YUSAK 2:11 - BALA LUK DO'

¹¹ Kareb kai neninger amung ineh, idi kai matot. Seburur pana' nateh luk mekuu' ngaceku muyuh. Tuhan Allah muyuh, Ieh ineh Allah bang langit idi bang tana' pana'.

YUSAK 2:11 Iomraidhean Croise

RACA'-RACA' LUK PUN-PUN 8:60

pad amung pupu luk luun tana' ini miak kali' idi Tuhan mo' luk Allah, idi na luk baken.

RACA'-RACA' LUK KEDUEH 5:15

Idi ieh nelemubed iné' ni Elisa dengan amung bawehneh, kebalaneh, “Nekini ui kali' aput tana' ini na luk idi Allah baken, iamo' Allah lun Israil mo'. Idi nekini do' iko ngalap aceh baré rat negku.”

NEHEMIA 6:16

Kareb bunu' kai luk libut-libut Yerusalim nekali' bala ineh, idi ideh migu', ngaceku amung-amung lemulun kali' idi kekamen ineh pangeh inau' ngaceku pedengan ratnan Allah.

ESTER 8:17

Bang anid-anid babpat idi bawang, su apeh ukum raca' pangeh bica', lun Yahudi nenganau' aco rayeh, idi nenganau' irau dengan mawang niat. Idi teh mula' lun baken nengisu' adatdeh mangun ku lun Yahudi, ngaceku ideh matot nedeh nekini.

NANI UBUR 102:15

Amung pupu miak matot inan Tuhan; amung raca' bang tana' ini miak matot ku laludNeh.

NANI UBUR 22:14

Tuehku nabud, mepad kudeng abpa' luk inutat. Amung-amung bukuh tulangku pekisu'; idi niatku mepad kudeng ulih luk remuno.

NANI UBUR 58:7

Do' ideh na idi mepad kudeng abpa' luk mekeket; idi riduen mepad kudeng uduh luk luun dalan.

NANI UBUR 83:18

Nima' nedeh kali' Iko sebuleng luk Tuhan, idi raca' luk meluun rayeh pa luun amung tana'!

PURA' 15:14

Amung pupu ninger, pad ideh megegker. Idi lun Pilistin pelaba tot.

PURA' 15:15

Idi lun rayeh-rayeh Edom matot; idi lun rayeh-rayeh Moab pana' megegker; idi lun Kanaani pana' na mekuu' peh.

YESAYA 13:7

Kareb ineh amung ticu' melaya', idi na kuu'deh peh.

YESAYA 19:1

Ini bala ratnan Masir. Tuhan amé' Masir maya' laput. Akang Masir megegker pa kiungNeh, idi lun Masir matot Neneh.

YEHISKIEL 21:15

pad pupuKu na mekuu' idi metebaceng. Ui ngatot bawangdeh ku pelapet luk merasat, mepad kudeng kilep idi luk temina' ngaté.

NAHUM 2:10

Ninewé inusag, tican, idi dat ali! Niatdeh sigio ku totdeh; idi teh alebdeh megegker. Kiungdeh mebudi idi ideh melaya' peh.

BADA' RATNAN UKUM 1:28

Kudeng apehké bawang luk ulek tau? Kali' rungen tau matot? Lun luk icuk ineh nepebala, “Idi ieh ineh aceh pupu luk rayeh idi metueh rat netau. Idi bawang-bawangdeh pana' rayeh muyuh.’ Idi kebala muyuh, ‘Matu langit. Idi teh kai pangeh nenier inul lun Enak luk rayeh burur déi'.” ’

BADA' RATNAN UKUM 20:8

Idi teh do' lun rayeh pebunu' ineh petacu pebala kudeng ini, ‘Idé-idé luk matot idi luk metalang niatneh, do' ieh lemubed muli' amé' i ruma'neh, pad niat kinanak-kinanakneh na mangun metalang mepad kudeng niatneh ineh.’

BADA' RATNAN UKUM 4:39

Idi nekini do' muyuh ngerawé, idi Tuhan ineh Allah pa luun langit idi pa luun tana'. Idi na luk baken ratnan Allah.

YUSAK 14:8

Iamo' amung kinanakku luk iné' maya' negku, ieh ineh nengetalang niat lun mula'. Iamo' ui nemaya' Tuhan Allahku dengan amung niatku.

YUSAK 2:24

Kebala didueh ni Yusak, “Kali' rungen Tuhan pangeh nemaré amung tana' ini bang palad tau. Ngaceku niat amung lun bang bawang ineh megagau, ngaceku matot netau.”

YUSAK 5:1

Amung raca' lun Amori luk pa acep aco déi' Abpa' Yarden, idi amung raca' lun Kanaan luk tangeb Abpa' Rayeh nekali' bala Tuhan pangeh nengeket Abpa' Yarden pa kiung amung lun Israil, pad lun Israil neguta. Idi ideh matot idi na mekuu' ngaceku lun Israil.

YUSAK 7:5

Idi lun bang bawang Ai nengaté 36 burur rat arangdeh. Idi ideh nengerada' nedeh rat tanga' bawangdeh macing su luk inan ngalap batu. Idi ideh nengaté nedeh kareb ideh musul irang. Idi lun Israil megegker niat, pad ideh matot.

YUSAK 9:24

Idi kebala lun Gibion ineh ni Yusak, “O tuan, kai nenganau' kudeng ineh ngaceku kai nesibada' ratnan bala Tuhan Allah muyuh ni Musa, ratnan Ieh pian maré aput tana' ini nemuyuh, idi pian ngaté amung lun luk mudeng bang bawang ini pa kiung muyuh, pad kai pelaba tot pitayen muyuh.

BALA LUK LINIO 6:16

Ideh nengitang kuan pegkung-pegkung idi batu-batu ineh, “Do' ngeritep nekai, idi ngelinged nekai ratnan matehNeh luk tudo luun kerusi ineh, idi ratnan useh Anak Dumba ineh!