kebala Tuhan ni Musa, “Ini tana' luk pangeh pijani'Ku kuan Ibrahim, Isak, idi Yakub, kebalaKu, ‘Ui pian maré ineh kuan inulmu.’ Idi Ui maré namu nier ineh ku matehmu. Iamo' na iko miak guta amé' déi'.”

YUSAK 1:6

Do' iko metueh idi mekuu', ngaceku iko miak nguyut pupu ini ngalap tana' ini luk pangeh pijani'Ku kuan tepundeh.

YUSAK 21:42

Idi anid-anid bawang ineh inan laman pekelibut.

LUN LUK NGUYUT 11:24

Iko miak ngimet tana' luk birée Kemos, luk allahmu ineh. Iamo' kai miak ngimet tana' luk ilap Tuhan Allah kai kuan kai.

SEMUIL LUK PUN-PUN 12:8

Kareb Yakub dengan amung uang tetek ruma'neh iné' déi' Masir idi lun Masir nengedereh nedeh, idi tepun muyuh nengitang mutuh pedengan ratnan Tuhan pad Ieh nengecuk ni Musa idi Arun luk nenguit nedeh remuat rat bang bawang Masir, pad ideh tudo bang bawang ini.