YUSAK 2:6 - BALA LUK DO'

⁶ (Iamo' decur ineh pangeh nengecuk nedidueh umak amé' luun apo ruma'neh, idi ieh pangeh nengapung nedidueh pa liang nuper pu luk pangeh rirengneh pa luun apo ineh.)

YUSAK 2:6 Iomraidhean Croise

SEMUIL LUK KEDUEH 11:2

Idi aceh alem Daud netumui rat su inanneh rudap idi iné' luun apo ruma'neh, idi ieh nenier rat déi' inan aceh decur uned diu'. Idi decur ineh do' taga.

SEMUIL LUK KEDUEH 17:19

Idi decur ineh nengalap kakebneh idi nengakeb munung subuk ineh. Idi ieh nengakar padé luk uenneh midang, pad seburur pana' na miak kali' nedidueh bang ineh.

RACA'-RACA' LUK PUN-PUN 18:13

Naké iko nekali' ratnan luk pangeh inau'ku kareb Isabel nengaté amung nabi Tuhan. Ngaceku ui nengapung meratu burur nabi Tuhan ineh, limeh ngepulu' burur bang aceh lubang batu. Idi ui nemaman nedeh ku ruti idi abpa'.

RACA'-RACA' LUK PUN-PUN 18:4

idi kareb Isabel nengaté amung nabi Tuhan, idi Obadia nengalap meratu lun nabi, idi ieh nengapung nedeh ineh, limeh ngepulu' burur bang aceh lubang batu. Idi ieh nemaman nedeh ineh ku ruti idi abpa'.)

RACA'-RACA' LUK KEDUEH 11:2

Iamo' Yoseba, anak decur Raca' Yoram, kinanak Ahasia ineh nengalap ni Yuas Ahasia, idi nenguit neneh lulem rat arang amung anak raca' luk pitayen. Idi ieh nenganau' neneh bang takep luk inan rudap dengan decur luk ngasa' neneh. Idi ieh nengapung neneh rat ni Atalia pad ieh na pitayen.

PURA' 2:2

Idi decur ineh mali' idi ieh nenganak aceh anak deléi. Kareb ieh nenier anak ineh do', idi ieh nengapung neneh teluh bulan kinioneh.

YEREMIA 36:26

Idi ieh nengecuk Yeramil, seburur anak raca', idi Seraya Asriel, idi Selemia Abdil amé' ngakem Nabi Yeremia idi Baruk lun luk ngayud ineh. Iamo' Tuhan pangeh nengapung nedidueh.

MATIUS 24:17

Aleg lemulun luk luun buduk ruma' temurun ngalap anun-anun binaweh rat bang ruma'neh.

BADA' RATNAN UKUM 22:8

“Idi kareb muyuh mudut ruma' luk mebaruh, do' muyuh nganau' libung luunneh, pad muyuh na mabeh sala', kudeng ayuneh seburur mekesiad idi mebpeh rat i dita', pad ieh maté.

KOLOSE 3:3

Ngaceku muyuh pangeh naté, idi ulun muyuh inapung dengan Keristus bang Allah.

IBERANI 11:23

Ratnan anu teh taman-tinan Musa nengapung neneh teluh bulan kinioneh, kareb ieh pangeh tinganak, ngaceku didueh nenier anak ineh do' taga, idi na didueh matot ku ukum raca'.

YAKUB 2:25

Kudeng ineh teh Rahab seburur decur luk mesawa' ineh pana'. Ieh inau' matu ngaceku ratnan kekamenneh, ratnan ieh nenganak idi nengecuk lemulun luk duken rumuat maya' dalan luk baken?

YUSAK 2:5

Idi kareb nateh lun nemalin tanga' bawang idi aco pana' medacem idi didueh neremuat. Na ui kali' iné' iapeh didueh. Do' muyuh mesaget ngerada' nedidueh pelé muyuh ngigket nedidueh.”

YUSAK 2:7

Kareb ideh luk ngerada' ineh neremuat, idi ideh nemalin tanga' bawang ineh. Idi ideh iné' ngerada' nedidueh maya' dalan luk guta Abpa' Yarden.

YUSAK 2:8

Idi Kareb nateh didueh nerudap, idi decur ineh numak iné' luun apo.

YUSAK 6:25

Iamo' Yusak nengulun Rahab decur luk mesawa' ineh, idi amung lun bang tetek ruma'neh, idi amung-amung luk ieh kuan. Idi ideh tudo arang uned lun Israil macing aco sini, ngaceku ieh nengapung dueh lun luk pangeh icuk Yusak iné' nier bawang yeriko.