YUSAK 18:6 - BALA LUK DO'

⁶ Idi do' muyuh ngayud ayu tudu' babpat tana' ineh, idi nguit luk inayud muyuh ineh amé' negku. Idi ui miak nala' udi ngaceku muyuh pa kiung Tuhan Allah tau.

YUSAK 18:6 Iomraidhean Croise

NANI UBUR 105:11

“Ui miak maré tana' Kanaan mangun ku babpatmu sebuleng.”

BALE' 16:33

Lemulun nala' udi, iamo' Allah ineh luk mutut.

BALE' 18:18

Kareb dueh burur lemulun luk melalud besara', kedaluh didueh uen mutut makai udi.

IAP 33:54

Idi do' muyuh mabpat tana' ineh kuan pupu muyuh, dengan nala' udi. Idi do' maré babpat luk rayeh kuan inul luk mula', idi babpat luk isuut kuan inul luk pawa'.

IAP 34:13

Idi kebala Musa nelun Israil, “Ini tana' luk ruen muyuh mabpat dengan nala' udi, idi luk pangeh bila Tuhan barénNeh kuan inul pupu luk liwa' setangal ineh.

KEKAMEN RASUL-RASUL 13:19

Ieh nengusag tudu' pupu déi' bawang Kanaan, idi Ieh nemabpat tana'deh kuan pupuNeh sebuleng mangun ku bawangdeh,

YUSAK 14:2

dengan nala' udi ngeletep babpatdeh maya' kudeng bala Tuhan ni Musa kuan iwa' setangal inul ineh.

YUSAK 18:10

Idi Yusak nenala' udi ngaceku ideh déi' Silo pa kiung Tuhan. Idi tana' ineh teh bibpat Yusak kuan anid-anid pupu lun Israil.

YUSAK 18:7

Lun Liwi ineh na ngalap babpat arang muyuh, ngaceku babpatdeh ineh kekamen imam kuan Tuhan. Idi inul Gad idi Rubin idi sebuang inul Manasé ineh pana' pangeh nengalap babpatdeh pa busat aco Abpa' Yarden, luk pangeh biré Musa lun duken Tuhan ineh kuandeh.”

YUSAK 18:8

Idi ideh iné' ngayud ayu tana' ineh, idi kebala Yusak nedeh, “Amé' muyuh nalan aput-aput tana' ineh idi ngayud ayuneh, idi lemubed amé' negku, pelé ui nala' udi ngaceku muyuh pa kiung Tuhan déi' Silo.”