YUSAK 2:14 - BALA LUK DO'

¹⁴ Idi kebala didueh neneh, “Kai temina' maté kuanmu! Kudeng iko na mada' lawé kai dueh ini, kali' rungen kai maya' jani' kai kareb Tuhan maré bawang ini kuan kai.”

YUSAK 2:14 Iomraidhean Croise

PUDUT 24:49

Idi nekini, kudeng iko sikal nganau' luk do' idi luk matu pa kiung tuanku, do' mada' negku; kudeng na miak, do' mada' negku teh; pad ui kali' anun luk petulu ruenku.”

PUDUT 47:29

Karebneh lélé maté, idi ieh nenawar anakneh Yusup, kebalaneh neneh, “Do' iko ngerareng ticu'mu pa liang tipanku, idi pejani' negku, pad iko na nanem negku bang bawang Masir.

SEMUIL LUK KEDUEH 2:5

idi ieh nengecuk nelun duken nguit bala kuandeh, kebaladeh nedeh, “Samal kuan muyuh ratnan Tuhan, ngaceku muyuh pangeh lutep ngakem kuan tuan muyuh, ieh ineh kuan Saul pad muyuh nenanem neneh.

SEMUIL LUK KEDUEH 2:6

Idi nekini pana' do' Tuhan ngeperuan idi méi' nemuyuh teh! Idi teh ui miak méi' nemuyuh ngaceku luk inau' muyuh.

SEMUIL LUK KEDUEH 9:1

Idi Daud nengitun, kebalaneh, “Inanké lun neketecan rat bang tetek ruma' Saul, pelé ui miak méi neneh ngaceku Yonatan?”.

RACA'-RACA' LUK PUN-PUN 20:39

Idi kareb raca' nelemaba, idi nabi ineh nengitang nawar neneh, kebalaneh, “Ui ini pangeh iné' arang uned bunu'. Idi seburur lun pebunu' nenguit seburur lemulun iné' negku, kebalaneh, ‘Do' iko nginita lun ini. Idi kudeng ieh buro, kali' rungen niatmu miak ku libal niatneh, kudeng iko na maré kuanku 3,000 balad pirak.’

BALE' 14:22

Iko miak inan merapet idi buren lun baken, kudeng iko ngakem ngacing luk do'. Kudeng iko ngakem ngacing luk dat iko mesala'.

BALE' 18:24

Inan lemulun luk siayu mangun ku rurum. Iamo' inan rurum luk meluun lutep ratnan kinanakmu sebuleng.

MATIUS 5:7

“Samal kuan lemulun luk méi' nelun baken, ngaceku Allah miak méi' nedeh.

KEKAMEN RASUL-RASUL 23:22

Idi kebala lun rayeh baweh ineh, “Aleg mada' nelun baken ratnan iko pangeh nengelio bala ini kuanku.” Idi ieh nengecuk anak adi' ineh muli'.

YUSAK 2:13

Do' ngulun taman-tinanku, idi kinanak-kinanakku, idi amung uang tetek ruma'deh! Aleg nima' nekai pitayen!”

YUSAK 2:15

Idi ieh nengurur nedidueh ku kalat rat bang gisumen ruma'neh, ngaceku ruma' Rahab bang libung ar bawang.

YUSAK 6:17

Idi bawang ineh uen ngusag ngaceku Tuhan, do' bawangdeh idi amung luk bang ineh. Iamo' do' Rahab, decur luk mesawa' ineh dengan lun luk bang tetek ruma'neh uen ngulun. Ngaceku ieh nengapung lun luk iné' nier luk pangeh icuk tau.

YUSAK 6:22

Kebala Yusak nedidueh luk iné nier bawang ineh, “Amé' medueh déi' ruma decur luk mesawa' ineh, idi nguit decur ineh rat déi', idi amung lun luk bang tetek ruma'neh, maya' kudeng jani' medueh neneh atun.”

YUSAK 6:25

Iamo' Yusak nengulun Rahab decur luk mesawa' ineh, idi amung lun bang tetek ruma'neh, idi amung-amung luk ieh kuan. Idi ideh tudo arang uned lun Israil macing aco sini, ngaceku ieh nengapung dueh lun luk pangeh icuk Yusak iné' nier bawang yeriko.

SEMUIL LUK PUN-PUN 20:8

Idi do' iko nganau' luk do' kuanku, ngaceku iko pangeh nengeraben jani' negku pa kiung Tuhan. Iamo' kudeng ui inan sala' anun-anun, do' iko ngaté negku. Ngudeh iko nima' ni tamam nganau' ineh?”