YUSAK 2:12 - BALA LUK DO'

¹² Idi nekini do' medueh pejani' negku ku bulung ku ngadan Tuhan. Ngaceku ui pangeh nenganau' do' kuan medueh. Idi medueh pana' miak nganau' do' kuan tetek ruma'ku. Idi teh maré kuanku aceh tanu'.

YUSAK 2:12 Iomraidhean Croise

PUDUT 21:23

Ngaceku ineh, nekini do' iko pejani' negku pa kiung Allah, pelé iko na naluk negku, anakku, idi mupunku. Iamo' mepad kudeng luk pangeh inau'ku kuanmu, do' iko pana' nganau' kuanku idi kuan bawangku luk inanmu tudo.”

PUDUT 24:3

idi do' iko pebulung ku ngadan Tuhan, Allah langit idi tana', pad iko na nima' anakku ngaweh decur lun Kanaani luk arang tau ini.

PUDUT 24:9

Idi lun duken ineh nengerareng ticu'neh pa liang tipan Ibrahim luk tuanneh. Idi ieh nepejani' neneh ratnan luk bila Ibrahim.

PUDUT 40:14

Iamo' do' iko ngerawé negku kareb ini mangun kuanmu, do' iko méi' negku, idi maré bala rat negku kuan raca', idi nutun ngeruat negku rat bang tutup ini.

INUL LUK KEDUEH 36:13

Sedekia sikal metueh ratnan Raca' Nebukadnesar luk pangeh nengecuk neneh pebulung ku ngadan Allah pad ieh lutep maya' raca' ineh. Idi ieh metueh niat idi na pian uren idi lumi inan Tuhan Allah lun Israil.

ESTER 8:6

Kudeng apehké ui tuman kudeng susa' ini macing kuan pupuku, pad pupuku sebuleng pitayen?”

PURA' 12:13

Idi dara' luk munung tanga' ineh mangun ku aceh tanu', pad ngegala' anid-anid ruma' su luk inan muyuh. Kareb Ui nier dara' ineh, idi Ui lemaba nemuyuh, pad dereh ineh na miak ngedat nemuyuh kareb Ui ngukum bawang Masir ineh.

YEREMIA 12:16

Kudeng ideh mepicet maya' sembayang pupuKu, idi pebulung ratnan ngadan Tuhan luk mulun — mepad kudeng luk atun ideh nemada' pupuKu pebulung ratnan ngadan Baal — idi ideh miak mangun ku aceh babpat pupuKu idi ngalap peruan.

MARKUS 14:44

Idi lemulun luk nemasui Yésus ineh pangeh nemaré tanu' kuandeh, keburi'neh, “Lemulun luk ui muen, Ieh ineh Yésus. Do' muyuh ngakem Neneh idi matar Neneh do'-do'.”

SURAT LUK BIRE PAULUS KUAN LUN RUM 1:31

mebacé, na maya' jani', na mawa nelun, idi na méi' teh.

1 TIMOTIUS 5:8

Iamo' kudeng idé lemulun luk na ngasa' pupuneh sebuleng meluun teh uang tetek ruma'neh, idi ieh pana' pangeh nengarung anu, idi ieh meluun dat ratnan lemulun luk na manu.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

YUSAK 2:13

Do' ngulun taman-tinanku, idi kinanak-kinanakku, idi amung uang tetek ruma'deh! Aleg nima' nekai pitayen!”

YUSAK 2:18

Ninger do'-do'! Kareb kai samuet bang bawangmu, do' iko ngabet nuper ini luk mesia' nan gisumen luk dalan kai dueh inururmu ineh. Idi do' iko ngamung taman-tinanmu, kinanak-kinanakmu, idi amung lun bang tetek ruma'mu bang ruma' ini.

YUSAK 2:19

Kudeng idé-idé remuat rat bang ruma'mu idi pitayen, kali' rungen ieh kuan sala', idi kai na mesala'. Iamo kudeng idé luk bang ruma'mu murat, kai mesala'.

YUSAK 6:22

Kebala Yusak nedidueh luk iné nier bawang ineh, “Amé' medueh déi' ruma decur luk mesawa' ineh, idi nguit decur ineh rat déi', idi amung lun luk bang tetek ruma'neh, maya' kudeng jani' medueh neneh atun.”

YUSAK 9:15

Idi Yusak nepedo' nedeh. Idi ieh nepejani' ngulun nedeh. Kudeng ineh teh amung lun rayeh tebubpun ineh nepebulung nedeh.

LUN LUK NGUYUT 1:24

Idi lun luk inée' nier ineh nenier aceh burur deléei remuat rat bang bawang ineh. Idi kebaladeh neneh, “Mada' nekai su apeh dalan semuet amée' bang bawang ini, pad kai na ngatée' namu.”

SEMUIL LUK PUN-PUN 30:15

Idi kebala Daud neneh, “Miakké iko nated negku amé' papu' baweh ineh?” Idi ieh nengor bala Daud, “Kudeng iko pebulung kuanku ku ngadan Allah, na iko ngaté negku, idi na iko maré negku bang palad tuanku, idi miak ui amé' nated namu amé' papu' baweh ineh.”