YUSAK 19:51 - BALA LUK DO'

⁵¹ Idi ini babpat luk bibpat Eliasar luk imam idi Yusak Nun, idi amung lun rayeh pupu kuan amung inul pupu lun Israil dengan nenala' udi déi' Silo pa kiung Tuhan, pa atun Lepo su luk inan papu' Tuhan. Kudeng ineh ideh nemangeh babpat-babpat tana' ineh.

YUSAK 19:51 Iomraidhean Croise

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

NANI UBUR 78:60

Ieh nenecan lepoNeh luk déi' silo, su luk inanNeh netudo arang lemulun;

MATIUS 20:23

Kebala Yésus nedidueh, “Matu, medueh miak ngirup ratnan sangkirKu. Iamo' ratnan tudo pa tinueh idi pa kabingKu, na Ui melalud maré kuan medueh, iamo' babpat ineh tinina' kuan lemulun luk pinili' TamanKu.”

MATIUS 25:34

Idi Raca' ineh sikal pebala kuan lemulun luk pa tinuehNeh, ‘Amé' muyuh luk pangeh nengalap peruan ratnan TamanKu, lapen muyuh rat pun-pun tana' pinudut.

YAHYA 17:2

Iko pangeh nemaré lalud kuanNeh pa luun amung-amung lemulun, pad Ieh miak maré ulun luk meruked kuan anid-anid burur luk biréMu Neneh.

KEKAMEN RASUL-RASUL 13:19

Ieh nengusag tudu' pupu déi' bawang Kanaan, idi Ieh nemabpat tana'deh kuan pupuNeh sebuleng mangun ku bawangdeh,

YUSAK 14:1

Idi ini luk ilap lun Israil ku babpat déi' bawang Kanaan luk bibpat-bibpat Eliasar luk imam, idi Yusak Nun, idi amung lun rayeh pupu ku babpat lun Israil,

YUSAK 18:1

Kareb ideh pangeh nengelaya' amung bawang luk pa atundeh, amung lun Israil nepamung déi' Silo, idi ideh nemudut Lepo su luk inan papu' Tuhan.

YUSAK 18:10

Idi Yusak nenala' udi ngaceku ideh déi' Silo pa kiung Tuhan. Idi tana' ineh teh bibpat Yusak kuan anid-anid pupu lun Israil.

YUSAK 20:1

Idi kebala Tuhan ni Yusak,

LUN LUK NGUYUT 21:19

Idi kebaladeh, “Inan aceh aco rayeh kuan Tuhan déei' Silo anid-anid lak.” Silo, ieh ineh pa tinueh busat aco Baitel, idi pa kabing busat aco Lebona idi pa busat aco dalan rat Baitel amée' Sikem.

LUN LUK NGUYUT 21:21

idi nier do'-do'. Kareb anak-anak decur rat Silo remuat amée' ngalai kareb aco rayeh ineh, do' muyuh remuat rat bang kabun anggur ineh, idi anid-anid burur muyuh naban nedeh ku awan muyuh idi muli' amée' bawang Beniamin.

SEMUIL LUK PUN-PUN 1:3

Idi anid-anid lak Elkana iné' rat bawangdeh pian sembayang idi maré luk barén kuan Tuhan luk Melalud déi' Silo. Idi déi' inan dueh imam Tuhan, ieh ineh Hopni idi Pinihas Eli.