YUSAK 2:1 - BALA LUK DO'

¹ Idi Yusak nelulem ngecuk dueh burur rat Sitim amé' nier, kebalaneh, “Amé' medueh ngikak tana' ineh, idi bawang Yeriko.” Idi didueh nesemuet bang ruma' seburur decur luk mesawa', ngadanneh Rahab, idi didueh netudo déi'.

YUSAK 2:1 Iomraidhean Croise

PUDUT 42:16

Do' ngecuk seburur rat arang muyuh amé' ngalap neneh amé' tungé', iamo' muyuh ini tudo bang tutup, pad bala muyuh miak uen nutun, kudeng bala muyuh matu; kudeng na, ui pebulung ku ngadan raca', muyuh ini lun luk amé' nier.”

PUDUT 42:9

Idi Yusup nengerawé ratnan nupineh nedeh. Idi kebalaneh nedeh, “Muyuh ini lun luk amé' nier bawang, idi kudeng apeh laya' bawang ini.”

MIKA 6:5

O pupuKu, do' ngerawé ratnan luk tirawé Balak, raca' Moab ratnan muyuh, idi kudeng apeh Bilam Bior nengor balaneh. Do' ngerawé ratnan amung-amung luk nangun kareb maya' dalan rat Sitim amé' Gilgal, pelé muyuh kali' luk inau'Ku pad ngulun nemuyuh.”

IAP 13:1

Kebala Tuhan ni Musa,

IAP 13:2

“Do' iko ngecuk nelun amé' nier bawang Kanaan luk barénKu kuan lun Israil; ratnan anid-anid inul tamandeh, do' iko ngecuk seburur deléi, idi do' amungdeh lun luk mileh nguyut.”

IAP 25:1

Kareb lun Israil nelupo déi' Sitim, idi ideh nepasét inan decur Moab.

MATIUS 1:5

Salmun nenginul Boas ratnan awanneh Rahab; Boas nenginul Obéd ratnan awanneh Rut; Obéd nenginul Isai.

MATIUS 10:16

“Ngerawé do'-do'! Ui ngecuk nemuyuh kudeng dumba arang uned bungalé. Do' muyuh mileh mepad kudeng menipeh, idi do' niat mepad kudeng suit sukur.

EPESUS 5:5

Ngerawé do'-do'! Lemulun luk pasét, lemulun luk melutak, idi lemulun luk melili (ngaceku lili ineh mepad kudeng sembayang inan akang) na ngalap babpat bang Imet Keristus idi Allah ineh.

IBERANI 11:31

Ratnan anu teh Rahab, decur luk mesawa' ineh na pinaté dengan amung-amung lemulun luk nengelaba ukum, ngaceku ieh nenawar lemulun luk iné' nier bawang dengan awang.

YAKUB 2:25

Kudeng ineh teh Rahab seburur decur luk mesawa' ineh pana'. Ieh inau' matu ngaceku ratnan kekamenneh, ratnan ieh nenganak idi nengecuk lemulun luk duken rumuat maya' dalan luk baken?

YUSAK 1:18

Idé luk na sikal maya' balamu idi luk ngelaba balamu bang anun-anun luk dukenmu nedeh, ieh ineh pitayen. Do' iko metueh idi mekuu' teh.”

YUSAK 2:2

Idi lun nemada' ni raca' Yeriko, kebaladeh, “Malem ini lun Israil nacing tungé' pian nier bawang ini.”

YUSAK 21:31

Helkat, idi Rehob perapu ku laman — ieh ineh apat bawang.

YUSAK 3:1

Idi pekak uka-uka Yusak netemui, idi nenalan rat Sitim dengan amung lun Israil, idi nacing déi' Abpa' Yarden. Idi ideh nelupo ieneh kareb nateh ideh neguta.

YUSAK 5:10

Idi kareb lun Israil nelupo déi' Gilgal, idi ideh nenganau' Irau Paska bang pulu' apat aco bulan ineh kareb aco malem déi' patar muneng ku Yeriko.

LUN LUK NGUYUT 18:14

Idi ideh luk limeh burur ineh luk inée' nier libut bawang Lais ineh nengitun nelun rurumdeh, “Kali' muyuh bang ruma' ini, inan aceh akang luk kikep ku pirak? Idi inan teh tuda'-tuda' akang luk baken dengan ebpudeh? Anun luk miak ruen tau bang terawée muyuh?”

LUN LUK NGUYUT 18:17

Idi limeh bururdeh luk inée' nier bawang ineh petacu numak, idi nengalap akang luk kikep ku pirak, idi amung akang luk baken teh dengan ebpudeh. Idi imam ineh netuped munung tanga' dengan 600 burur lun luk amée' pebunu' ineh.

LUN LUK NGUYUT 18:2

Idi lun pupu Dan nemili' limeh burur lun luk mileh rat arang pupudeh, idi nengecuk nedeh nalan rat bawang Sora idi Estaul, pad ideh miak nier aput tana' ineh. Idi kebaladeh nedeh, “Amée' muyuh idi nier bawang ineh.” Idi ideh inée' déei' luun pegkung-pegkung Epraim, idi netudo bang ruma' Mika.