YUSAK 2:24 - BALA LUK DO'

²⁴ Kebala didueh ni Yusak, “Kali' rungen Tuhan pangeh nemaré amung tana' ini bang palad tau. Ngaceku niat amung lun bang bawang ineh megagau, ngaceku matot netau.”

YUSAK 2:24 Iomraidhean Croise

PURA' 15:15

Idi lun rayeh-rayeh Edom matot; idi lun rayeh-rayeh Moab pana' megegker; idi lun Kanaani pana' na mekuu' peh.

PURA' 23:31

Ui nganau' lakan bawangmu rat Abpa' Pisui macing Abpa' Pirat, idi rat Abpa' Rayeh macing su luk ali-ali. Ui maré lun bang bawang ineh bang imetmu, pad iko ngusu nedeh rat pa kiungmu.

BALE' 25:13

Lun duken luk inan merapet ngawang niat lemulun luk ngecuk neneh, mepad kudeng abpa' luk meteneb kareb ngeranih.

YUSAK 1:8

Aleg tu-tu iko kelupan surat Ukum ini, iamo' maca' ineh kareb macang idi medacem, pelé iko mekél maya' amung luk inayud bang ineh. Ngaceku kudeng ineh iko uen ngeperuan.

YUSAK 2:23

Idi didueh nelemubed ratnan pegkung ineh idi neguta Abpa' Yarden, idi nacing ni Yusak. Idi didueh nemada' amung luk pangeh nangun.

YUSAK 5:1

Amung raca' lun Amori luk pa acep aco déi' Abpa' Yarden, idi amung raca' lun Kanaan luk tangeb Abpa' Rayeh nekali' bala Tuhan pangeh nengeket Abpa' Yarden pa kiung amung lun Israil, pad lun Israil neguta. Idi ideh matot idi na mekuu' ngaceku lun Israil.

YUSAK 6:2

Idi kebala Tuhan ni Yusak, “Kali' rungen Ui maré bawang Yeriko ini perapu ku raca'neh idi amung lun luk mesangit kuanmu.

YUSAK 8:1

Kebala Tuhan ni Yusak, “Aleg iko matot, idi aleg megegker, lapenmu amung lun pebunu' idi nalan amé' bawang Ai. Ui maré raca' Ai idi amung anak itinneh, bawangneh, idi tana'neh kuanmu.

LUN LUK NGUYUT 1:2

Idi kebala Tuhan, “Do' pupu Yahuda nalan atun, idi Ui miak marée bawang ineh bang paladdeh.”

LUN LUK NGUYUT 18:10

Kareb muyuh amée', muyuh miak kali' lemulun ineh na ngerawée ratnan bunu'. Idi bawangdeh ineh rayeh. Idi ideh miak ngalap anun-anun luk pian lun, idi Allah pangeh nemarée ineh nemuyuh.”

LUN LUK NGUYUT 7:9

Idi bang dacem ineh teh kebala Tuhan ni Gidion, “Tumui iko, idi amée' ngerieng baweh ineh. Ngaceku Ui pangeh nemarée nedeh bang paladmu.