YUSAK 18:4 - BALA LUK DO'

⁴ Maré teluh burur rat anid-anid pupu. Idi ui ngecuk nedeh nalan amé' aput-aput tana' ineh idi ngayud ayuneh maya' anid-anid babpat. Idi ideh miak lemubed amé' negku.

YUSAK 18:4 Iomraidhean Croise

MIKA 2:5

Ngaceku ineh, seburur pana' rat arang muyuh nateh luk miak ngalap tana' kareb aco tana' uen mabpat teh arang pupu Tuhan.

IAP 1:4

Idi do' medueh nguit lun rayeh ratnan anid-anid pupudeh.”

IAP 13:2

“Do' iko ngecuk nelun amé' nier bawang Kanaan luk barénKu kuan lun Israil; ratnan anid-anid inul tamandeh, do' iko ngecuk seburur deléi, idi do' amungdeh lun luk mileh nguyut.”

YUSAK 18:3

Idi kebala Yusak nelun Israil, “Tuda' ioké muyuh na iné' ngalap tana' ineh ku babpat muyuh luk pangeh biré Tuhan Allah tepun muyuh nemuyuh?

YUSAK 18:5

Idi ideh miak mabpat tana' ineh tudu' babpat. Idi Yahuda miak ketecan na tana' ineh luk pa kabing busat aco. Idi amung lun bang ruma' Yusup miak ketecan nan tana' ineh luk pa tinueh busat aco.

YUSAK 18:6

Idi do' muyuh ngayud ayu tudu' babpat tana' ineh, idi nguit luk inayud muyuh ineh amé' negku. Idi ui miak nala' udi ngaceku muyuh pa kiung Tuhan Allah tau.

YUSAK 18:9

Idi ideh nenalan aput-aput tana' ineh, idi nengayud ayu tudu' babpat bawang ineh bang aceh surat. Idi ideh nelemubed iné' ni Yusak su luk inandeh nelupo déi' Silo.

YUSAK 3:12

Do' muyuh mili' pulu' dueh burur, seburur ratnan anid inul lun Israil.

YUSAK 4:2

“Mili' pulu' dueh burur, seburur ratnan anid inul lun Israil,